Dagblaðið Vísir - DV - 20.06.2012, Síða 22

22 Menning 20. júní 2012 Miðvikudagur
„Þetta verður hnausþykkt og löðrandi“
n Sumarhátíðin Partíþokan verður haldin á Seyðisfirði
V
ið höfum aldrei haldið
sumarhátíð en ætlum
bara upp í rútu og sjá
hvort það rætist ekki
úr þessu,“ segir tónlistarmað­
urinn Svavar Pétur Eysteins­
son, einn þeirra sem standa
fyrir tónlistarhátíðinni Partí­
þokunni sem haldin verður á
Seyðisfirði helgina 22. og 23.
júní, en um svokallaða flökku­
hátíð er að ræða.
„Við byrjuðum á Akureyri í
fyrra og fórum svo til Ísafjarð­
ar eftir áramót. Nú er það Aust­
urland. Við erum að dekka alla
landsfjórðunga í partíþoku.
Þessi hátíð er mjög breytileg
og fer eftir árstíma. Hún hefur
verið allt frá menningarlegri
samkomu yfir í framhalds­
skólaball og svo tjaldútilegu.
Það fer allt eftir því hvar við
erum, hvernig veðrið er og
hvað þokan er þykk. Á Ísafirði
fengum við svo hlýlegar og
góðar móttökur að við fengum
á tilfinninguna að það hefði
lítið sem ekkert verið í gangi í
bænum í langan tíma. Á Akur­
eyri var stemningin önnur. Þar
var eins og fólk væri orðið yf­
irkeyrt af menningu. Samt
mættu margir og allir í góðu
stuði. Við erum nefnilega öll
eins. Það skiptir ekki máli hvar
við erum á landinu. Við þrá­
um öll að komast á háværa
tónleika og dilla okkur. Smjör­
ið er bara ekki alls staðar jafn
þykkt þótt að þokan sé alltaf
jafn mikil.“
Svavar Pétur er í hljóm­
sveitinni Prins Póló en að auki
munu Jónas Sigurðsson og
Ritvélar framtíðarinnar, Ojba
Rasta, Snorri Helgason, Mr. Silla
og Hugleikur Dagsson koma
fram. „Þetta er helgarfestival.
Tónleikarnir fara fram inni í
félagsheimili en þarna verð­
ur tímamótaafsláttur á tjald­
svæði. Sveitirnar sem munu
troða upp eru stórkostlegar en
meðlimir Ojba Rasta eru alls
11 talsins svo við þurfum sér
rútu bara undir þau. Það er því
algjört glapræði að fara með
þau út á land. Seyðisfjörður er
mesta þokubæli í heiminum
og við erum mjög spennt að sjá
hvernig Austfirðingar taka okk­
ur. Ég er viss um að þetta verður
alveg hnausþykkt og löðrandi.“
Aðspurður segist Svavar
Pétur oft hafa leitt hugann að
því hvað fái menn til að taka sig
til og skipuleggja útihátíð. „Ég
er ekki viss hvaða hvöt þetta er.
Ætli þetta sé ekki svipað og rak
þá áfram sem stofnuðu hina
upprunalegu Sumargleði. Fyrir
tónlistarmenn sem búa í bæn­
um er þetta góð afsökun til að
tengja sig við fólk úti á landi.
Svona hátíðir sameina fólk. Það
er líka allt annað fyrir hljóm­
sveitir í borginni að spila úti á
landi. Sjarminn er allt annar.
Þetta er svo íslenskt og það er
mikilvægt fyrir marga tónlistar­
menn að komast í snertingu við
uppruna sinn.“
indiana@dv.is
Kenna á veturna,
rokka á sumrin
n Hafa allar komið nálægt kennslu n Allar góðar vinkonur
K
vennahljómsveitin
Dúkkulísur að austan
sem sló í gegn á
Músík tilraunum og í
Atlavík fagnar þrjátíu
ára afmæli á árinu. „Við erum
fyrst og fremst mjög góðar vin­
konur sem njóta þess að vera
saman og spila tónlist. Í ár er
gott tilefni til þess að koma
saman. Við ætlum að taka árið
með trompi,“ segir Erla Sig­
ríður Ragnarsdóttir, söngkona
Dúkkulísa
Dúkkulísur koma ekki oft
fram opinberlega, en þær
héldu tónleika á Aldrei fór ég
suður og þar áður spiluðu þær
á Innipúkanum. Þær ætla þó
heldur betur að láta til sín taka
á árinu og buðu konum í boð
í Viðey, á baráttudegi kvenna,
19. júní.
