Dagblaðið Vísir - DV - 28.08.2008, Blaðsíða 6

fimmtudagur 28. ágúst 20086 Fréttir
InnlendarFréttIr
ritstjorn@dv.is
„Þeir sem greiða af náms-
lánum hafa fengið greiðsluseðla
að undanförnu. Þegar verðbólgan
er mikil eins og núna hækka þess-
ar greiðslur í samræmi við hana,“
segir Steingrímur Ari Arason fram-
kvæmdastjóri Lánasjóðs íslenskra
námsmanna. Greiðslubyrði náms-
lána er 3,75 prósent af launum
undangengins árs. Þegar verðbólga
er fjórtán prósent eins og í dag
þá reiknar sjóðurinn með að fólk
hafi hærri tekjur sem nemur því.
Á sama tíma hefur launavísitala
hækkað um 9,2 prósent svo þessi
aukning kemur illa við marga því
kaupmáttur launa hefur rýrnað á
þessum tíma. „Fólk er margt að átta
sig á þessu núna. Námslánin hafa
alltaf verið verðtryggð sem þýð-
ir auka greiðslubyrði í efnahags-
ástandi eins og er í dag en byrðin
minnkar að sama skapi í góðæri,“
segir hann.
Lánasjóðurinn breytti regl-
um um greiðslubyrði árið 1985
og lækkuðu það hlutfall af tekjum
sem lánshafinn greiðir. Fyrir 1985
var greiðslubyrðin 4,75 prósent af
launum en minnkaði í 3,75 prósent
eftir það. Lánasjóðurinn getur boð-
ið upp námslán með lágum vöxt-
um einmitt vegna þessarar tekju-
tengingar. „Þetta eru langtímalán
og því er mjög eðlilegt að þau séu
verðtryggð,“ segir hann. Steingrím-
ur býst ekki við að fleiri verði í erf-
iðleikum með að greiða lánin nú
en áður. „Fólk á að vita hvað bíð-
ur þess. Tekjutengingin á ekki að
koma á óvart,“ segir hann.
liljag@dv.is
Verðbólga kemur illa við greiðendur námslána:
Borga mun meira en áður
Framkvæmdastjóri Lánasjóðs
íslenskra námsmanna
steingrímur segir eðlilegt að
námslánin séu verðtryggð þar
sem þau eru langtímalán.
Mynd RóbeRt Reynisson
Kókaínfundur
í borginni
Tæplega tvö hundruð grömm
af fíkniefnum fundust við húsleit
á höfuðborgarsvæðinu á mánu-
dagskvöld. Aðallega er um kóka-
ín að ræða en einnig nokkurt
amfetamín. Maður á fimmtugs-
aldri var færður á lögreglustöð
vegna málsins.
Lögreglan minnir á fíkni-
efnasímann 800 5005. Í hann
má hringja nafnlaust til að koma
á framfæri upplýsingum um
fíkniefnamál. Fíkniefnasíminn
er samvinnuverkefni lögreglu og
tollyfirvalda og er liður í barátt-
unni við fíkniefnavandann.
Hundrað of hratt
Brot 61 ökumanns var mynd-
að við Arnarbakka í Breiðholti í
gær. Fylgst var með ökutækjum
sem var ekið Arnarbakka í vest-
urátt, að Dvergabakka. Á einni
klukkustund, eftir hádegi, fóru
123 ökutæki þessa akstursleið
og því ók helmingur ökumanna
of hratt. Meðalhraði hinna brot-
legu var tæplega 48 km/klst en
hámarkshraðinn er 30 km/klst.
Tuttugu óku á 50 kílómetra
hraða eða meira en sá sem hrað-
ast ók mældist á 70 kílómetra
hraða að því er lögreglan á höf-
uðborgarsvæðinu segir.
Ragna erlendsdóttir hefur fengið mikil viðbrögð eftir að fjallað var um að hún gæti
ekki greitt fyrir lífsnauðsynlega læknismeðferð dóttur sinnar í DV í gær. Heilbrigðis-
ráðuneytið hefur þegar sett sig í samband við hana. Undirskriftasöfnun á netinu er haf-
in til að þrýsta á að læknismeðferð hinnar tveggja ára gömlu ellu dísar verði borguð.
KERFIÐ BREGST VIÐ
VANDA ELLU DÍSAR
„Við fengum engin smá viðbrögð strax
og greinin kom út og ég er rosalega
þakklát og bjartsýn á framhaldið. Við
fengum hringingu í gærmorgun frá
konu sem starfar hjá heilbrigðisráðu-
neytinu. Hún benti mér á að að ég
þyrfti að senda formlega umsókn inn
til Tryggingastofnunar. Það er búið að
gera það núna,“ segir Ragna Erlends-
dóttir.
DV greindi frá því í gær að Ragna
væri nú stödd í New Jersey í Bandaríkj-
unum með Ellu Dís Laurens, tveggja
ára dóttur sinni, sem undirgengst nú
læknismeðferð við lífshættulegum
veikindum sínum. Læknismeðferð-
in kostar tíu milljónir króna og Ragna
segir Tryggingastofnun ekki hafa vilj-
að greiða fyrir meðferðina.
