Dagblaðið Vísir - DV - 17.07.2013, Blaðsíða 17

Neytendur 17Miðvikudagur 17. júlí 2013
Umferðarsektir í Evrópu
n Neytendur hvattir til að kynna sér umferðarreglurnar
Þ
eir sem taka sér bíl á leigu í
Evrópu í sumar ættu að kynna
sér umferðarreglur í viðkom­
andi landi því annars geta
þeir átt von á háum sektum. Á síð­
unni turisti.is eru teknar saman upp­
lýsingar um hve háar sektir eru fyrir
hraðakstur, að fara yfir á rauðu, að
tala í síma undir stýri og hve hárri
sekt ferðamenn mega búast við ef
þeir leggja ólöglega í stæði í nokkrum
Evrópulöndum.
Þar er bent á að þeir sem taka bíl
á leigu þurfi að borga sektirnar sjálf­
ir og stöðumælabrot endi einnig hjá
leigutaka og það jafnvel mörgum
mánuðum eftir að heim er komið.
Auk þess leggi mörg bílaleigufyrir­
tækin umsýslugjald ofan á sektina
sjálfa. Myndavélar leynast gjarnan
við hraðbrautir og umferðarljós og
því sé vissara að fylgja reglunum.
Þá er nefnt að sá sem er uppvís
að því að keyra of hratt á Spáni, á allt
að 20 km/h yfir hámarkshraða megi
eiga von á að greiða 16.000 króna
sekt. Gjaldið fyrir að fara yfir á rauðu
ljósi sé tvöfalt hærra. Þeir sem ger­
ast sekir um sömu brot í Noregi borgi
110.000 krónur í sekt. Norðmenn séu
með hæstu sektirnar í Evrópu en í
austurhluta álfunnar séu yfirvöld
almennt ekki eins refsiglöð.
Að lokum segir að á Ítalíu sé
algengt að bannað sé að keyra í mið­
bæjum og þá eru sett upp skilti sem á
stendur Zona Traffico Limitato – ZTL
sem gefi til kynna að aðeins þeir sem
hafa tilskilin leyfi megi keyra þar. Bíl­
stjórar sem brjóti þessar reglur þurfi
að greiða sekt upp á 15 til 18 þúsund
krónur. n gunnhildur@dv.is Stöðumælasekt Leigutakar geta fengið stöðumælasektir löngu eftir að heim er komið.
Nýtum matinn
n Nokkur ráð um hvað þú getur gert við matarafgangana á heimilinu
F
lestir eru orðnir meðvitað­
ir um allan þann mat sem fer
til spillis hjá hinum almenna
neytenda og reyna að minnka
það magn sem endar í rusla­
fötunni. Ef þú átt tómata, kúrbít, ban­
ana eða brauð sem eru að falla á tíma
þá eru hér nokkur ráð frá Money Talk
News um hvernig þú getur nýtt þessi
matvæli og fleiri.
1 Notaðu kaffi í baksturinn Þeir
sem baka sjálfir brauð
og kökur frá grunni
geta notað afgangs kaffi
i baksturinn, hvort sem
það er í brauðið, súkkulaðikökuna
eða annað brauðmeti. Kaffið gefur
bragð auk þess sem ekkert kaffi fer
til spillis.
2 Frystu banan-ana Mörgum
finnast bananar ekki
góðir þegar þeir eru
orðnir ofþroskaðir en
þá er tilvalið að nota þá
í bakstur. Þótt þú sért ekki að fara að
baka á næstunni er óþarfi að henda
þeim því vel er hægt að geyma þá í
frystinum. Taktu hýðið utan af þeim,
settu þá í plastpoka og inn í frysti.
Næst þegar þig langar í banana­
brauð áttu bananana til.
3 Þvoðu pönnuna með kóki Ef þú ert með kók í ísskápnum
sem er orðið flatt, helltu því þá yfir
viðbrenndu pönnuna áður en þú
hellir því í vaskinn. Kókið nær nefni­
lega að leysa upp brunablettina.
Settu botnfylli af gosinu og leyfðu
kókinu að sjóða en eftir það þværðu
pönnuna eins og venjulega.
4 Gömul sítróna við þrif Sítrón­
ur er hægt að nota
við þrifin og til að
eyða vondri lykt, til
dæmis af skurðarbrett­
um. Skerðu sítrónu sem er orðin
of þroskuð til að nota í matargerð í
tvennt. Nuddaðu henni svo á flötinn
sem lyktar. Þetta má gera við borð­
plötur og ísskápshurðir. Þegar þú
ert búinn, hentu þá afganginum af
sítrónunni í ruslið en þar eyðir hún
einnig vondri lykt.
5 Frystum græn-metisbitana
Þegar maður sker græn­
meti í salat eða rétti
verður oft afgangur.
Þeir sem setja þessa
grænmetis afganga inn í
ísskáp eiga það til að gleyma þeim
og síðan enda þeir í ruslinu. Gott
ráð er að frysta alla grænmetis­
afganga í stóru boxi. Þegar það er
fullt er hægt að setja afgangana í
pott með kjúklingasoði og búa til
grænmetiskássu eða súpu. Einnig er
hægt að sjóða grænmetið eitt og sér
og búa til grænmetissoð.
