Dagblaðið Vísir - DV - 15.02.2012, Blaðsíða 10

„Ástandið á Íslandi mun batna hratt“
10 Fréttir 15. febrúar 2012 Miðvikudagur
Verð í sund kannað:
Dýrara að fara
í sund en áður
Verðlagseftirlit ASÍ kannaði verð
og breytingar á milli ára á gjald-
skrám sundstaða hjá 15 stærstu
sveitarfélögum landsins. Sveit-
arfélögin sem skoðuð voru hafa
hækkað gjaldið á stökum miða
í sund fyrir fullorðna um 4 til
23 prósent. Þetta kemur fram
í tilkynningu frá Alþýðusam-
bandi Íslands (ASÍ). Þar kemur
fram að árskort fullorðinna hafi
hækkað hjá 11 sveitarfélögum
af 15 um 3 til 23 prósent. Aðeins
Reykjavík, Reykjanes, Árborg og
Seltjarnarnes hafa ekki hækkað
árskortið hjá sér. Hjá 10 sveita-
félögum af 15 er greitt fyrir börn
á grunnskólaaldri í sund.
Fyrir þá sem ekki eru hand-
hafar sundkorta og greiða fyrir
stakar sundferðir er það ódýrast
í Reykjanesbæ, eða 370 krónur.
Hæsta staka gjaldið er í Árborg
og í Kópavogi, eða 550 krónur.
Verðmunurinn er því tæplega
50 prósent.
Öll sveitarfélögin hafa hækk-
að hjá sér gjaldskrána á stakri
sundferð milli ára. Mesta hækk-
unin er í Hafnarfirði, um 32
prósent, eða úr 340 krónum í
450 krónur. Minnsta hækkunin
er á Akureyri, eða um 4 prósent.
Þar fer gjaldið úr 450 krónum
í 470 krónur og á Ísafirði um 4
prósent, eða úr 490 krónum í
510 krónur.
Flest sveitarfélög bjóða upp
á afsláttarkort en hægt er að
kaupa 10, 20 og 30 miða kort.
Þá er einnig hægt að kaupa
mánaðarkort, sex mánaða kort
og árskort. Samkvæmt könn-
un verðlagseftirlits ASÍ er allt
að 69 prósenta verðmunur á
hæsta og lægsta verði fyrir 10
miða kort sem selt er hjá öllum
sveitarfélögum nema Akranesi.
Hæsta gjaldið fyrir 10 miða kort
er 4.400 krónur í Kópavogi en
lægst er það á 2.600 krónur í
Vestmannaeyjum. Mest hefur
kortið hækkað í Hafnarfirði, um
43 prósent, eða úr 2.300 krón-
um í 3.300 krónur. Eina sveitar-
félagið sem hefur ekki hækkað
verðið á 10 miða kortinu er Ak-
ureyri, en þar kostar það 3.900
krónur.
30 miða kort er aðeins selt
hjá 9 sveitarfélögum af þeim
15 sem skoðuð voru. 104 pró-
senta verðmunur er á hæsta og
lægsta verði. Dýrast er kortið í
Kópavogi, eða 9.900 krónur en
ódýrast á Akranesi 4.860 krónur.
Mesta hækkun á 30 miða korti
er hjá Hafnarfjarðarbæ, eða um
43 prósent, þar sem það fer úr
6.300 krónum í 9.000 krónur
milli ára. Minnsta hækkunin er
1 prósent hjá Garðabæ þar sem
gjaldið fer úr 6.900 krónum í
7.000 krónur. Nánar má lesa um
niðurstöður könnunarinnar á
vef ASÍ, asi.is.
Jón Ásgeir Jóhannesson svaraði 130 spurningum
á Beinni línu DV.is á þriðjudag. Í máli hans kom fram
að hann telur framtíð Íslands bjarta. Hann telur við-
skiptasiðferði hér á heildina litið gott en segir það
líða fyrir smæð landsins. Hann vill að Alþingi setji á
fót sannleiksnefnd sem starfi fyrir opnum tjöldum.
