Dagblaðið Vísir - DV - 21.01.2013, Blaðsíða 20

20 Sport 21. janúar 2013 Mánudagur
Besti leikurinn dugði ekki til
F
yrirfram var ekki búist við ýkja
miklu af íslenska landsliðinu í
handbolta gegn Frökkum í 16
liða úrslitum Heimsmeistara-
mótsins í handknattleik. Ekki síst
eftir hrapallegt tap gegn Dönum og
almennt lélegri frammistöðu í riðla-
keppninni en íslenskt landslið hefur
sýnt lengi. En hægt er að halda fram
með góðum rökum að leikur liðsins
gegn heims- og ólympíumeisturum
Frakka hafi verið besti leikur liðsins
þó úrslitin hafi ekki fallið með liðinu
að sinni. Lokastaðan varð 30–28
Frökkum í vil.
Besti leikur Íslands
Bjarki Sigurðsson, þjálfari og fyrr-
verandi landsliðsmaður, var afar
sáttur í leikslok þrátt fyrir tapið og
var ekki í vafa um að leikurinn gegn
Frökkum hefði verið besti leikur ís-
lenska liðsins í allra keppninni.
„Það segir sína sögu að liðið er
mikið til að bæta sig og aðlagast alla
keppnina og besti leikur liðsins var í
raun gegn Frökkunum þar sem sumt
var ekki að falla okkur í hag en við
stóðum vel í heimsmeisturunum og
strákarnir geta borið höfuðið hátt.“
Bjarki segir ljósu punktana við
leikinn hversu litla virðingu ungir
leikmenn Íslands sýndu Frökkum
og segir einsýnt að landslið Íslands
í handbolta eigi bara eftir að batna.
„Sjálfur var ég búinn að spá að
liðið næði í sextán liða úrslitin og allt
meira en það yrði plús. Mér virðist
sem svo að það lið sem mætti Frökk-
unum hefði getað sigrað önnur þau
lið sem við hefðum getað fengið í 16
liða úrslitum en við fengum Frakka
og það fór svona.“
Litlu mistökin breyttu öllu
Leikmenn og landsliðsþjálfari Ís-
lands voru vitanlega vonsviknir í
leikslok. Aron Kristjánsson lands-
liðsþjálfari var afar svekktur og sagði
dapurlegt að ljúka mótinu þetta
snemma. Undir það tók Guðjón
Valur Sigurðsson, hornamaðurinn
frábæri, sem sagði litlu hlutina hafa
fallið með Frökkum og það hefði
talið þegar upp var staðið.
Var það enda svo að ef eitthvað
var út á leik landsliðsins okkar að
setja var það að leikmenn misnot-
uðu allmörg dauðafæri og dómarar
leiksins létu Frakka njóta vafans mun
oftar en íslenska liðið.
Jafnt og þétt
Það væri óverðskuldað að taka
einhverja sérstaka leikmenn út
fyrir rammann í leiknum. All-
ir stóðu sig vel og líklega var það
meiri samvinna og liðsheild sem
varð til þess að Ísland hafði í fullu
tré við franska landsliðið allan
leikinn og hefði með heppni vel
getað orðið það lið sem stóð uppi
með pálmann í höndunum í stað
Frakka. n
L
estin fór sennilega í síðasta
skiptið framhjá Arsenal-stöð
þessa helgina þegar liðið tap-
aði 2–1 fyrir erkifjendum
sínum Chelsea á Stamford
Bridge. Úrslitin þýða að Arsenal er
nú sjö stigum á eftir Tottenham í
fjórða sæti ensku úrvalsdeildarinnar
en það lið náði 1–1 jafntefli gegn
toppliðinu Manchester United á
lokamínútu þeirrar viðureignar.
United leiðir
Úrslit helgarinnar í enska boltanum
þýða að strákar Alex Ferguson í
Manchester United eru kyrfilega
efstir með 56 stig alls og fimm stig-
um á undan Manchester City í öðru
sætinu. Chelsea hangir þar á eftir
með 45 stig og þá Tottenham Hot-
spur með 41 stig.
Loks sigrar Chelsea heima
Svo merkilegt sem það er þá var 2–1
sigur Chelsea á Arsenal fyrsti sigur-
leikur þeirra fyrrnefndu á heima-
velli síðan 23. desember á síðasta ári.
Liðið tapaði óvænt 0–1 fyrir Queens
Park Rangers í deildinni í byrjun árs,
tapaði svo í deildarbikarkeppninni
0–2 fyrir Swansea og gerði í síðustu
viku 2–2 jafntefli við Southampton
af öllum liðum. Þeir blálæddu hafa
því aðeins fengið eitt einasta stig í
deildinni allt þetta ár fram að leikn-
um við Arsenal.
Hvað gerir Wenger?
