Dagblaðið Vísir - DV - 06.02.2013, Blaðsíða 10

10 Fréttir 6. febrúar 2013 Miðvikudagur
Neyðarástand framundan á spítalanum
n Hjúkrunarfræðingar hafna nýjum samningi n Forstjórinn er hissa
T
æplega 300 hjúkrunar-
fræðingar hjá Landspítalan-
um munu hætta störfum um
næstu og þarnæstu mánaða-
mót ef fram heldur sem horfir. Yfir
90 prósent hjúkrunarfræðinga við
spítalann höfnuðu nýjum stofn-
anasamningi. Forstjóri spítalans er
hissa en þeir hjúkrunarfræðingar
sem hafa sagt upp störfum hafa fjóra
daga til að draga uppsagnir sínar til
baka.
Hjúkrunarfræðingar hafa lengi
kvartað yfir lágum launum og fjöl-
margar fréttir borist af landflutn-
ingum margra þeirra til Noregs og
annarra landa vegna bágra kjara
hérlendis. Stofnanasamningur sá er
í boði var og hefur verið hafnað var
að sögn Björns Zoëga, forstjóra spít-
alans, sá stærsti sem spítalinn hef-
ur nokkru sinni getað boðið. Lengra
verði ekki gengið af hálfu ríkisins.
Sá samningur gerði meðal annars
ráð fyrir þriggja mánaða afturvirkum
álagsgreiðslum en ein helsta kvörtun
hjúkrunarfræðinga fyrir utan lág laun
hefur verið mikið álag. Takmarkaðar
fjárheimildir frá ríkinu hafa þvingað
yfirmenn spítalans til að draga saman
í rekstri linnulítið síðastliðin þrjú ár
og það komið með auknum þunga
niður á öllu starfsfólki spítalans.
Elsa B. Friðfinnsdóttir, formaður
Félags hjúkrunarfræðinga, segir
samninginn ekki gera öllum jafnhátt
undir höfði og þar sé ekkert tekið á
þeim kynbundna launamun sem hún
segir til staðar á Landspítalanum.
Björn Zoëga segir það ekki rétt.
Allir fái sömu 3,25 prósenta hækkun
samkvæmt samningum. Hins vegar
sé stofnanasamningur í eðli sínu
þannig að hann eigi að nota til að
skipuleggja starfsemi spítalans öllum
til hagsbóta. Það geti haft í för með
sér að sumir fái álagsgreiðslur en aðr-
ir ekki.
Annar fundur í deilunni hefur ekki
verið ákveðinn að svo stöddu.
Játaði brot gegn
barnabarni
n Afinn játaði kynferðisbrot n Reyndi að svipta sig lífi
n Dóttursonur í gæsluvarðhaldi n Liggur á spítala
Þ
etta er bara hræðilegur fjöl-
skylduharmleikur,“ segir
náinn aðstandandi manns
á áttræðisaldri sem liggur
nú á spítala á Akureyri.
Fjölskyldan óskaði eftir því að mað-
urinn yrði ekki nafngreindur að svo
stöddu og verður vilji hennar virtur.
Uppgjör barnabarnsins
Það var aðfaranótt sunnudags sem
tveir piltar brutust inn á heimili
mannsins og veittu honum alvar-
lega höfuðáverka og meðal annars
beinbrot í andliti. Maðurinn hringdi
sjálfur í lögregluna klukkan hálf sex
að morgni og óskaði eftir aðstoð.
Í kjölfarið var hann fluttur á
Fjórðungssjúkrahúsið á Akureyri
þar sem hann var í gjörgæslu í tvo
sólarhringa. Hann er nú kominn
til meðvitundar og inn á almenna
deild þar sem ástand hans er stöð-
ugt. Enn er þó of snemmt að segja
til um hvort hann muni ná sér að
fullu af þeim skaða sem hann varð
fyrir eða hversu lengi hann verður
á spítalanum, í það minnsta nokkra
daga til viðbótar. Hann er orðinn
77 ára og menn á áttræðisaldri eru
viðkvæmari fyrir skakkaföllum en
yngri menn.
Árásarmennirnir voru á bak og
burt þegar lögregla og sjúkraflutn-
ingamenn komu á staðinn en þeir
voru handteknir um hádegisbilið.
Piltarnir voru í gær úrskurðaðir í
gæsluvarðhald fram til fimmtudags
en málið flokkast undir alvarlega
líkamsárás. Þegar rannsókn máls-
ins er lokið verður það sent ríkissak-
sóknara til meðferðar.
Piltarnir eru átján og nítján
ára. Annar þeirra er dótturson-
ur mannsins en samkvæmt lög-
reglunni á Akureyri er talið að
ástæðuna fyrir árásinni megi rekja
til kynferðis brota. Það mun skýr-
ast á næstu dögum hvort meint
kynferðis brot verði kærð til lög-
reglu. Samkvæmt heimildum DV
eru piltarnir í sárum og hafa fengið
áheyrn prests.