Guðbrandur Jónatansson: Hafið þið
feðgar eða þú hugleitt að setja upp
matvöruverslun á Íslandi?
 Jón Ásgeir Það er ekki á teikniborðinu, en
ég tala bara fyrir sjálfan mig – aldrei að
vita hvað sá eldri gerir.
Sigurður Eggertsson: Hvað finnst
þér um aðkomu Glitnis að Vafnings-
málinu? Var það ekki vitað að bankinn
ætti í vanda og gæti ekki lánað þessar
upphæðir á þessum tíma? Var þér kunnugt um
þessa gjörninga?
 Jón Ásgeir Ég þekkti þetta ekki – og vil
ekki tjá mig um sakamál sem er rekið fyrir
dómstólum.
Hafsteinn Árnason: Hvað finnst þér
um núverandi stjórnvöld? Eru þau að
standa sig vel eða illa?
 Jón Ásgeir Steingrímur er duglegur – er
kannski ekki alltaf sammála honum. Ætli
svarið sé ekki bara vel og illa. Manni finnst
eins og stjórn landsins hvíli einkum á
einum aðila.
Ágúst Jónatansson: Hvernig finnst
þér að gera þurfi upp hinn siðferðilega
hluta hrunsins við þjóðina?
 Jón Ásgeir Með sannleiksnefnd skipaðri af
Alþingi, sem starfar fyrir opnum tjöldum,
t.d. í beinni útsendingu í fjölmiðlum.
Hrannar Gunnarsson: Jón, nú reyndir
þú að kaupa Newcastle United á
sínum tíma. Var Chelsea of stór biti?
 Jón Ásgeir Það var nú e-ð grín, ég sást í e-i
treyju, sem á stóð Owen og einhver mislas
það sem Owner og allir héldu að ég ætlaði
að kaupa.
Hördur Ágústsson: Ertu með lyftara-
próf?
 Jón Ásgeir Já, er sennilega
útrunnið – vann við það í þrjú ár.
Atli Fanndal: Hver er afstaða þín til
landsdóms? Eru það pólitískar
ofsóknir að Geir H. Haarde standi einn
með ákæru í fanginu?
 Jón Ásgeir Ég hef sagt það áður að mér
finnist þessi málatilbúnaður fáránlegur og
rangt að Geir sitji einn á sakamannabekk.
Sigurður Þórðarson: Nú sagðir þú í
Silfri Egils að þú hefðir aldrei heyrt af
eyju að nafni Tortola en nú er komið í
ljós að þú áttir félög á þeirri eyju, hvernig
svarar þú fyrir það?
 Jón Ásgeir Ég þekki British Virgin Islands
en ekki nafnið Tortola. Það var Egill sem
gerði þá eyju fræga.
Hörður Ágústsson: Hver er þín
skoðun á samhengi afskrifta fyrir
fyrirtæki og einstaklinga? T.d. með
vísun í Guðmund í Brimi sem fær afskrifaða
milljarða sama dag og hann kaupir húsið af
Hannesi Smára.
 Jón Ásgeir Það er mín skoðun að það sé
engum til góðs að setja einstaklinga eða
fyrirtæki í þrot eftir efnahagshrun, meta
verði raunverulega greiðslugetu fyrirtækja
og heimila.
Sigurður Sigurðsson: „Þetta var ekki
okkur að kenna,“ sagðir þú í október
2008 (Silfur Egils) og varst að tala um
þig sjálfan og aðra umsvifamikla íslenska
„útrásarvíkinga“ og ábyrgð á Hruninu. Ertu enn
á þessari skoðun?
 Jón Ásgeir Ég er enn þeirrar skoðunar að
í kjölfar þess að eignabólan sprakk í vest-
rænum hagkerfum dundu yfir hörmungar
á hagkerfum vestrænna landa, sem voru
miklu stærri en að einhverjir einstaklingar
beri ábyrgð.
Þórarinn Einarsson: Hver er afstaða
þín til aðildar Íslands að ESB í dag?
 Jón Ásgeir Ég tel að eina leið
Íslendinga út úr krónuvandamálinu sé að
ganga í ESB og taka upp evru.
