Húnavaka - 01.05.2008, Page 103

H Ú N A V A K A 101
kom fram hvar þeir voru að vinna. Þorsteinn hafði sama dagkaup og Sverrir
en Jóhann minna. Þá var greitt fyrir 11 daga vinnu á Blönduósi á reikning
Eyvindar Þórðarsonar í Enni og Sölvi Jónsson á Sölvabakka vann einnig 7 ½
dag á Blönduósi í maí og júní.
Aftast í einum kladdanum fann ég þrjár síður, sem báru yfirskriftina, „Huset
paa Blönduósi“ og á voru ýmsar úttektir til húsbygginga og uppihalds manna
við þær. Ekki var getið um timbur í húsin á blöðunum en flest annað sem til
húsasmíða þarf; gler, saumur, skrúfur, þakpappi o.fl. þess háttar. Einnig læsing
fyrir kontordyrnar og lás á peningaskúffuna í „boutikken“. Þá voru ýmsar
matvörur, eins og melís, kaffi og kandís. Einnig var nokkuð af steinolíu. Mest
af þessu var sent frá Skagaströnd en sumt var tekið út hjá Möller og Hillebrandt
á Blönduósi, aðallega matvaran og olían. Eitt sinn kom saumur frá Sauðár-
króki.
Ýmsir aðrir liðir eru á þessum reikningi, Jóhannes í Vatnahverfi fær greitt
fyrir flutning á kjöti frá Skagaströnd, Klemens í Skrapatungu fær 25 aura fyrir
að sækja járnlykkjur og „pastor P. Sigurðsson“ fær greitt fyrir bátslán. Þá fékk
Sveinn í Enni tvisvar borgað fyrir að bora skráargöt og gera við lás og Jóhann-
esi vert voru greiddir 50 aurar í ferjutoll. Hann sá þá um að ferja menn yfir
ána
Dýrindis reisugilli hefur verið haldið seinnipartinn í júlí því þá er sent frá
Skagaströnd „35 pt. Rom til reisegildet”. Að auki var fengið hjá Möller 12
flösk ur af öli og 7 flöskur af einhverjum öðrum miði auk brennivíns. Hjá
Hillebrandt voru fengin 24 pd. af melís. Skömmu síðar var haldið annað
reisugilli því þá voru reistar sperrur Bræðsluhússins. Þá var aðeins veitt 1 ½ pt.
af rommi og 2 pt. brennivín enda ekki um eins merkilegt hús að ræða.
Svo virðist sem vinna við kjallara verlunarhússins hafi hafist í apríllok eða
byrjun maí en um miðjan júní byrja menn að reisa húsið á hann. Innréttingu
húsanna lauk svo í september.
Það er ekki langur tími til að byggja tvö hús af þessari stærð en illa er ég
svik inn ef menn hafa ekki einhvern tíma verið dálítið timbraðir því auk þess
Blönduós um 1877.