Dagblaðið Vísir - DV - 10.06.2013, Side 2

H
in árlega Bilderberg-ráð-
stefna var haldin í Wetford í
Englandi um helgina. Þang-
að mætti á annað hundr-
að ráðamanna, auðjöfra og
fræðimanna frá Norður-Ameríku og
Evrópu og ræddu um heimsmálin
fyrir luktum dyrum. Fundir Bilder-
berg-klúbbsins hafa verið haldnir
allt frá árinu 1954 og yfir þeim hef-
ur alltaf hvílt mikil leynd. Ætti því
engan að undra að fjölmargar sam-
særiskenningar skuli hafa sprottið
upp um Bilderberg.
Engum Íslendingi var boðið á
Bilderberg-fundinn í ár og eftir því
sem DV kemst næst hafa aðeins átta
Íslendingar sótt fundinn frá upp-
hafi. Flestir þeirra eru fyrrum framá-
menn innan Sjálfstæðisflokksins.
DV sló á þráðinn til þeirra Björns
Bjarnasonar, fyrrverandi ráðherra
og Jóns Sigurðssonar, fyrrverandi
ráðherra og seðlabankastjóra sem
báðir sóttu Bilderberg-fundinn við
lok síðustu aldar.
„Sjónarspil“
„Það er gert mun meira veður
út af þessu en efni standa til og
hópurinn látinn líta út fyrir að
vera áhrifameiri en hann er,“ seg-
ir Björn Bjarnason. Hann telur að
forsvarsmenn Bilderberg-hópsins
leggi sérstaklega upp úr því að gera
almenning forvitinn. „Þetta gera
þeir allt með því að spila á fjöl-
miðlana,“ segir hann og bætir við:
„Þetta er ótrúlega vel skipulögð
almannatengslaherferð hjá þeim.
Með aðstoð fjölmiðla er látið eins
og hópurinn sé miklu valdameiri
en hann er í raun og veru.“
Varla mikil áhrif
Jón Sigurðsson fór á Bilderberg-
ráðstefnuna árið 1993 en þá var
hún haldin í Grikklandi. „Ég fór
fyrir tilstilli Geirs Hallgrímssonar á
sínum tíma, en við vorum gamlir
samverkamenn,“ segir hann. „Frá
því ég fór hefur auðvitað margt
breyst á alþjóðavettvangi. Nú eru
til að mynda miklu fleiri ráðstefnur
haldnar sem draga að sér fólk.“ Jón
hefur ekki trú á því að Bilderberg-
hópurinn hafi mikil áhrif á gang
heimsmálanna en tekur fram að
sjálfur hafi hann enga heildarsýn
yfir starfsemina.
Segir Jón að aðallega hafi verið
rætt um horfur í alþjóða- og efna-
hagsmálum þegar hann sat fund-
inn. „Svo var auðvitað gjaldmiðla-
fyrirkomulag til umræðu, gengi og
misgengi gjaldmiðla sem var þá líkt
og nú ofarlega á baugi.“ Aðspurður
hvað honum finnist um þær sam-
særiskenningar sem sprottið hafa
um Bilderberg segir Jón að ef sam-
særi hafi átt sér stað hafi þau farið
alfarið fram hjá sér þegar hann sat
ráðstefnuna. „En ég var nú aldrei
innsti koppur í búri,“ bætir hann við.
Ríkið greiðir ferðakostnaðinn
Sex aðrir Íslendingar hafa setið
Bilderberg-ráðstefnuna. Fjórir
þeirra gegndu stöðu forsætisráð-
herra; þeir Bjarni Benediktsson
eldri, Geir Hallgrímsson, Dav-
íð Oddsson og Geir H. Haarde. Þá
hafa Einar Benediktsson sendi-
herra og Hörður Sigurgestsson,
fyrrum stjórnarformaður Eimskips
og síðar Icelandair, einnig sótt Bild-
erberg-fundinn og hefur ferða-
kostnaðurinn yfirleitt verið greidd-
ur úr ríkissjóði. n
Íslendingar á
leynifundum
2 Fréttir 10. júní 2013 Mánudagur
Leiðrétt
Í helgarblaði DV var rætt við
Erlu Hlynsdóttur blaðamann
um mál hennar sem Mann-
réttindadómstóll Evrópu hefur
ákveðið að taka fyrir. Í grein-
inni var sagt að Erla hafi starfað
á Stöð 2 en hið rétta er að í vor
færði hún sig yfir á Fréttatím-
ann. Erla er beðin velvirðingar
á rangfærslunni.
