Húnavaka - 01.05.2008, Side 60

H Ú N A V A K A 58
og fjöldi fólks virtist vinna við að
berja þar lök sem síðan voru
hengd hundr uðum saman til
þerr is á bakkanum. Maður
reyndi að forðast að hugsa um
hvort lökin á rúmunum okkar
væru þvegin þarna. Allt í kring
voru hrörlegir kof ar úr pappa
og bárujárni þar sem fólk bjó
við vægast sagt ömurleg ar að -
stæð ur.
Þann 20. desember fórum
við í skoðunarferð um Kolkata.
Við tókum leigubíl að Victoria
Memorial sem er eitt helsta
kenni leiti borgarinnar. Þar er
mik ið og fjölbreytt safn, bæði
lista verka og söguminja, sem
var mjög gaman að skoða þrátt fyrir að uppsetning safnsins væri farin að láta
á sjá líkt og önnur söfn sem við fórum í.
Við fórum einnig á The New Market sem er þekktasti verslunarkjarninn í
borginni. Þar úir og grúir af litlum sölubásum sem selja alla mögulega hluti.
Indverjar virðast upp til hópa vera miklir sölumenn og reyna sitt ýtrasta til að
selja vörurnar sínar. Þeir kalla á mann og fylgja jafnvel eftir dágóða stund,
veifandi vörunum sínum.
Til að byrja með vorum við voða kurteis og afþökkuðum boð þeirra pent
en það bar sjaldnast árangur og flestir þeirra héldu áfram þar til við neydd-
umst til að hunsa þá alveg eða hreinlega reka þá í burtu frá okkur. Þessi yfir-
þyrmandi sölumennska virkaði því frekar öfugt á okkur og fórum við tómhent
heim af mark aðinum.
Um kvöldið var vinum og ættingjum svo boðið í heimsókn til foreldra Adity
þar sem boðið var upp á einstaklega góða smárétti og te. Adity sýndi okkur
herb ergi fullt af gjöfum sem fjölskyldan ætlaði að færa brúðgumanum daginn
eftir en það er ein af brúðkaupshefðunum.
Brúðkaupsdagurinn mikli
Þann 21. desember rann upp sjálfur brúðkaupsdagurinn. Við vöknuðum um
kl. 8 við angurvært bænasöngl úr fjarska og ónotalega tilfinningu um marðar
axlir og mjaðmir eftir grjótharðar rúmdýnurnar á hótelinu. Á baðherberginu
reyndist vera óboðinn gestur. Meðalstór kakkalakki var kominn í heimsókn en
Svanur var ekki gestrisnari en svo að hann sturtaði honum fljót niður. Um
okkur fór smá hrollur en hugsunum um frekari heimsóknir slíkra boðflenna
var bægt frá hið snarasta. Þriggja stjörnu staðall hlyti að þýða að kakkalakka-
vandamál hótelsins væri að minnsta kosti ekki stórt.
Fátækrakofar í Kolkata.