Húnavaka - 01.05.2008, Side 10

USAH og það varð því að ráði að ritið væri gefið út í nafni Ungmennasambandsins.
Ritinu var vel tekið og strax í upphafi kom í ljós áhugi Húnvetninga. Strax árið 1963
var ritið sent til prentunar í Prentsmiðju Odds Björnssonar á Akureyri og kom þá út í
því broti sem það er enn gefíð út í.
Á næstu árum komu fleiri að útgáfunni og varð smám saman um formlega ritnefnd að
ræða. Hafa ritnefndarmenn gjarnan verið þaulsætnir og engin dæmi um að menn hafi
horfið úr ritnefnd nema með brottflutningi í aðra landshluta eða yfir móðuna miklu.
Dæmi eru um að slíkir flutningar hafi jafnvel ekki dugað til.
Vegna takmarkaðs upplags fyrstu tveggja árganganna og þess hvernig broti þeirra og
útgáfu var háttað ákvað stjórn USAH að endurútgefa þá, samhliða Húnavöku 1980.
Fól stjórnin ritstjórum frumútgáfunnar þeim, Þorsteini Matthíassyni og Stefáni Á.
Jónssyni, ásamt ritnefndarmönnum Húnavöku, þeim séra Pétri Þ. Ingjaldssyni, Jóhanni
Guðmundssyni, Unnari Agnarssyni, Jóni Torfasyni og séra Hjálmari Jónssyni, að
annast endurútgáfuna. Aflað var styrktarfjár til endurútgáfunnar og styrkti m.a.
Menningarsjóður Kaupfélags Húnvetninga útgáfuna með 450 þúsund króna framlagi.
Ritnefndin tók ákvörðun um að gefa þessa fyrstu árganga út í sama broti og ritið er
gefið út í og endursetja allan texta. Teikningar á kápusíðum og á auglýsingum voru látnar
halda sér eins og þær voru í gömlu fjölrituðu útgáfunni. Höfundar þeirra fóru yfir allar
teikningar, skýrðu þær upp og lagfærðu. Sýndu þeir bræður ómetanlega velvild og
hjálpsemi því teiknaðar auglýsingarnar voru listavel gerðar.
Þegar litið er til baka yfir útgáfu Húnavökunnar er áhugavert að bera saman þær
breytingar sem hafa orðið í tækni, viðhorfum, efnahag og menningu á tímabilinu frá því
fyrsta ritið kom út. Má segja að nokkurri undrun sæti að stefna sem sett var fyrir útgáfu
fyrsta rits Húnavöku standi óhögguð 48 árum og jafnmörgum ritum síðar.
Ritnefnd.
.
H Ú N A V A K A 8