Pétur Jónsson: Telur þú að þú hafir
unnið meira gagn en ógagn fyrir land
og þjóð?
 Jón Ásgeir Vonandi meira gagn.
Ólafur Ragnarsson: „Stærsta
bankarán sögunnar,“ voru þín orð
skömmu áður en Glitnir féll. Telur þú
að bankaránið hafi tekist og menn komist upp
með það?
 Jón Ásgeir Ég tel að sú aðferðafræði sem
var notuð hér á landi í upphafi október
2008 til að takast á við frost á lánamörk-
uðum erlendis hafi ekki verið rétt.
Kolbrún Engilbertsdóttir: Jón
Ásgeir! Hvernig stendur á því að þið
hjónin haldið 365 miðlum og
Fréttablaðinu eftir allt sem á undan er gengið?
 Jón Ásgeir Félag á vegum konu minnar
lagði fé í fyrirtækið – þess vegna er félagið
undir hennar yfirráðum.
Ingimar Helgason: Sæll, um hversu
háar fjárhæðir hefur þú eða fyrirtæki
sem þér tengjast styrkt stjórnmála-
flokka? Hvaða flokka og hver var tilgangurinn
með styrkjunum?
 Jón Ásgeir Ég man ekki fjárhæðir, en ég
var alltaf þeirrar skoðunar að þetta ætti að
fara nokkuð jafnt yfir alla til að viðhalda
lýðræði í landinu.
Helen Pálsdóttir: Hæ, hæ. hvað
finnst þér um 110% leiðina?
 Jón Ásgeir Eins og ég sagði áður
þá verða einstaklingar að geta staðið undir
skuldum sínum – það græðir enginn á
gjaldþrotaleið. Þar sem verðbólgan hefur
haldið áfram er hætt við því að þetta verði
130–140% leið og það er ekki gott.
Ágúst Jónatansson: Ertu sammála
þeim sem vilja aðskilja viðskipta-
banka og fjárfestingabanka?
 Jón Ásgeir Já.
Jakob Bjarnar Grétarsson: Sæll, Jón
Ásgeir! Hversu mikið hefur 365 greitt í
málskostnað og sektir fyrir
blaðamenn sína í gegnum tíðina í meiðyrða-
málum?
 Jón Ásgeir Ég hef ekki þær tölur á
takteinum.
Anna María Svansdóttir: Hver er
skoðun þín á þeirri markaðsmisnotkun
sem allir bankarnir og flestar stærstu
viðskiptablokkirnar virðast hafa stundað fyrir
hrun?
 Jón Ásgeir Það er ekki mitt að fella dóma.
Ég er ekki með forsendur þessara mála til
að tjá mig um þau, en höfum í huga að láta
dómstólana dæma og leyfa mönnum að
vera saklausir þar til sekt er sönnuð.
Pétur Jónsson: Er viðskiptasiðferði á
Íslandi gott? Hvað mætti betur fara?
 Jón Ásgeir Heilt yfir held ég það.
Það er litað af smæð landsins.
Haraldur Einar Hannesson: Hefur
þér eitthvað hugnast að fjárfesta
meira hér heima í náinni framtíð?
 Jón Ásgeir Það verður bara að koma í ljós.
Ingimar Helgason: Ertu á launaskrá
365 miðla? Ef svo, hvað ertu með í
mánaðarlaun og hvert er starfs-
sviðið?
 Jón Ásgeir Já – er ráðgjafi og hef verið um
árabil. Laun eru trúnaðarmál.
Sigurður Sigurðsson: Að þínu mati,
eftir á að hyggja, hvað hefði
Seðlabankinn átt að gera varðandi
Glitni banka í lok september 2008?
 Jón Ásgeir Í fyrsta lagi að átti að kalla alla
saman, bankastjóra, FME, ríkisstjórnina,
og reyna að finna lausn á málunum, svipað
og var gert í USA og UK, þar stýrðu menn
fram hjá skerjum í stað þess að steyta á
þeim.
Aðalsteinn Hjelm: Hvað fór í alvöru
ykkar Davíðs Oddssonar í milli á sínum
tíma þegar „hann kallaði þig inn á
teppið“?
