Dagblaðið Vísir - DV - 23.09.2008, Side 8

þriðjudagur 23. september 20088 Fréttir
„Ef ég hefði vitað að ég myndi
missa vinnuna mína við það að
koma með börnin mín til landsins
hefði ég aldrei komið aftur,“ segir
Zofia Krasúska, ung tveggja barna
móðir frá Póllandi.
Hún fór og sótti tvö ung börn
sín til Póllands í jólafríinu og hafði
verslunarstjórinn í Krónunni sagt
að hún fengi vinnu áfram eftir að
heim væri komið. Þegar til Íslands
var komið og Zofia bað um nokkra
frídaga í viðbót til að koma börn-
unum inn í íslenska kerfið segir
hún að sér hafi verið tjáð að hún
missti vinnuna.
Zofia hafði unnið í Krónunni
í átta mánuði þegar hún ákvað
að fara til Póllands í jólafríinu og
sækja börnin sín tvö. Hún taldi sig
geta tryggt börnum sínum góða
framtíð á Íslandi. Þegar hún kom
aftur til Íslands með börnin, hina
fjögurra ára Ameliu og Sebasti-
an sem er þriggja ára, bað hún
um nokkurra daga frí í vinnunni
til þess að ganga frá pappírsvinnu
og öðru varðandi börnin. Hún seg-
ir að það hafi farið illa í verslunar-
stjórann sem tjáði henni að hann
þyrfti ekki á starfsfólki eins og
henni að halda.
Erfitt án barnanna
„Það var rosalega erfitt að vera á
Íslandi án barnanna en ég þurfti að
gera það til þess að senda peninga
til mömmu minnar í Póllandi sem
var þar með börnin,“ segir Zofia.
Hún ákvað að sækja börnin vegna
þess að hún sá fram á að geta séð
fyrir þeim hér á landi. Hún segir að
það hafi verið erfitt fyrir mömmu
hennar að vera eina með börnin í
Póllandi. Að lokum kom að því að
hún vildi geta staðið á eigin fótum
og sjá fyrir eigin fjölskyldu. Zofia
vann mikið síðustu átta mánuð-
ina áður en hún missti vinnuna.
„Stundum vann ég allan daginn
og líka um nóttina,“ segir Zofia og
bætir því við að þá hafi henni fund-
ist skrítið að hún hafi verið beð-
in um að vinna áfram daginn eft-
ir. Hún segir þó að hún hafi viljað
vinna mikið, enda hafi hún þurft á
peningunum að halda, en stund-
um hafi það verið mjög mikið.
„Farðu aftur til Póllands“
„Stundum kom ég ekki á ná-
kvæmlega réttum tíma í vinnuna,
en ég var aldrei meira en fimm
mínútum of sein,“ segir Zofia og
bætir því við að verslunarstjórinn
hafi dregið hluta af launum hennar
fyrir það. Zofia segir að verslunar-
stjórinn hafi brugðist illa við þeg-
ar hún var nýkomin aftur til lands-
ins og bað hann um frí svo hún
gæti sótt um þau gögn sem hún
þurfti fyrir börnin. „Hann sagði
mér að hann vildi starfsfólk sem
gæti unnið þegar hann vildi,“ segir
Zofia þegar hún lýsir viðbrögðum
verslunarstjórans í Krónunni. Eft-
ir samræður þeirra var henni sagt
að hún væri rekin og að hún gæti
farið aftur til Póllands. Zofia hefur
verið atvinnulaus síðan. Hún leigir
tíu fermetra herbergi í Breiðholti
þar sem hún og börnin búa saman.
Zofia segir þó að vinir hennar hafi
hjálpað henni mikið og án þeirra
hefðu seinustu mánuðir verið mun
erfiðari. Hún hefur leitað að vinnu
en það hefur gengið erfiðlega og
hún segist eiga erfitt með að sætta
sig við orðinn hlut. Börnin þurfi að
borða og það sé erfitt að hafa til
hnífs og skeiðar.
Vilja vinna mikið
Kristinn Skúlason, rekstrar-
stjóri Krónunnar, var á Tener-
ife þegar DV náði tali af hon-
um. Hann sagðist ekki kannast
við þetta tiltekna mál en vildi þó
taka það fram að Krónan kæmi vel
fram við sína starfsmenn. „Fram
að þessu höfum við sjálfir sótt
um kennitölur fyrir þetta fólk og
leyft því að fara út í lengri frí, bara
launalaust ef það er lengra en
umsamin frí,“ segir hann. Hann
segir yfirmenn Krónunnar kapp-
kosta að koma vel fram við alla þá
starfsmenn sem þar vinna. Þegar
hann er spurður út í það hversu
langur vinnudagurinn geti ver-
ið hjá starfsfólki Krónunnar segir
hann að vinnuskyldan sé eins og
lög geri ráð fyrir. Kristinn segir þó
marga innflytjendur vilja vinna
eins mikið og þeir geta ef það er í
boði.
Þriggja mánaða
uppsagnarfrestur
Zofia hafði ekki samband við
stéttarfélag eftir að hún var rekin
úr vinnunni en hún segir marga
pólska vini sína eiga erfitt með að
átta sig á því hver réttindi þeirra
séu og hvaða verkalýðsfélag er
þeirra félag. Starfsmannastjóri
Krónunnar staðfesti að Zofia hefði
unnið hjá Krónunni en vildi þó
ekki ræða einstaka starfsfólk við
fjölmiðla.
Elías Magnússon, forstöðu-
maður kjarasviðs VR, segir málið
snúið vegna þess hve langur tími
sé liðinn frá atvikinu. Hann seg-
ir hana þó hafa átt rétt á þriggja
mánaða uppsagnarfresti þegar
henni var sagt upp. „Ef hún hefði
komið til okkar hefði verið hægt
að höggva á þennan hnút. En
það er erfitt fyrir okkur að gera
eitthvað núna,“ segir Elías. Hann
leggur áherslu á að segja verði
upp starfsfólki með lögbundnum
hætti.
Zofia fær atvinnuleysisbætur
í dag en hana dreymir um að fá
vinnu á nýjan leik, hún segist þó
ennþá veru nokkuð óörugg eftir
það sem gerðist í Krónunni.
SÓTTI BÖRNIN OG
MISSTI VINNUNA
Zofia Krasúska er ung tveggja barna móðir frá Póllandi sem missti vinnu sína í Krónunni eftir að hafa
starfað þar í átta mánuði fyrir að biðja um nokkurra daga leyfi. Hún spurði verslunarstjórann hvort hún
gæti fengið frí til þess að geta sótt um gögn, kennitölur og annað slíkt fyrir börnin. Verslunarstjórinn brást
illa við að hennar sögn og sagði að hann þyrfti starfsfólk sem gæti unnið þegar hann vildi. Rekstrarstjóri
Krónunnar segir að fyrirtækið komi vel fram við alla sína starfsmenn.
„Það var rosalega erfitt
að vera á Íslandi án
barnanna.“
Jón BJarKi magnússon
blaðamaður skrifar jonbjarki@dv.is
Erfitt líf Zofia, amelia og
sebastian eru sameinuð sem
fjölskylda en Zofia segir að
þau eigi erfitt með að ná að
hafa til hnífs og skeiðar.