Húnavaka - 01.05.2008, Qupperneq 24

H Ú N A V A K A 22
bakka og viltu ekki kaupa af
mér jörðina?“ „Jú, ekkert sjálf-
sagðara“ sagði ég. „Ég skal
kaupa af þér Árbakka.“
Kannski var þetta nú bara
krakkamórall en engu að síður
hafði ég áhuga og ég held að
móður minni hafi ekkert leiðst
það. Þá sagði Guð mundur.
„Þú ert nú ungur strákur og
ekkert að marka hvað þú segir
núna en þú hefur sumarið til
að hugsa þig um því ég sel
Árbakka í haust. Þú hefur
tímann til 1. september, þá
verðurðu að segja mér af eða á.“ Þetta væri verðið og þetta yrði ég að borga
út og þannig var hann með allt alveg planlagt, einn tveir og þrír. Hann
endurtók svo. „Þú hefur tímann til 1. september og ég býð engum Árbakka
fyrr en þú ert búinn að gefa mér afsvar.“
Ég var ekkert lengi að hugsa mig um og keypti Árbakka og ég man að hann
þótti nokkuð dýr þá en ég átti að borga út 130 þúsund. Ég átti ekki grænan
eyri því systir mín var nýbúin að kaupa íbúð í Reykjavík, var að byrja að búa
og ég hafði lánað henni þær fáu krónur sem ég átti.
Þetta var stór biti til að gleypa en það hafðist með góðra manna hjálp og ég
hringdi í Guðmund í ágústmánuði og sagði að allt væri klárt. Ég fór svo norður
en þar sem ég var svona ungur fór móðir mín með mér og skrifaði undir allt
saman fyrir mína hönd. Ég ákvað að leigja jörðina í 10 ár og koma svo norður
25 ára gamall því þá væri tími til að
taka við og það gekk eftir en síðasti
ábúandinn var Grímur Magnússon.
Ég setti nú undir þann hugsanlega
leka að konan færi að gera athuga-
semdir við flutning norður á bóginn.
Þegar ég var að byrja að kynnast Helgu
þá sagði ég henni strax að ég ætti jörð
norður í landi og það væri sko á hreinu
að ég ætlaði að flytja og prufa að búa.
Ef það gengi ekki þá bara hætti ég.
Þannig að þetta var inn í dæminu og
ekkert farið á bak við hana með hvað
stæði til. Ég vissi svo sem ekki hvað
búskapur var allan ársins hring, bara
hvernig þetta var yfir sumartíman.
Við fluttum svo vorið 1971 og
ætluðum að prufa þetta í 1-3 ár og erum
búin að vera á Árbakka síðan.
Jakob við heyskap.
Herdís og Þórhildur í gamla fjósinu.