 Jón Ásgeir Það er kurteisi að segja ekki frá
tveggja manna tali.
Benedikt Hinriksson: Hvað áttu
stórt sjónvarp? Hér er talað í
tommum.
 Jón Ásgeir Ég á tvö túbusjónvörp í meðal-
lagi stór og einn flatskjá 42".
Alma Guðmundsdóttir: Baugur
Group vildi stofna sérlífeyrissjóð – í
hvaða tilgangi?
 Jón Ásgeir Baugur ætlaði sér aldrei að
stofna lífeyrissjóð – fólkið á sína lífeyris-
sjóði sjálft – það eitt getur stofnað þá.
Aðalsteinn Hjelm: Sérðu einhverja
fjárfestingarkosti úti á landsbyggð-
inni, t.d. í ferðamannaiðnaðinum, sem
þú sérð fyrir þér taka þátt í að byggja upp?
 Jón Ásgeir Ferðamannaiðnaðurinn á Ís-
landi er rétt að byrja – verður orðinn stærri
en sjávarútvegur 2020.
Ólafur Ragnarsson: Þú ert háll sem
áll, Jón Ásgeir, ættir að vera í
stjórnmálum… því spyr ég aftur hvort
þú teljir að menn séu að komast upp með
„Stærsta bankarán sögunnar“ eins og þú
komst sjálfur að orði?
 Jón Ásgeir A.m.k. fengu margir vogunar-
sjóðir skuldabréf á föllnu bankana á slikk
og hafa hagnast svakalega.
Sindri Snæsson: Telur þú þig vera
mann með sterka siðferðiskennd? Og
telur þú þig vinna eftir öllum þeim
reglum er lúta að viðskiptasiðferði?
 Jón Ásgeir Já, ég tel að svo sé og hef
átt farsæl viðskipti við menn í gegnum
tíðina – ekki margir sem kvarta sem hafa
átt við mig viðskipti, en margir telja sig
geta kvartað, sem hafa ekki átt við mig
viðskipti.
Haukur Hauksson: Sæll, Jón. Telur
þú að gjaldeyrishöftin verði afnumin á
næstu 5 árum? Og hvernig ætti að
fara að því?
 Jón Ásgeir Ég held að eina raunhæfa
leiðin varðandi gjaldmiðilinn sé að við
tökum upp evru.
Atli Ingólfsson: Hvað finnst þér um
bensínverð hér á landi ?
 Jón Ásgeir Það er hátt en ekki hærra
en t.d. í Bretlandi en það er athyglisvert hvernig
Bandaríkin nálgast málin og hafa engar álögur
á bensín.
Ólafur Ragnarsson: Er það satt að þú
hafir beðið Hrein Loftsson um að bjóða
Davíð Oddssyni 300 milljónir á sínum
tíma?
 Jón Ásgeir Nei, það er ekki satt.
Lilja Gunnarsdóttir: Þú hefur alltaf verið
svolítið fitt. Hvernig heldurðu þér í formi?
Stundarðu einhverjar íþróttir? Pælirðu í
útlitinu?
 Jón Ásgeir Takk fyrir það – ég reyni að hreyfa
mig þegar tækifæri gefst.
Atli Þorsteinsson: Þú varðst fyrir
snjókasti mótmælanda 2008. Hefurðu
óttast að verða fyrir ofbeldi almennings
eftir að hrunið varð?
 Jón Ásgeir Nei, Íslendingar eru almennt
kurteisir og málefnalegir.
Bjarni Jónsson: Sæll, Jón! Af hverju rakst
þú og núna konan þín fjölmiðlafyrirtæki
sem rekið var með tapi ár eftir ár? Hver er
ávinningurinn af því fyrir ykkur hjónin sem fjárfestar?
 Jón Ásgeir 365 var rekið með hagnaði árið 2010
og 2011.
Aðalgeir Þorgrímsson: Ein létt frá
bílaáhugamanni: Hver er skemmtilegasta
græjan sem þú hefur ekið og hver er
draumabíllinn?