Dagblaðið Vísir - DV - 15.02.2012, Blaðsíða 11

Viðar Þórarinsson: Hvað viltu fá fyrir
Bentley-inn?
 Jón Ásgeir Formúlu 1 bíl, sem ég
fékk að keyra einn hring – ógleymanlegt.
Bentley-inn er frosinn.
Ólafur Ragnarsson: Var Hreinn
starfsmaður þinn að bjóða 300 millj.
til Davíðs Oddssonar að eigin
frumkvæði, eða var þetta skýlaus lygi hjá
Davíð að þetta hefði gerst?
 Jón Ásgeir Einhver laug eða einhver
misheyrði eða misskildi – ég var ekki á
staðnum og Illugi úti í búð og ég veit ekki
hvað fór þeim á milli eða hvernig.
Guðrún Sigurðardóttir: Á hverju lifir
þú í dag? Stundarðu vinnu? Hvað þá?
 Jón Ásgeir Ég vinn hjá 365 og fyrir
erlenda aðila.
Guðmundur Magnússon: Hver er
síðasta bókin sem þú last?
 Jón Ásgeir Jakob Frímann –
frábær bók – mæli með henni.
Brynjar Bjarnason: Sæll, Jón. Telur
þú að sá mismunur á milli eignasafna
bankanna og þess sem vogunarsjóðir
keyptu á hefði getað skilað sér í meira mæli til
lækkunar á húsnæðislánum?
 Jón Ásgeir Gylfi Magnússon gerði mikil
mistök þegar hann lagði til að Íslands-
banki og Arion yrðu settir í hendur
vogunarsjóða áður en menn voru búnir að
gera upp málefni innlendra fyrirtækja og
heimila.
Þórhallur Arason: Hvað hefur þú
lært af hruninu persónulega og
viðskiptalega?
 Jón Ásgeir Að færast ekki of mikið í fang
og hlúa að því sem mestu máli skiptir í
lífinu, fjölskyldunni, vinunum og því sem
gefur lífinu gildi. Það er ekkert spennandi
við að vera ríkt lík.
Sveinn Einarsson: Hvers vegna er
Steinunn Guðbjartsdóttir að leggja
þig í harkalegt einelti? Ekki er hún sú
allra heiðarlegasta.
 Jón Ásgeir Mér er fyrirmunað að skilja það
en það er e-r óskiljanleg persónuleg heift
sem þar liggur að baki, sem hefur ekkert að
gera með endurheimtur Glitnis banka.
Hjörvar Hermannsson: Hvað
myndirðu skjóta á að þú hafir eytt
mörgum milljónum í lögfræðikostnað
frá bankahruni? Skekkjumörk 100 kúlur.
 Jón Ásgeir Hundrað plús – Glitnis-steypan
í Bandaríkjunum var öllum dýr.
Aðalsteinn Jörgensen: Í öllum
þessum viðskiptasnúningum þínum,
varstu þá á einhvern hátt meðvitaður
um þá erfiðleika og hættu er þeir kynnu að
valda íslensku efnahagslífi, ef hlutirnir gengju
ekki fullkomlega upp hjá þér?
 Jón Ásgeir Mín viðskipti ein og sér hafa
ekki valdið erfiðleikum. Ég minni á að
þrotabú Landsbankans mun sennilega
fá 280 milljónir punda umfram skuldir
Baugs við bankann með sölu eigna, þ.m.t.
Iceland. Þeir peningar verða nýttir til að
greiða Icesave-skuld Landsbankans.
Brynjar Sigurðsson: Finnst þér þú
hafa gert eitthvað rangt í aðdraganda
hrunsins?
 Jón Ásgeir Mín mistök voru að hætta ekki
að fjárfesta á Íslandi eftir árið 2006. Hefði
Baugur haldið sér við bresk smásölufyrir-
tæki væri Baugur á grænni grein í dag.
Haukur Hauksson: Villt þú, Jón, hafa
Ólaf Ragnar Grímsson áfram sem
forseta? Hefur þú kannski hugsað um
að bjóða þig fram?
 Jón Ásgeir Já, hann hefur staðið sig vel. Ég
fer a.m.k. ekki fram í þetta skiptið.
Agnar Sverrisson Sæberg: Heldurðu
að það komi aftur góðæri eins og
2007?
 Jón Ásgeir Já, íslenskt hagkerfi mun
örugglega taka við sér – þetta er lítið skip
sem snýst hratt, tækifæri í ferðaþjónustu
o.fl. eru mikil og munu skila mikilli
hagsæld.
Haukur Óli: Hvaða áhrif myndi aðild
Íslands að ESB hafa á smávöruverslun
hér á landi?
 Jón Ásgeir Það myndi lækka vöruverð –
án efa.
Brynjar Sigurðsson: Telur þú að
fréttastofa 365 sé hlutlaus þegar þín
málefni eru til umfjöllunar?
 Jón Ásgeir Já, fréttastofa Stöðvar 2 hefur
alltaf staðið við sjálfstæði sitt – það stað-
festa allir sem þar hafa unnið.