Plötum rokkgyðjuna með
Gestir Dúkkulísa fögnuðu
með þeim en þeirra á meðal
eru Gerður Kristný sem las úr
ljóðum sínum, Andrea Jóns­
dóttir, þáttagerðarkona á RÚV
sem rýndi í stöðu kvenna í
rokktónlist í erindinu „Þegar
aldurinn færist yfir“, Helga
Birgisdóttir (Gegga), mynd­
listarkona og rithöfundur,
sem velti fyrir sér hugmynd­
um unglingsstúlkna um stríð,
frið og tenginguna við skap­
arann í okkur sjálfum, og svo
velti Valgerður Halldórsdótt­
ir félagsráðgjafi vöngum yfir
stjúptengslum og stöðu stjúp­
móðurinnar árið 2012 í er­
indinu „Hvar er ég?“, en Val­
gerður hefur nýlega gefið út
bók um þetta málefni.
„Tengslanetið hefur stækk­
að, sjáðu til, og við ætlum
því að hafa margar þessara
kvenna með okkur í sum­
ar á tónleikum. Plötum
Andreu rokkgyðju með okk­
ur í giggin og svona,“ segir
Erla og hlær. „Við verðum með
stóra afmælis tónleika í haust
í Rósenberg og hitum reynd­
ar upp fyrir þá á sama stað á
laugardaginn. Þá verðum við
á Gærunni í Skagafirði og fleiri
hátíðum. Við ætlum að flytja
vinsælustu lögin okkar, spjalla
við gesti og hafa gaman.“
Allar viðloðandi kennslu
Erla segir frá því að allar í
Dúkkulísunum hafi helg­
að sig kennslu með einum
eða öðrum hætti. Því sé nú
rokkað á sumrin og kennt á
veturna. „Það er gaman að
segja frá því að ég og Edda
María erum kennarar í Flens­
borg og kenndum stúlkun­
um í Ylju sem spiluðu með
okkur á þriðjudagskvöld í
Viðey. Það er í raun merki­
legt að við erum allar viðloð­
andi kennslu á einn eða ann­
an máta. Grunnskólakennari,
framhaldsskólakennari,
skólaliði, sem er reyndar í
skrifstofustarfi í dag, og leik­
skólakennari.
Þetta passar bara ágætlega
með rokkinu og sumarballa­
stemningunni,“ segir Erla í
léttum dúr.
Hljómsveitin Dúkkulísur
var stofnuð á Egils-
stöðum 10. október
árið 1982. Nafngift
hljómsveitarinnar
spratt upp úr fyrstu
æfingum hljómsveit-
arinnar en stelpurnar
þóttu pjattaðar í
sparslrykinu. Hljóðfær-
in tóku þær hins vegar
föstum tökum og fóru
því Dúkkulísur fljótlega
að láta á sér kræla og
tóku meðal annars þátt í hljómsveitakeppni í Atlavík og í Músíktilraun-
um, en þær sigruðu í keppninni árið 1983. Ári síðar, þann 19. júní, gáfu þær
út sína fyrstu plötu, Dúkkulísur, sem innihélt lög eins og Pamela í Dallas.
Plötuna Í léttum leik gáfu þær svo út árið 1986, en á henni var slagarinn
frægi Svarthvíta hetjan mín. Mörgum árum síðar gáfu þær síðan út lagið
Konur og blóm í tilefni dagsins og er því 19. júní Lísunum sérstaklega kær.
