Dagblaðið Vísir - DV - 17.07.2013, Blaðsíða 11

Gnúpur stefnir
MaGnúsi Kristins
um hagnaði árið 2006.
Í ársreikningi Gnúps fyrir árið
2007 kemur fram að það ár hafi fé­
lagið keypt eigin hlutabréf af hlut­
höfum félagsins og greitt þeim fyr­
ir þau þrjá milljarða króna. Þeir
Magnús, Kristinn og Þórður Már
voru stærstu hluthafar félagsins
og voru hluthafabréfin því keypt af
þeim, væntanlega eftir að ákvörðun
um slíkt var tekin á stjórnarfundi.
Í sama ársreikningi kemur jafn­
framt fram að Gnúpur hafi á sama
ári selt hluthöfum sínum hlutabréf
í félaginu sjálfu fyrir 4,5 milljarða
króna. Fyrri ákvörðunin var tekin
fyrr á árinu 2007 en sú seinni var
tekin síðar sama ár eftir að ljóst var
orðið að Gnúpur var kominn í veru­
lega rekstrarerfiðleika. Glitnir tók
Gnúp svo yfir og hefur slitastjórn
bankans nú stefnt þremenningun­
um í málinu.
Að öllum líkindum er því um að
ræða deilu á milli slitastjórnar Glitn­
is og þessara þriggja stjórnarmanna
sem snýst um þessa ákvörðun, að
kaupa hlutabréf í Gnúpi af stjórnar­
mönnunum og hluthöfunum, fyrir
3 milljarða króna árið 2007. Sú
ákvörðun var hins vegar ekki skil­
greind sem útgreiðsla arðs í árs­
reikningi félagsins fyrir árið 2007.
Var Gnúpur ruslakista?
Árið 2010 greindi Fréttablaðið frá
því að talið væri að Glitnir hefði not­
að Gnúp í markaðsmisnotkun eftir
að félagið var tekið yfir af bankan­
um í janúar 2008. Skilanefnd Glitnis
rannsakaði þetta atriði. Talið var að
Glitnir hefði notað Gnúp sem eins
konar ruslakistu og fært þangað
hlutabréf í bankanum þegar hann
var kominn að þeim lögbundnu
mörkum sem hann mátti eiga. Tekið
skal fram að þessi rannsókn tengist
ekki fyrri eigendum Gnúps heldur
aðeins meðferðinni á félaginu eftir
að Glitnir hafði tekið það yfir. Ekkert
hefur spurst út um þessa rannsókn
á félaginu síðan þá.
Stefnurnar gegn fyrri eigendum
Gnúps er einn þátturinn sem bætist
við þessa löngu og allflóknu rauna­
sögu fjárfestingarfélagsins. n
Fréttir 11Miðvikudagur 17. júlí 2013
n Stjórnarmönnum í Gnúpi stefnt út af meintri ólögmætri arðgreiðslu n Stefndu mótmæltu
„Slæmt að fólk
skuli gera svona“
n Gulri málningu var úðað á steina við Seljavallalaug
Þ
etta eru rétt um 20 stein­
ar sem spreyjaðir hafa verið
með sterkri gulri málningu
úr úðabrúsa. Ætlunin hefur
líklega verið að merkja nýja
leið til og frá Seljavallalaug þrátt fyrir
að stígurinn sem yfirleitt er farinn að
lauginni sé mjög greinilegur í um 5 til
8 metra fjarlægð, aðeins ofar í hlíð­
inni. Það er slæmt að fólk skuli gera
svona hluti. Það á að ganga um nátt­
úruna án þess að skemma og eyði­
leggja,“ segir Hermann Valsson leið­
sögumaður.
Ekki er vitað hvenær steinarnir
voru lakkaðir en líklega hefur það
verið í vor. Hermann sem var nýlega
staddur við laugina sagði að fólk sem
hann ræddi við hefði haft mismun­
andi skoðanir á því hvort það hefði
verið rétt að spreyja á steinana. Ís­
lendingar hefðu horft á þetta sem
landspjöll en erlendir ferðamenn
sem hann hitti við laugina fannst
þetta gott. Í þeirra augum voru þetta
góðar merkingar að og frá lauginni.
„Það er fjallað um Seljavallalaug í
flestum upplýsingaritum fyrir ferða­
menn og upplýsingar um hana er
víða að finna á netinu. Það verður
því að ganga þannig frá að fólk finni
laugina án mikillar fyrirhafnar. Ein­
faldast væri að setja upp nokkrar
stikur svo erlendir ferðamenn velkt­
ust ekki í nokkrum vafa um hvaða
leið þeir ættu að fara. Mér hefur
dottið í hug að fá stikur hjá Vega­
gerðinni og stika leiðina fyrst enginn
annar gerir það,“ segir Hermann.
Seljavallalaug er í eigu Ung­
mennafélagsins Eyfellings undir
Austur­Eyjafjöllum. Fannar Magnús­
son formaður félagsins segir þetta
ekki stórvægileg landspjöll og ekki
hafi komið til tals að stika leiðina
að lauginni. „Það er ekki hægt að
villast þarna, fólk getur ekki annað
en fundið laugina. Annars er okkur
alveg sama hvort útlendingar finna
laugina, við erum ekkert að mælast
til að fólk komi þarna,“ segir Fannar.
Seljavallalaug er útisundlaug sem
var byggð 1923. Hún hefur um árabil
verið vinsæll áningarstaður fólks.
Hún var lengi ein stærsta laug lands­
ins, 25 metrar á lengd og 10 metrar
á breidd. Það kostar ekkert að fara i
laugina og öllum er það frjálst.
Byggðasafnið á Skógum telur að
laugin hafi mikið minjagildi, þar sem
hún standi á mjög sérstæðum stað í
fögru umhverfi. Byggðasafnið hefur
hvatt til að sundlauginni verði vel við
haldið svo og hennar nánasta um­
hverfi. n
Jóhanna Margrét Einarsdóttir
blaðamaður skrifar johanna@dv.is
Landspjöll Áberandi gular
örvar sem spreyjaðar hafa
verið á steina og eiga að vísa
fólki leið inn í Seljavallalaug.