Húnavaka - 01.05.2008, Qupperneq 154

H Ú N A V A K A 152
útgerðarmaður Hvamms tanga, 1936-2000, Ragna Hrafnhildur, húsmóðir á
Skagaströnd, 1938-1981 og Hans Birgir, 1939-1949.
Björgvin ólst upp á heimili afa síns og ömmu að Sauðá hjá einstæðri móður
sinni og bróður. Hann var í uppvexti sínum
umvafinn stórri ætt sem studdi hann og hvatti.
Áhugi Björgvins hneigð ist snemma að
þjóðmálaumræðu og hvern ig baráttan um brauðið
og skiptingu kökunnar var háttað. Jafnaðarstefna
og barátta fyrir kjörum hinna vinnandi stétta
urðu snemma sá vettvangur sem hann valdi sér í
stjórnmálabaráttunni.
Björgvin flutti með Rósu sambýliskonu sinni
og tveimur yngstu börnum hennar til
Skagastrandar 1944 og bjó fyrstu árin í Óseyri en
síðar fluttu þau í Miðnes þar sem heimili þeirra
var eftir það. Björgvin var ungur valinn til forystu
í Verklýðsfélagi Skagastrandar og starfaði þar um
tuttugu ára skeið. Tók hann á þeim tíma bæði virkan þátt í kjarabaráttu á
Skagaströnd og starfaði einnig á vettvangi Alþýðusambandsins.
Hann varð sparisjóðsstjóri í Sparisjóði Skagastrandar við stofnun hans 1959
og var það þar til Landsbankinn yfirtók sparisjóðinn 1982.
Björgvin var ákaflega virkur félagsmálamaður. Hann var hreppstjóri frá
1971 til 1993 og sýslunefndarmaður um árabil. Hann sat í hreppsnefnd
Höfðahrepps fyrir Alþýðuflokkinn á árunum 1958-1970.
Af öðrum félagsmálastörfum Björgvins má nefna að hann var virkur
þátttakandi í Skógræktarfélagi Skagastrandar og var mjög áhugasamur að
koma áfram uppgræðslu og skógrækt í hlíðum Spákonufells. Hann tók virkan
þátt í Kaupfélagi Skagstrendinga og var endurskoðandi félagsins um skeið.
Björgvin hélt mjög saman öllum gögnum og var minnugur á atburði og
samskipti við fólk. Hann nýtti þennan sjóð til að taka saman bók um ævi sína
sem hann gaf út 2004 og kallaði ,,Minningar og lífssýn“.
Björgvin beitti sér fyrir stofnun samtaka um aðskilnað ríkis og kirkju og
kallaði samtökin SARK. Hann beitti sér mjög í málefnum samtakanna og
lagði sig allan fram um framgang stefnumála þeirra eins og hann hafði ætíð
gert í þeim baráttumálum sem áttu hug hans allan. Barðist Björgvin fyrir
aðskilnaði ríkis og kirkju og vildi losa þjóðina undan því sem hann kallaði
ríkisrekin trúarbrögð. Trúr þessari sannfæringu sinni mælti hann svo fyrir að
útför sín skyldi haldin í Félagsheimilinu Fellsborg. Var útför hans gerð þaðan
10. mars 2007.
Magnús B. Jónsson.