„Okkur hefur nú verið sagt að heil-
brigðisráðuneytið ætlaði að reyna að
flýta ákvörðun sinni um hvort þetta
yrði greitt. Ef því verður neitað, þá för-
um við bara lengra með málið.“
Ragna leyfir sér þó að vera mjög
bjartsýn um framvindu málsins. Hún
greindi frá því á bloggsíðu sinni í gær
að Tryggingastofnun myndi greiða
kostnaðinn.
Undirskriftarsöfnun
Sett hefur verið af stað undir-
skriftasöfnun á netinu til að hvetja
Tryggingastofnun til þess að greiða
lækniskostnað Ellu Dísar. Í gærkvöldi
höfðu um sex hundruð manns skrifað
undir. „Mér finnst æðislegt að fá svona
stuðning, mér hlýnaði svo um hjarta-
rætur að vita að það er svo mikið af
fólki sem er tilbúið að hjálpa okkur. Ég
á ekki til orð.“
Líðan Ellu Dísar er töluvert betri
en hún var áður en mæðgurnar fóru
til Bandaríkjanna, þvert á ráð ís-
lenskra lækna, sem hvöttu hana til
þess að fara ekki út. „Þetta lítur algjör-
lega miklu betur út en það gerði og
ég vil ekki stoppa þar til þetta er búið.
Ég neita að gefast upp við að reyna að
hjálpa barninu mínu. Ég sé það í aug-
unum á henni hvað það er mikið líf í
henni. Jafnvel þó líkaminn sé veikur,
þá er hún svo ótrúlega létt í lund. Ég
fann það í sjálfri mér að ég varð að fara
út.“
Hún gerir þó ekki ráð fyrir því að
Ella Dís verði útskrifuð á föstudaginn,
eins og til stóð. Læknarnir vilji halda
henni stöðugri í að minnsta kosti einn
sólarhring.
Guðlaugur fylgist með
Sem fyrr segir hefur heilbrigðis-
ráðuneytið mál Ellu Dísar til með-
ferðar og hefur fulltrúi þess þegar haft
samband við Rögnu. Guðlaugur Þór
Þórðarson heilbrigðisráðherra seg-
ist í samtali við DV þekkja mál mæð-
gnanna. „Ég hef fylgst með máli þess-
arar ungu stúlku og við skulum vona
að það fái farsælan endi og aðalatrið-
ið er að hún fái bót sinna meina,“ seg-
ir hann.
tR getur brugðist hratt við
Sigríður Lillý Baldursdóttir, forstjóri
Tryggingastofnunar, sagði í samtali
við DV um miðjan dag í gær að engin
formleg umsókn um aðild Trygginga-
stofnunar að Bandaríkjaferð þeirra
mæðgna hefði borist. „Við höfum hins
vegar verið í samskiptum við aðstand-
endur þessa mál og hugsanlega kem-
ur umsókn fram og þá kemur hún
inn á borð til meðferðar.“ Hún segir
Tryggingastofnun geta brugðist hratt
við, þegar tíminn er knappur. „Það
er þess vegna hægt að afgreiða slíkar
umsóknir á einum fundi. Þegar mikið
liggur við, þá bregðumst við hratt við.“
Hún segist ekki geta tjáð sig um
undirskriftasöfnunina um að Trygg-
ingastofnun borgi lækniskostnað-
inn fyrir Ellu Dís að öðru leyti en því
að hún skilji vel að fólk vilji sýna öðru
fólki sem býr við erfið skilyrði hlut-
tekningu og aðstoð.
„ég neita að gef-
ast upp við að
reyna að hjálpa
barninu mínu.“
vaLGeiR ÖRn RaGnaRsson
blaðamaður skrifar: valur@dv.is
Fjölskyldan ragna berst fyrir
lífi dóttur sinnar í Bandaríkjun-
um. Hún hefur fengið jákvæð
viðbrögð frá heilbrigðiskerfinu.
Oddi segir upp
stjóranum
Jóni Jósafat Björnssyni
hefur verið sagt upp störf-
um sem framkvæmdastjóra
Prentsmiðjunnar Odda ehf.
Jón staðfesti þetta í sam-
tali við DV í gær. Þá stóð yfir
fundur í Odda þar sem breyt-
ingar á högum fyrirtækisins
voru kynntar starfsmönnum.
Jón Ómar Erlingsson er nýr
framkvæmdastjóri, en hann
var áður framkvæmdastjóri
Kassagerðarinnar. Jón Jósafat
hættir frá og með deginum
í dag en hann segir að upp-
sögnin sé gerð í mesta bróð-
erni. Jón Jósafat hafði starfað
hjá Odda undanfarin níu ár.
Verðbólgan
yfir spá
Tólf mánaða verðbólga
er komin nokkuð yfir spá
Seðlabankans úr Peninga-
málum sem gefin var út í júlí
síðastliðnum. Þar var gert ráð
fyrir að vaxtalækkunarferli
gæti hafist á fyrsta ársfjórð-
ungi 2009.
Hvað vaxtaákvarðanir
varðar horfir bankinn einnig
á svokallaða kjarnavísitölu
þar sem verðáhrif vaxta á
reiknaða húsaleigu, verðáhrif
opinberrar þjónustu, elds-
neytis og búvöru eru tekin út.
Þessi kjarnavísitala hækk-
aði um tæp 1,2 prósent milli
mánaða og nemur tólf mán-
aða hækkun hennar 12 pró-
sentum. Landsbankinn spáir
því að hámarki verðbólgunn-
ar verði náð í september,
mánuði síðar en gert hafði
verið ráð fyrir.