Alvarlegar ásakanir
Annað barnabarn mannsins lagði
fram kæru á hendur honum í byrj-
un október. Samkvæmt heimildum
DV segir í kærunni að kynferðisbrot-
in hafi verið langvarandi, þau hafi átt
sér stað frá því að brotaþoli var sex
ára og þar til hann var orðinn tólf ára,
eða á árunum 1994–2000. Þar seg-
ir einnig að brotin hafi verið fram-
in á heimili brotaþola og á heimili
mannsins og að þau hafi verið gróf,
hann hafi í raun komið vilja sínum
fram með margvíslegum hætti þótt
samræði hafi ekki átt sér stað.
Lögreglan á Akureyri fór með
rannsókn málsins sem er nú lokið.
Málið liggur nú á borði ríkissak-
sóknara sem tekur afstöðu til þess
hvort ákæra verði gefin út í mál-
inu út frá fyrirliggjandi gögnum, en
hann vildi ekki gefa upp hvenær sú
ákvörðun kynni að liggja fyrir. Sam-
kvæmt vinnureglum er kveðið á um
að ákvörðun í kynferðisbrotamál-
um liggi fyrir innan þrjátíu daga,
sem væri þá í febrúarlok, en vegna
fjölda mála og fárra starfsmanna
hefur embættið ekki staðið undir
því að undanförnu.
Einhver af hinum meintu brot-
um kunna að vera fyrnd, en það fer
eftir því hvenær brotið átti sér stað,
aldri brotaþola og eðli brotsins.
Samkvæmt áreiðanlegum heimild-
um DV játaði maðurinn á sig hluta
þess sem hann var sakaður um en
neitaði öðru.
Rúmt ár er síðan fjölskyldan
fékk að heyra af hinum meintu
kynferðis brotum. Í kjölfarið bar
hún sakirnar upp á manninn sem
greindi frá því á netinu að hann
hefði bugast við það og reynt að
fremja sjálfsvíg.
Heimildir DV herma að fjöl-
skyldan hafi ekki ætlað að kæra
brotin eftir það en það breyttist með
tímanum og kæra var lögð fram
hjá lögreglunni á Skagaströnd sem
áframsendi málið til lögreglunnar á
Akureyri.
Sagði frá sjálfsvígstilraun
Maðurinn hefur glímt við þung-
lyndi og sagst vera orðinn leið-
ur á lífinu. Árið 2011 skrifaði hann
pistil þar sem hann sagði frá sjálfs-
vígstilrauninni sem hann gerði eftir
að málið var borið upp á hann. Þá
benti hann á að öll mannanna börn
væru breysk á einhverju sviði og
hann ekki undanskilin því. Mörg-
um tækist að læðast í leyni þar til
að uppgjörinu kæmi en upp kæm-
ist um svik um síðir, þó að það
ætti kannski ekki fullkomlega við í
þessu máli. Hann hefði misst alla
lífslöngun, kvölin og angistin hefði
verið yfirþyrmandi, níst hvert bein,
ekkert væri framundan nema svart-
nættið tómt. Hann hefði gengið til
heljar og lífið yrði aldrei samt aftur.
Undir lok síðasta árs sendi hann
frá sér annan pistil þar sem hann
sagðist hafa misst alla lífslöngun og
hún kæmi aldrei aftur. n
Fjölskyldan
vildi nafnleynd
n Samkvæmt heimildum DV er sam­
félagið á Skagaströnd harmi slegið
vegna málsins. Enginn af þeim aðstand­
endum sem DV náði tali af vildi tjá sig
um málið sem er afar sársaukafullt fyrir
alla þá sem að því koma. Fjölskyldan
samþykkti ekki nafnbirtingu og virðir
DV þann vilja, enda beinast brotin að
barnabörnum mannsins.
Ingibjörg Dögg Kjartansdóttir
blaðamaður skrifar ingibjorg@dv.is
„Þetta
er bara
hræðilegur
fjölskyldu-
harmleikur
Árás á Skagaströnd Það
var aðfaranótt sunnudags
sem tveir piltar brutust inn
á heimili mannsins og veittu
honum alvarlega höfuð­
áverka.
Þögnin á
Bessastöðum
Ólafur Ragnar Grímsson hyggst
engin viðtöl veita vegna niður-
stöðu í Icesave-málinu, sem var
kunngjörð á dögunum. Þetta kom
fram í kvöldfréttum Stöðvar 2 á
þriðjudag. Ólafur Ragnar gekk á
tímum hart fram og greip í tvígang
inn í málið þegar hann synjaði
lögum frá Alþingi staðfestingar. Þá
talaði hann máli Íslands í stórum
erlendum fjölmiðlum.
Frá því að Icesave-dómurinn
féll hefur ekkert heyrst frá Bessa-
stöðum en Stöð 2 segir að Ólafur
Ragnar telji sig hafa talað nóg um
málið á fyrri stigum þess.
Tómlegt á Landspítalanum Það gæti orðið raunin ef tæplega 300 hjúkrunarfræðingar
standa við uppsagnir sínar.