Dagblaðið Vísir - DV - 09.09.2013, Blaðsíða 2

2 Fréttir 9. september 2013 Mánudagur
Snúningur með gas
Bjarni Ármannsson
heldur Gasfélaginu eftir
snúning með fjárhagslega
endurskipulagningu þess í
gegnum Íslandsbanka.
Bjarni fær arð og
afskrift af gasinu
n Lagði 132 milljónir inn í félagið n Tók þær aftur út eftir milljarðsafskrift
G
asfélagið ehf., sem er í eigu
Bjarna Ármannssonar,
fjárfestis og fyrrverandi
bankastjóra Glitnis, skilaði 44
milljóna króna hagnaði í fyrra
og skuldar nú aðeins rúmar 100 millj­
ónir á móti nærri 430 milljóna króna
eignum. Þetta kemur fram í ársreikn­
ingi félagsins sem nýlega var skilað
til ársreikningaskrár Ríkis skattstjóra.
Ekki er gerð tillaga um greiðslu arðs út
úr félaginu á þessu ári þrátt fyrir góða
stöðu þess. Gasfélagið er fyrirtæki
sem sérhæfir sig í sölu og dreifingu á
gasi.
Staða félagsins er þannig um þess­
ar mundir að Bjarni gat tekið 132 millj­
ónir króna út félaginu fyrr á árinu; 132
milljónir sem hann hafði lagt inn í fé­
lagið árið 2011. Því var um útgreiðsla
hlutafjár að ræða sem var ígildi arð­
greiðslu: Í staðinn fyrir að hafa fjár­
munina áfram inni í félaginu voru þeir
teknir út úr því þar sem staða þess er
þannig, líkt og áður segir, að eignirnar
eru miklu meiri en skuldirnar. Í lok
síðasta árs var eiginfjárhlutfall Gasfé­
lagsins meira en 76 prósent.
Skuldirnar afskrifaðar
Góða stöðu Gasfélagsins nú má rekja
til þess að árið 2011 var stór hluti
skulda félagsins, sem var gengis­
tryggður, færður niður. Félagið skuld­
aði rúmlega 1.600 milljónir króna í lok
árs 2010 en árið eftir voru skuldirnar
komnar niður í 220 milljónir króna.
Þá var einnig búið að breyta skuldum
félagsins í íslenskar krónur.
Árið áður, 2010, var staða félagsins
mjög slæm: Eiginfjárstaðan – eignir
mínus skuldir – var neikvæð um nærri
milljarð króna. Árið eftir var hagnað­
ur félagsins nokkurn veginn sá sami:
Rúmur milljarður króna. Milljarður
hafði því verið afskrifaður hjá Gasfé­
laginu og félagið fékk að starfa áfram.
Íslandsbanki afskrifaði
Í ársreikningi Gasfélagsins árið 2010
sagði meðal annars í skýrslu frá
endurskoðanda félagsins: „Án þess
að gera um það fyrirvara í áritun okk­
ar viljum við vekja athygli á skýringu
12 með ársreikningnum þar sem
fram kemur að félagið uppfyllir ekki
ákvæði lánasamninga við Íslands­
banka hf. Samningarnir kveða á um
að fari eiginfjár­ og rekstrarhagnaðar­
hlutfall niður fyrir tiltekin viðmið sé
bankanum heimilt að gjaldfella þá.
Félagið hefur verið í samningavið­
ræðum við Íslandsbanka hf. um var­
anlega lausn á skuldavanda félagsins
og bankinn mun ekki nýta rétt sinn til
að gjaldfella lánasamninga að upp­
fylltum ákveðnum skilyrðum.“
Viðskiptabanki Gasfélagsins er
því Íslandsbanki, bankinn sem Bjarni
stýrði fram til ársins 2007, en hann
keypti einmitt Gasfélagið á því ári.