Ari Brynjólfsson: Ef þú fórst í mál við
Björn Bjarna út af Rosabaugsbókinni
út af afmörkuðum villum, er þá allt
hitt sem stendur satt?
 Jón Ásgeir Nei, alls ekki.
Hafsteinn Árnason: Hefðir þú leyft
Huang Nubo að kaupa Grímsstaði á
Fjöllum?
 Jón Ásgeir Með endurkauparétti.
Sindri Snæsson: Er í lagi að eiga
viðskipti sem eru siðferðislega röng,
svo framarlega að þau séu lögleg?
 Jón Ásgeir Nei, alls ekki.
Magnús Cornette: Telur þú að það
hafi verið dregin upp röng mynd af þér
í fjölmiðlum eftir bankahrunið?
 Jón Ásgeir Já, múgæsingin var ansi mikil.
Öfgamanneskjur eins og t.d. Eva Joly
dæmdu menn án dóms og laga og við-
hlæjendur hennar átu upp úr lófa hennar
alla vitleysuna.
Sasan Már: Hvað finnst þér um að
ríkisvaldið blandi sér í efnahaginn?
Hlynntur frjálsum mörkuðum?
 Jón Ásgeir Já, ég er hlynntur frjálsum
mörkuðum, ríkið á að setja reglurnar, ekki
spila á vellinum.
Ólafur Ragnarsson: Margir
Íslendingar telja þig ágætis
dugnaðardreng sem hefur villst af
leið, er það rétt mat og værir þú til í að gera
sannleikssátt við þjóðina, segja alla söguna og
fá frítt borð?
 Jón Ásgeir Frá hruni hef ég gert allt til að
svara þeim spurningum sem ég hef fengið
og ekki dregið neitt undan, veitt viðtöl o.fl.,
t.d. sit ég hér í dag og hef bent á sannleiks-
nefnd. Ég þarf ekki frítt borð.
Viðar Þórarinsson: þykir þér ekki
vænt um Davíð Oddsson innst inni?
 Jón Ásgeir Það er gott í öllum.
Henrý Baldursson: Vissir þú af því að
Glitnir hefði lánað tengdum aðilum
umfram lagalegar heimildir?
 Jón Ásgeir Nei, ég sat ekki í stjórn Glitnis,
né var ég starfsmaður hans en veit að
Glitnir var undir miklu eftirliti FME eins og
önnur fjármálafyrirtæki.
Þórhallur Arason: Hverju spáir þú
almennt um niðurstöður dóma í
málum sérstaks saksóknara?
 Jón Ásgeir Ég er þeirrar skoðunar að þeir
sem störfuðu í viðskiptum hér á landi hafi
almennt fylgt reglum í störfum sínum og
hafi ekki vísvitandi unnið þeim fyrirtækjum
sem þeir störfuðu hjá tjón.
Arna og Róbert: Ertu duglegur að
gefa styrki í góðgerðamál ?
 Jón Ásgeir Já, í gegnum tíðina hef
ég reynt að láta gott af mér leiða.
Sölvi Tryggvason: Fóru yfirmenn
lífeyrissjóða á snekkjuna Thee Viking?
 Jón Ásgeir Þú verður að spyrja
Jón Gerald eða Jónínu Ben að því.
Haukur Óli :Hver er gáfaðasti maður
sem þú hefur hitt?
 Jón Ásgeir Ég hef hitta marga
gáfaða en þeir eru hins vegar misgáfaðir
eftir sviðum.
Matthildur Helgadóttir Jónudóttir:
Hver er þín skoðun á sameiningu
lífeyrissjóðanna, jafnvel í einn stóran
sjóð?
 Jón Ásgeir Það má örugglega hagræða
mikið í kerfinu – en ekki þannig að það
verði bara til einn sjóður – kannski 4–6.
Sölvi Tryggvason: Veist þú til þess
að stjórnmálamenn og jafnvel
ráðherrar hafi fengið afskrifuð lán?
 Jón Ásgeir Ekkert sem ég hef staðfesta
vitneskju um – en það er mikið kjaftað
eins og þú veist. Ég er ekki hér til að dreifa
kjaftasögum.
Rúnar Gunnarsson: Hefurðu verslað í
Kosti?
 Jón Ásgeir Nei.
Karl Birgir Þórðarson: Hvað myndir
þú gera fyrir skuldsett heimili í landinu
ef þú fengir að ráða?
 Jón Ásgeir Aðlaga skuldir að greiðslugetu
– annað gengur ekki upp eins og áður
sagði. Gjaldþrot er versta leiðin fyrir ein-
staklinga, fyrirtæki og fjármálafyrirtæki.
Vilbert Gústafsson: Sæll, Jón Ásgeir.
Takk fyrir að koma á línuna. Hvað sem
fólki kann að finnast um þig þá er
saga þín athyglisverð fyrir margra hluta sakir.
Einhverjar líkur á bók? Gangi þér vel og lifðu
heill.