Það eru slæmar fréttir fyrir Arsenal
og hefur vakið nokkra undrun meðal
stuðningsmanna og eins íþrótta-
fréttamanna í Englandi að Wen-
ger hafi ekki þegar keypt neina leik-
menn til að styrkja lið sitt. Of mikill
óstöðug leiki einkennir liðið til að það
geti keppt við þau allra stærstu og það
eru aðdáendur vitaskuld ekki ánægð-
ir með. Segja sumir að með tapinu nú
hafi Arsenal misst af síðustu lestinni
á toppinn enda munar nú 22 stigum
á því og efsta liði úrvalsdeildarinnar.
Wenger og félagar eiga þó einn leik á
næstu lið í kring og verða að girða sig
verulega í brók ef þetta tímabil á ekki
að verða vetur óánægjunnar.
Stuð í Sunderland
Fyrir utan toppliðin gerðist fátt
markvert þessa helgina. Helst að lið
Sunderland virðist vera að vakna til
lífsins eftir langa dvöl í ruglinu. Liðið
vann 2–3 sigur á útivelli gegn Wigan
og er það annar leikur liðsins í röð
þar sem leikmenn þess hamra knött-
inn þrisvar í mark andstæðinga og ná
inn þremur stigum. Það þýðir ellefta
sætið um miðja og rólega deild.
Everton getur nartað í fjórða
sætið
Það lið sem komið hefur flestum á
óvart, nema ef vera skyldi stuðn-
ingsmönnum, er Everton en þeir
eiga útileik í kvöld gegn Sout-
hampton eins og fjallað er um
annars staðar í blaðinu. Taki þeir
bláklæddu þrjú stig þar er liðið að-
eins einu stigi á eftir Tottenham í
fjórða sætinu. n
n Tap gegn Chelsea í mikilvægum slag n United náði stigi gegn Tottenham
Skytturnar að
missa af lestinni
Þrjú stig til Chelsea
Óstöðugleiki er lykilorðið hjá
Arsenal þessa dagana og
Wenger þarf að fara að gera
eitthvað róttækt til að halda
liðinu í toppbaráttunni.
n Ísland er úr leik á HM á Spáni n Tveggja marka tap gegn sterku liði Frakka, 30—28
Mörk Íslands
Þórir Ólafsson 7
Aron Pálmarsson 6
Guðjón Valur Sigurðsson 4
Kári Kristján Kristjánsson 3
Arnór Þór Gunnarsson 3
Snorri Steinn Guðjónsson 2
Ólafur Gústafsson 2
Vignir Svavarsson 1
Liðin í leiknum
Lið Íslands: Björgvin Páll Gústavsson,
Aron Rafn Eðvarðsson, Guðjón Valur Sig-
urðsson, Aron Pálmarsson, Snorri Steinn
Guðjónsson, Ásgeir Örn Hallgrímsson,
Þórir Ólafsson, Róbert Gunnarsson,
Sverre Jakobsson, Vignir Svavarsson,
Ernir Hrafn Arnarson, Kári Kristján Krist-
jánsson, Stefán Rafn Sigurmannsson,
Ólafur Gústafsson, Arnór Þór Gunnars-
son, Fannar Þór Friðgeirsson.
Lið Frakklands: Thierry Omeyer, Daouda
Karaboue - Jeróme Fernandez, Didier
Dinart, Xavier Barachet, Daniel Narcisse,
Samuel Honrubia, Nikola Karabatic,
Timothey Nguessan, William Accambray,
Luc Abalo, Cédric Sorhaindo, Michaël
Guigou, Sébastien Bosquet, Grégoire
Detrez, Valentin Porte. Illa farið með dauðafærin Íslendingar fengu fjölda tækfæra til að komast yfir í leiknum
en nýttu þau ekki.
Albert Örn Eyþórsson
blaðamaður skrifar albert@dv.is
Cole endar
hjá Chelsea
Rafa Benítez, stjóri Chelsea, seg-
ir bakvörðinn Ashley Cole reiðu-
búinn að skrifa undir nýjan samn-
ing við Chelsea. Cole sem er 32
ára er að nálgast enda ferilsins
sem topp bakvörður en hann á
að baki allnokkra leiki með enska
landsliðinu. Nýr samningur er til
tveggja ára og lætur nærri að eftir
2015 geri herra Cole ekki marga
samninga í viðbót þó karlinn sé
vissulega enn einn af betri bak-
vörðum landsins.
Gerrard vill þrjá
til viðbótar
Fyrirliði Liverpool, Steven
Gerrard, vill sjá þrjá nýja öfluga
leikmenn í viðbót við þann hóp
manna sem nú skipa liðið. Hann
segir að vissulega geti Liverpool
att kappi við öll lið í úrvals-
deildinni og gert góða hluti en
til að ná festu og til að raunveru-
lega keppa um titla þurfi meira að
koma til. Fastlega er búist við að
þjálfari liðsins festi kaup á fleiri
leikmönnum áður en leikmanna-
glugginn lokar að nýju en Liver-
pool hefur þó verið að sýna betri
hluti undanfarið en í byrjun leik-
tíðarinnar.