Bjarni vann að fjárhagslegri endur­
skipulagningu Gasfélagsins og gjald­
felldi Íslandsbanki ekki lánasamninga
félagsins að „uppfylltum ákveðnum
skilyrðum“. Bjarni er því búinn að eiga
Gasfélagið frá því fyrir hrun og ber því
að hluta til ábyrgð á skuldum félags­
ins. Hann keypti félagið í ágúst 2007 af
Hjálmari Blöndal, lögmanni og fyrr­
verandi blaðamanni og fleira. Hjálm­
ar hafði aftur keypt félagið af Jóni Þor­
steini Jónssyni sem yfirleitt er kenndur
við Nóatún.
DV hefur ekki heimildir fyrir því
hvaða skilyrði þetta voru sem um ræð­
ir í ársreikningi Gasfélagsins. Í sam­
tali við DV segir upplýsingafulltrúi Ís­
landsbanka að hann geti ekki veitt
upplýsingar um hvað fólst í þessum
skilyrðum því það sé trúnaðar mál. Út
frá ársreikningum félagsins að dæma
sést hins vegar að árið 2011, árið sem
Bjarni fékk afskriftina hjá Íslands­
banka, lagði hann 132 milljónir inn
í félagið í formi nýs hlutafjár. Þetta er
sama upphæð og hann hefur nú tek­
ið út úr félaginu aftur. Skilyrði Íslands­
banka fyrir afskriftinni hefur því verið
hlutafjáraukningin líkt og oft er í slík­
um viðskiptum.
Hlutafé inn – hlutafé út
Í lok mars síðastliðinn óskaði Bjarni
Ármannsson svo eftir því fyrir hönd
Gasfélagsins að fá að lækka hlutafé
félagsins um 132 milljónir. Óskin um
heimildina barst atvinnuvega­ og
nýsköpunarráðuneytinu í lok þess
mánaðar en ráðuneytið þarf að veita
eignarhaldsfélögum sem ætla sér að
lækka hlutafé sitt sérstaka undan­
þágu frá innköllunarskyldu. Þetta þýð­
ir í einföldu máli að hlutafjárlækkunin
getur aðeins farið fram með vitund og
vilja lánardrottna félagsins – Íslands­
banka í tilfelli Gasfélagsins.
Í erindi Gasfélagsins kom fram að
skuldastaða félagsins væri það góð, öf­
ugt við það hvernig hún var árið 2010,
að ekkert væri því til fyrirstöðu að
hlutafjárlækkunin færi fram. Þá voru
skuldir félagsins einungis rúmlega 100
milljónir króna en eignir nærri 430
milljónir.
Keypti félagið aftur
á 132 milljónir
Staðan hjá Gasfélaginu er því sú að
Bjarni Ármannsson samdi við kröfu­
hafa félagsins – Íslandsbanka – um að
hann kæmi inn með nýtt hlutafé í fé­
lagið en að í staðinn þá myndi bank­
inn afskrifa stóran hluta af skuldum
þess. Gasfélagið var ekki rekstrarhæft
fyrir þessa endurskipulagningu. Bjarni
kom þá inn með 132 milljónir króna
– segja má að hann hafi í reynd keypt
Gasfélagið af bankanum aftur þar sem
staða þess var þannig – en í staðinn af­
skrifaði bankinn eiginlega allar skuldir
félagsins, meira en milljarð króna. Fyrr
á árinu tók Bjarni þetta hlutafé svo aft­
ur út úr félaginu eftir afskriftina og í
dag er hlutafé félagsins jafn mikið og
það var fyrir hlutafjáraukninguna árið
2011: 500 þúsund krónur.