6 Breytum vínberjum í ísmola Áður en berin skemm­
ast alveg er gott ráð að setja þau
í plastpoka inn í frysti. Þegar þau
eru frosin er hægt að nota þau sem
ísmola í drykki. Þetta eru flott leið
til að halda drykkjunum köldum á
sumrin.
7 Sellerílauf í salatið Flest­
ir henda laufunum
af selleríi og nota
einungis stilkana. Það
má þó vel nota þau í
salatið en þau gefa smá aukabragð.
Með þessu notar þú allt grænmetið
og þarft ekki að henda neinu.
8 Breyttu gömlu brauði í brauðteninga Það er hægt
að frysta brauð sem maður sér fram
á að ná ekki að borða áður en það
skemmist. Betri kostur er þó að
skera brauðið niður í litla teninga
og velta þeim upp úr bráðnu smjöri.
Svo má strá kryddi yfir þá og baka
þá í ofni við lítinn hita þar til þeir
eru alveg þurrir. Svona heimagerð­
ir brauðteningar endast í um það bil
viku og eru mjög góðir með salatinu
eða í súpuna.
9 Oreo í böku-botna Oreo
kex verður seigt
og ólystugt eftir að
pakkinn hefur ver­
ið opinn í nokkra daga. Það
er hins vegar tilvalið að nota það í
baksturinn. Þá er gott ráð að setja
kexið í matvinnsluvélina þar til
það verður að mauki sem hægt er
að setja í bökuform. Smyrjið með
bráðnu smjöri og bakið við 175
gráður í 15 mínútur. Þá ertu kominn
með ódýran, góðan, heimagerðan
bökubotn.
10 Búðu til þína eigin
pastasósu Eigir þú
tómata sem eru að
verða gamlir, skerðu
þá niður, settu þá í pott
með smá lauk og helltu vatni eða
rauðvíni þar til það flýtur yfir. Láttu
malla og bættu svo við því kryddi
sem þig langar í. Hafðu á lágum hita
og hrærðu í og bættu við vatni reglu­
lega eða þar til tómatarnir leysast
upp og verða að mauki. Þegar þessi
heimagerða pastasósa er orðin köld
má setja hana í ísskáp í nokkra daga
og í frysti í nokkrar vikur.
11 Pönnukökur úr kartöflumús
Ekki henda kartöfl­
umúsinni því auðvelt
er að gera pönnukökur úr
henni daginn eftir. Geymdu afgang­
ana í ísskáp. Settu smá olívuolíu á
litla pönnu og hitaðu. Bættu smá
salti og pipar út í músina og búðu
til pönnukökur úr henni. Steiktu á
pönnunni í 2 til 3 mínútur á hvorri
hlið og þá ertu kominn með kartöfl­
umúsarpönnukökur.
12 Grænmetis franskar Það
eru nokkrar tegundir
grænmetis sem breyta
má í franskar kartöflur
svo sem kúrbítur, grasker, rófur og
sætar kartöflur. Skerið grænmetið
eins og franskar og úðið ólívuolíu
og salti yfir. Dreifið þeim á bökunar­
pappír og bakið við 175 gráður þar
til það brúnast og verður stökkt.
Gunnhildur Steinarsdóttir
blaðamaður skrifar gunnhildur@dv.is
Tannkrem
notað sem
hreinsiefni
Tannkrem er ekki bara gott fyrir
tennurnar því það má nota í hin
ólíklegustu verk. Á síðunni hus­
raad.dk eru nokkur slík ráð að
finna:
Á bólur
Það þarf einungis að bera tann­
kremið á bólurnar. Þetta er ekki
kraftaverkameðal en virkar eins
og önnur bólukrem, það þurrkar
bóluna. Berðu tannkremið á ból­
una að kvöldi til og láttu liggja á
yfir nótt.
Á andlitið
Það má fjarlægja dauða húð með
tannkremi og það virkar jafnvel
og aðrir skrúbbar. Það er þó ekki
mælt með að það sé notað á við­
kvæma húð og ekki að nota það
of oft.
Á íþróttaskóna
Það getur verið afar erfitt að ná
hvítum sólum á íþróttaskóm
hreinum og hvítum aftur. Hér
kemur tannkremið sterkt inn. Það
sakar ekki að prófa að nudda því á
hvítan sóla.
Á straujárnið
Ef strauflöturinn á straujárninu er
orðinn skítugur er gott að nudda
tannkremi á hann.
Á baðvaskinn
Ef þú átt erfitt með að ná baðvask­
inum hreinum, prófaðu þá að
nota tannkrem á sama hátt og þú
mundir nota hreinsiefni.
Á silfrið
Tannkremið er tilvalið þegar
hreinsa á silfrið og alla silfurskart­
gripi.
Á ofnhurðina
Glerið á ofnhurðinni verður dökkt
eftir smá tíma en gott hreinsiefni
á það er tannkrem. Það hreinsar
glerið án þess að rispa það.