Þegar sveitin var stofnuð voru meðlimir sveitarinnar: Erla R. söngur, Erla
I. bassi, Gréta gítar, Guðbjörg trommur og Hildur hljómborð. Fljótlega
eftir útkomu fyrstu plötunnar hætti Hildur og Harpa tók við hljóm-
borðsleiknum. Þannig skipuð starfaði hljómsveitin næstu árin og gaf út
plötuna Í léttum leik árið 1986. Árið 1987 fór hljómsveitin í langa pásu og
kom ekki saman opinberlega í 10 ár og var endurvakin á 50 ára afmæli
Egilsstaðabæjar 1997. Síðan þá hefur sveitin komið saman til að spila, af
og til, og semja tónlist.
Í þá gömlu góðu daga Dúkkulísurnar árið 1984
Um Dúkkulísurnar
Dúkkulísurnar
Hafa allar verið
viðloðandi kennslu.
Tónlist
undir Jökli
Íslenska raftónlistarhátíðin
Extreme Chill Festival 2012
– Undir Jökli verður haldin
daganna 29. júní til 1. júlí
næstkomandi á Hellissandi.
Þetta er í þriðja skipti sem
hátíðin er haldin, en hún á
rætur sínar að rekja til 2008
þegar hljómsveitin Stereo
Hypnosis dvaldi á Hellisandi
við upptökur á breiðskífunni
Hypnogogia. Hljómsveitar­
meðlimirnir Pan og Óskar
Thorarensen voru það hrifnir
af staðnum að þeir héldu árið
2009 útgáfutónleika vegna
breiðskífunnar. Eitt leiddi af
öðru og fyrsta hátíðin var svo
haldin 2010 í Röstinni, gömlu
bíóhúsi á Hellisandi. Röst var
lengi vel eina stóra samkomu­
húsið á norðanverðu Snæ­
fellsnesi, að undanskildu fé­
lagsheimilinu í Stykkishólmi.
Dansleikir voru tíðir og vel
sóttir og kvikmyndasýningar
voru tvisvar til þrisvar í viku.
Dagskráin í ár verður með því
móti að á föstudagskvöldið
verða tónleikar í félagsheim­
ilinu og byrja þeir kl. 19.30.
Á laugardeginum hefst dag­
skráin utandyra með lifandi
flutningi og plötusnúðum frá
kl. 13–19 og verður dagskráin
svo færð inn í félagsheimilið
Röst kl. 19.30 og mun standa
fram á nótt.
Reggísumar á
Hverfisgötunni
Öllum vinum og vel­
unnurum Bíó Paradísar er
boðið á opnun Reggísum­
ars fimmtudaginn 21. júní.
Í kvikmyndahúsinu verð­
ur sýnd myndin: Rise Up
– margverðlaunuð heim­
ildamynd um reggítónlist
á Jamaíku – kl. 20.00.
Á hátíðinni munu Ojba
Rasta spila ásamt RVK
Soundsystem. Pilsner
Urquell verður á tilboði
og grillaður karabískur
kjúklingur.
Rise Up og tónlistar­
myndin Rockers verða svo
sýndar út helgina.
Sýnir á sum-
arsólstöðum
í Galtarvita
Myndlistarmaðurinn Hrafn­
kell Sigurðsson dvelur nú í
Galtarvita í Keflavík í Súg­
andafirði og vinnur að sýn­
ingu á staðnum sem verður
opnuð á sumarsólstöðum.
Sýninguna vinnur Hrafnkell
einsamall í faðmi náttúrunn­
ar á Galtarvita. Sýningarhald
á Galtarvita hófst síðastliðið
sumar þegar sýningin Hljóm­
ur norðursins var sett upp
í tilefni af að því 10 ár voru
liðin frá því að fyrstu lista­
mennirnir sóttu Galtarvita
heim. Fjöldi þekktra lista­
manna kom að sýningunni
sem þótti vel heppnuð. Fyrir­
huguð sýning Hrafnkels hefst
þann 20. júní og stendur til
7. ágúst. 
Svavar Pétur Eysteinsson
Svavar Pétur segir allt öðruvísi fyrir
tónlistarmenn úr borginni að spila
úti á landi. Það sé afar íslenskt og
það sé afar íslenskt að komast í
snertingu við upprunann.