Með þessum snúningi hefur
Bjarni Ármannsson náð að halda
Gasfélaginu, félagi sem á eignir upp á
meira en 400 milljónir króna, og hann
keypti fyrir hrun. Íslandsbanki hefði
getað selt Gasfélagið hæstbjóðanda,
og örugglega fengið meira fyrir það en
132 milljónirnar sem Bjarni lagði inn
sem nýtt hlutafé og tók svo aftur, en
kaus að gera það ekki en afskrifa þess
stað nær allar skuldir félagsins. Bjarni
hefur því í eiginlega tekið kaupverð
Gasfélagsins aftur út úr því en á félag­
ið áfram eftir umræddar afskriftir. Ef
hann hefði ekki tekið umrædda fjár­
muni út sem hlutafé þá hefði hann
allt eins getað tekið þá sem arð. Ekki
náðist í Bjarna við vinnslu fréttarinn­
ar. n
Ingi Freyr Vilhjálmsson
fréttastjóri skrifar ingi@dv.is
„Bankinn mun
ekki nýta rétt
sinn til að gjaldfella lána-
samninga að uppfylltum
ákveðnum skilyrðum.
Þak fauk af
sumarbústað
Illviðri gekk yfir vestanvert landið
á laugardag og þurftu björgunar­
sveitir víða að veita aðstoð. Í Mið­
dal við Meðalfellsvatn voru björg­
unarsveitirnar Kyndill og Kjölur
kallaðar út um kvöldið þar sem
þak hafði fokið af sumarbústað.
Mun þakið hafa fokið af í heilu lagi
með tilheyrandi tjóni en björg­
unarsveitirnar fóru í það að fergja
þakið og koma í veg fyrir frekara
tjón. Í Kópavogi bárust fregnir af
því að Hjálparsveit skáta hefði
verið kölluð út þar sem þakplötur
höfðu losnað af einbýlishúsi þar
í bæ. Óveðursaðstoð á höfuð­
borgarsvæðinu lauk á tólfta tím­
anum á laugardagskvöld þar sem
veður var tekið að ganga niður.
Vilja stærra
Barnahús
„Það er orðið brýnt að fjölga
starfsfólki og bæta allar aðstæður
svo hægt sé að sinna þessum erf­
iðu verkefnum á sem bestan hátt
með hagsmuni barnanna í fyrir­
rúmi,“ segir Eygló Harðardóttir,
félags­ og húsnæðismálaráðherra,
en stjórnvöld auglýsa nú eftir
rúmlega 400 fermetra húsnæði á
höfuðborgarsvæðinu undir starf­
semi Barnahúss.
Leitað er að húsnæði til kaups
eða leigu og er óskað eftir því að
tilboðum sé skilað til ríkiskaupa
eigi síðar en miðvikudaginn 25.
september næstkomandi. Barna­
hús var opnað árið 1988 í Sól­
heimum 17 í Reykjavík en þar er
sinnt málefnum barna sem grunur
leikur á að hafi sætt kynferðislegri
áreitni eða ofbeldi. Barnaverndar­
stofa fer með reksturinn í um­
boði velferðarráðuneytisins. Mikil
ásókn þýðir að þörf fyrir stærra
húsnæði er orðin brýn. Núver­
andi húsnæði Barnahúss er 254
fermetrar.
Eygló segist binda miklar vonir
við að Barnahús verði komið í nýtt
og betra húsnæði áður en langt
um líður.
Gáfu makríl í
mótmælaskyni
Makrílhátíð Heimssýnar og annarra
samtaka sem standa gegn aðild Ís­
lands að Evrópusambandinu fór
fram á Ingólfstorgi á sunnudag.
Andstæðingar Evrópusambandsins
vildu gefa sem flestum gestum tæki­
færi til að smakka makríl og sögðust
ætla að halda áfram að gefa meðan
birgðir entust.
Félagsmenn sögðu í samtali
við DV að markmið gjörningsins
væri fyrst og fremst að mótmæla
ofríki Evrópusambandsins í makríl­
deilunni sem og að sýna Græn­
lendingum og Færeyingum sam­
stöðu. „Makríllinn er íslenskur
ríkisborgari,“ sagði einn kokkanna
að lokum.