Dagblaðið Vísir - DV - 15.07.2014, Blaðsíða 23

Vikublað 15.–17. júlí 2014 Fréttir Stjórnmál 23
G
unnar Bragi Sveinsson ut-
anríkisráðherra fordæmdi
á mánudag loftárás-
ir Ísraelsmanna á Gaza-
svæðinu þar sem á annað
hundrað Palestínumenn hafa lát-
ist undanfarna daga. „Það er ský-
laus krafa að ísraelsk stjórnvöld
stöðvi árásir sínar á Gasa sem hafa
leitt til mikilla hörmunga fyrir al-
menna borgara,“ sagði utanríkis-
ráðherrann í frétt sem birtist á vef
ráðuneytisins. Ísland viðurkenndi
sjálfstætt ríki Palestínumanna með
þingsályktun árið 2010, fyrst vest-
rænna ríkja.
Með yfirgnæfandi hernaðarmátt
Enginn Ísraelsmaður hefur látið líf-
ið í loftskeytaárásum Hamas-sam-
takanna frá því að upp úr sauð í
kjölfar morða á þremur ísraelsk-
um ungmennum. Síðan þá hefur
sprengjum rignt yfir Gaza-svæð-
ið auk þess sem palestínskur piltur
var brendur lifandi í hefndarað-
gerðum Ísraelsmanna. Á mánudag
voru 172 Palestínumenn látnir í að-
gerðunum og um sautján þúsund
höfðu flúið heimili sín eftir að her-
lið Ísraels tilkynnti um frekari árás-
ir á svæðið. Til að setja þann fjölda í
samhengi er hægt að nefna að tæp-
lega sautján þúsund búa í Vesturbæ
Reykjavíkur.
Tölur um fallna í átökunum
eru til marks um muninn sem er á
hernaðarmætti ríkjanna tveggja.
Gunnar Bragi bendir meðal annars
á það í yfirlýsingu sinni þar sem
hann segir ábyrgð Ísraels, sem hef-
ur yfirgnæfandi hernaðarmátt,
vera sérstaklega mikla eins og tölur
um fjölda fallinna borgara á Gaza
sanna.
Tveggja ríkja lausn eina leiðin
Alþingi ályktaði í lok nóvember
árið 2011 um viðurkenningu á sjálf-
stæðu ríki Palestínu. Með ályktun-
inni viðurkenndi Ísland landamæri
Palestínu eins og þau voru fyr-
ir 6 daga stríðið árið 1967 en síðan
þá hafa ísraelsk stjórnvöld þrengt
verulega að Palestínuríki og farið
langt yfir þessi skilgreindu landa-
mæri með svokölluðum landnem-
abyggðum. Um hálf milljón Ísraels-
manna búa á Vesturbakkanum,
sem tilheyrir Palestínu.
Það eru ekki bara Íslendingar
sem vilja að landamærin verði færð
aftur til þess sem var 1967 heldur
hefur Barack Obama, forseti Banda-
ríkjanna, eins helsta bandamanns
Ísraelsríkis, lýst því yfir að tveggja
ríkja lausn, þar sem landamærin
frá því fyrir 6 daga stríðið séu virt, sé
lausn deilnanna. Sú afstaða er hins
vegar ekki almenn þar vestan og er
ófyrirséð hvort hægt sé að mynda
nægan þrýsting til að knýja Ísraels-
menn til þess að samþykkja það.
Öryggisráðið vanmáttugt
Kallað hefur verið eftir aðgerðum af
hálfu Sameinuðu þjóðanna og hef-
ur Ban Ki-moon, framkvæmdastjóri
SÞ, kallað eftir því að Ísraelar láti af
hernaðaraðgerðum sínum og að
Hamas hætti flugskeytaárásum.
Óljóst er hvaða aðgerða Sameinuðu
þjóðirnar geta gripið til en Banda-
ríkin hafa neitunarvald í öryggis-
ráði þess. Vanmáttur öryggisráðsins
er Gunnari Braga áhyggjuefni. „Þá
vekur það áhyggjur hve öryggisráð
Sameinuðu þjóðanna er vanmátt-
ugt til að takast á við þennan ófrið.
Ég tel afar brýnt að öryggisráðið
beiti sér af fullum þunga í málinu,“
segir hann á vef ráðuneytisins. n
Aðalsteinn Kjartansson
adalsteinn@dv.is
Gunnar Bragi Sveinsson hefur áhyggjur af vanmætti öryggisráðs Sameinuðu þjóðanna
Af fullum þunga Gunnar Bragi vill að
Sameinuðu þjóðirnar beiti sér af fullum
þunga í málinu.
fordæmir árásir
Ísraelsmanna
Hvað er tveggja ríkja lausn?
Flestir eru sammála um að tveggja
ríkja lausn sé eina leiðin til að enda
átökin á milli Palestínu og Ísraels.
Sú leið gengur út á að landamæri
Palestínu á Gaza og Vesturbakkanum
verði virt og að ríkið fái full yfirráð yfir
svæðinu. Það myndi þýða enda-
lok svokallaðra landnemabyggða
Ísraelsmanna á svæðinu. Tveggja ríkja
lausnin er frekar einföld hugmynd en
afar erfið í framkvæmd. Hin leiðin, sem
virðist verða líklegri með hverju árinu sem líður, er að til verði aðeins eitt ríki, annað-
hvort Ísrael eða Palestína, sem nái þá yfir allt landsvæðið.
Hvað eru landnemabyggðir?
Síðan að Ísraelsmenn réðust inn á Vestur-
bakkann í 6 daga stríðinu hafa svokallaðar
landnemabyggðir verið reistar á palestínsku
landi. Í dag búa um 500 þúsund gyðingar í
þessum byggðum. Landnemabyggðirnar,
eða landtökubyggðirnar eins og þær eru
líka kallaðar, brjóta í bága við alþjóðalög og
eru lykilatriði í deilum Ísraels og Palestínu.
Landnemabyggðirnar eru um 130 talsins og dreifast víða um Vesturbakkann. Gyðingar
sem flytjast í byggðirnar gera það af ýmsum ástæðum; sumir vegna trúarskoðana og
aðrir vegna fjárhagsaðstæðna en húsnæði þar er niðurgreitt.
Á flótta Sautján þúsund Palestínu-
menn hafa þurft að flýja heimili sín.
Hátt í 200 hafa látist í sprengjuárásum
Ísraels síðustu daga, þar á meðal börn.
Ameriskir Cocker Spaniel hvolpar til sölu. Frábærir
fjölskyldu- og sýningarhundar. Auðveldir í þjálfun.
Þeir eru tilbúnir til afhendingar, bólusettir, örmerktir
og með ættbók frá HRFÍ. Upplýsingar í sima
869 5405 eða á Hamratúnsræktun á Facebook.