Áslaug Arna
á Beinni línu
Áslaug Arna Sigurbjörnsdóttir
verður gestur DV á Beinni línu á
þriðjudag klukkan 14.
Áslaug Arna er formaður
Heimdallar og hefur mikið verið
í eldlínunni undanfarið. Hún átti
sæti á lista sjálfstæðismanna í síð-
ustu kosningum og tók virkan þátt
í kosningabaráttunni. Þá vakti það
mikinn usla þegar hún ræddi um
áfengissölu á Íslandi og hvatti til
þess að matvöruverslanir fengju
leyfi til að selja léttvín. Það var þó
ekki sú skoðun sem vakti mestu
athyglina, heldur ummæli hennar
um að frábært væri að geta keypt
sér hvítvín með humri, utan opn-
unartíma vínbúðanna. Áslaug
fékk í kjölfarið yfir sig holskeflu af
gagnrýni og illskeyttum ummæl-
um. Hún lét þau þó ekki á sig fá og
sagði málið allt hið fyndnasta.
Ráðstefnugestir í ár
Á meðal þeirra fjölmörgu sem sækja
Bilderberg-ráðstefnuna í ár eru eftirtaldir:
José M. Durão Barroso, forseti framkvæmdastjórnar Evrópusambandsins
Olivier de Bavinchove, yfirmaður Eurocorps
Jeff Bezos, stofnandi og stjórnarformaður Amazon
Carl Bildt, utanríkisráðherra Svíþjóðar
Timothy Geithner, fyrrverandi fjármálaráðherra Bandaríkjanna
Henry Simon, fjármálastjóri Shell
Henry Kissinger, fyrrverandi utanríkisráðherra Bandaríkjanna
Klaus Kleinfeld, stjórnarformaður Alcoa
Christine Lagarde, yfirmaður Alþjóðagjaldeyrissjóðsins
Peter Löscher, forseti og stjórnarformaður Siemens
Mario Monti, fyrrverandi forsætisráðherra Ítalíu
George Osborne, fjármálaráðherra Bretlands
David H. Patraeus, fyrrverandi hershöfðingi og yfirmaður CIA
Robert Rubin, fyrrverandi fjármálaráðherra bandaríkjanna
Peter R. Voser, stjórnarformaður Shell
Martin Wolf, aðalhagfræðingur Financial Times
n Átta Íslendingar hafa fundað með Bilderberg-klúbbnum n Fundað um helgina
Jóhann Páll Jóhannsson
blaðamaður skrifar johannp@dv.is
„Það er gert mun
meira veður út af
þessu en efni standa til
og hópurinn látinn líta út
fyrir að vera áhrifameiri
en hann er.
Kátir kumpánar Fáir
hafa haft meiri áhrif á þróun
mála hér á landi en Davíð
Oddsson og Geir H. Haarde
sem báðir gegndu stöðu
forsætisráðherra. Björn Bjarnason
Geir HallgrímssonBjarni Benediktsson eldri Einar Benediktsson Hörður Sigurgestsson Jón Sigurðsson
Blússandi hiti á
landinu í dag
Veðurspár gera ráð fyrir því að í
dag, mánudag, geti hitinn farið
yfir 20 gráður. Víðast hvar verður
hitinn á bilinu 10–18 gráður, hlýj-
ast á suðvesturlandi og miðnorð-
urlandi.
Sigurður Þ. Ragnarsson veður-
fræðingur segir mikinn hita vera í
kortunum og búast megi við mikl-
um hita á landinu öllu en þó síst á
Vestfjörðum sem verða fyrir kaldri
norðaustanátt.
„Það verður skýjað með
morgninum en svo rífur hann af
sér með brakandi blíðu. Þeir sem
eru í höfuðborginni fá drjúgan
skerf af þessu góða veðri þó svo að
það verði ekki eins heitt og í Borg-
arfirði þar sem stefnir í 22 gráður.
Það verður meira og minna þurrt
um allt land. Þetta er kort sem
gleður mann,“ segir Sigurður.
Blíðan í dag verður þó skamm-
góður vermir því aftur dregur fyrir
sólu á þriðjudag. Úrkomusamt og
kaldara verður út vikuna. Sigurð-
ur bendir á að spáin fyrir sumarið
sé ekki upp á marga fiska og hafa
veðurstofur víðsvegar í Evrópu
spáð kaldasta sumrinu í 200 ár.
„En það þýðir ekki að það komi
ekki góðir dagar,“ bætir Sigurð-
ur við af sinni alkunnu bjartsýni.
Hann segir Mið-Evrópu fá nokk-
uð gott sumar en Ísland sé í kalda
hlutanum og því sé ekki von á
góðu.