 Jón Ásgeir Takk fyrir það – bókaskrif eru
ekki á döfinni, en margt athyglisvert hefur
á dagana drifið.
Finnur Helgason: Hver er að þínu
mati þín besta fjárfesting?
 Jón Ásgeir 500 þúsund kallinn
sem ég sett í Bónus og Iceland Foods í
Bretlandi.
Alexander Kristjánsson: Sæll. Hver
myndirðu segja að væru þín stærstu
mistök á ferlinum?
 Jón Ásgeir Að hafa ekki hætt að fjárfesta
á Íslandi á árinu 2006.
Kolbeinn Kristinsson: Nú varst þú
dæmdur fyrir að gefa út tilhæfu-
lausan kreditreikning. Gerðir þú það?
 Jón Ásgeir Nei, það gerði ég ekki.
Ragnar Tómasson: Það er með
ólíkindum hvað þú hefur komið mörgu
í verk, ungur maðurinn. Af hverju ertu
stoltastur?
 Jón Ásgeir Af viðskiptum Bónus og því að
hafa lækkað verð til neytenda hér á landi
og uppbyggingu Baugs á smásölumarkaði
í Bretlandi, einkum Iceland Foods.
Sölvi Tryggvason: Hittust yfirmenn
stóru bankanna þriggja fimmtudag-
inn fyrir þjóðnýtingu Glitnis til að
reyna að finna leiðir til að bjarga því sem
bjargað varð? Og ef svo, hvað klikkaði á þeim
fundi?
 Jón Ásgeir Ég veit ekki til þess.
Ari Sigurðsson: Ætlar þú að safna
mottu í mars?
 Jón Ásgeir Hver veit.
Sigurjón Bergsson: Hver er versta
fjárfesting þín hingað til?
 Jón Ásgeir Fjárfestingar á Íslandi
eftir árið 2006 raðast sennilega allar á
þann lista.
Gunnhildur Gunnarsdóttir: Sérðu
breytingu á rekstri Bónuss eftir að þú
hvarfst frá borði, s.s. eins og hærri
álagningu?
 Jón Ásgeir Gummi heldur stefnu
stofnanda, að bjóða betur.
Sigurður Helgason: Kom aldrei sú
hugsun, þegar þú áttir meiri pening en
þú gast eytt, að selja selja bara allt og
fara að sinna áhugamálum og fjölskyldunni?
 Jón Ásgeir Hefði betur gert það – gott að
vera vitur eftir á.
Rúnar Gunnarsson: Ef þú værir
venjulegur launamaður á Íslandi með
stökkbreytt lán, heldurðu að þú
myndir staldra við eða flytja úr landi?
 Jón Ásgeir Staldra við, ástandið á Íslandi
mun batna hratt.
Sveinn Kristjánsson: Sæll, Jón. Ert
þú Apple- eða PC-maður?
 Jón Ásgeir Apple-maður. Tók
áskoruninni og skipti yfir í Apple – sé ekki
eftir því.
Einar Már Aðalsteinsson: Telur þú
líklegt að það verði annað hrun á
Íslandi í nánustu framtíð?
 Jón Ásgeir Nei, ekki ef menn halda rétt á
spöðunum, t.d. þarf að lækka vexti til að
örva fjárfestingar. Heilsteypt plan þarf
að koma um að afnema gjaldeyrishöftin,
þannig forðumst við annað hrun.
Viktor Gylfason: Sæll og blessaður.
Langaði að vita: af hverju viltu fara í
ESB þegar það er að klofna í sundur?
Væri ekki frekar rökrétt að sameina
Norðurlöndin og hafa norska krónu eða taka
upp Kanadadollar?
 Jón Ásgeir Ég held að ESB nái sér og við
eigum meiri samleið með þeim en t.d.
Kanada. Kjarninn, t.d. Þýskaland, Bret-
land, Frakkland, er mjög sterkur.
Ingimar Pétursson: Hvert stefnir Jón
Ásgeir?
 Jón Ásgeir Fram á við.
Ómar Helgason: Ef þú værir að byrja í
háskólanámi núna, hvað myndirðu
fara að læra?
 Jón Ásgeir Lögfræði, ekki spurning. Gæti
sennilega klárað hana í dag á tveimur
árum.
Ingimar Pétursson: Hvernig fer
krónan þegar höftunum er létt?
 Jón Ásgeir Það er vandasamasta
verkið sem er fram undan, að afnema
höftin án þess að því fylgi mikið gengisfall
og þar með lífskjaraskerðing.
Sigurður Hjörleifsson: Hver er
harðasti samningamaðurinn sem þú
hefur kynnst?
 Jón Ásgeir Philip Green – hann er ekkert grín.
„Ástandið á Íslandi mun batna hratt“
Fréttir 11Miðvikudagur 15. febrúar 2012
Nafn: Jón Ásgeir Jóhannesson
Aldur: 44 ára
Starf: Athafnamaður og ráðgjafi
M
Y
N
D
IR
E
Y
Þ
Ó
R
Á
R
N
A
S
O
N