Húnavaka - 01.05.2008, Page 170

H Ú N A V A K A 168
Anna ólst upp við alla almenna sveitavinnu í Finnstungu með foreldrum
sínum og bræðrum. Skólagangan var farskóli sem þá var algengasta menntun
barna og ungmenna til sveita. Seinna fór hún í Kvennaskólann á Blönduósi.
Í Finnstungu var Anna til ársins 1948. Það
sama ár, þann 7. ágúst, giftist hún Kristjáni
Snorrasyni frá Blönduósi. Þau Anna og Kristján
settu saman heim ili í húsi sem kallað var Sandur
á Blönduósi. Seinna bjuggu þau í Helgafelli en
síðast í Brautar holti. Kristján andaðist þann 15.
nóvember 1990
Anna og Kristján eignuðust tvær dætur, Þóru
og Kolbrúnu.
Anna vann með heimili sínu hjá Jónasi bróður
sínum við verslunarstörf og seinna vann hún hjá
Kaupfélagi Húnvetninga, allt til þess að hún hætti
störfum vegna aldurs. Hún var mikil hannyrðakona
og fjölskyldukona sem bar hag dætra sinna og
barna barna fyrir brjósti. Hún hafði ánægju af dansi og söng og að hlusta á
harmoniku- og orgel leik. Hún byrjaði sjálf ung að spila á píanó og orgel og á
harmoniku á skemmtunum í sveitinni.
Anna hafði gaman af að ferðast og lesa ljóð og var sjálf hagmælt þótt hún
héldi því ekki á lofti. Hún söng sem ung kona með kirkjukór Bólstaðarhlíðarkirkju
og í kirkjukór Blönduósskirkju um langt árabil.
Árið 1991 hóf Anna sambúð með Ragnari Þórarinssyni, hann var henni
góður vinur og ferðafélagi.
Hún andaðist á Heilbrigðisstofnuninni á Blönduósi, útför hennar var gerð
frá Blönduósskirkju 15. september.
Sr. Sveinbjörn Einarsson.
Ari Guðmundur Guðmundsson
frá Blönduósi
Fæddur 23. mars 1923 – Dáinn 2. september 2007
Ari var fæddur í Holti á Ásum. Foreldrar hans voru hjónin Jakobína Ver-
munds dóttir (f. 24. júní 1891, d. 16. ágúst 1983) og Guðmundur Guðmundsson
(f. 18. október 1888, d. 20. október 1977) er þar bjuggu. Foreldrar Jakobínu
voru Vermundur Guðmundsson og Lovísa Hjálmarsdóttir frá Kaldbaksseli í
Langadalsfjalli og foreldrar Guðmundar voru Guðmundur Pétursson frá Holti
og kona hans, Anna Guðmundsdóttir, ættuð úr Skagafirði.
Ari ólst upp hjá foreldrum sínum í Holti og fór síðan til náms í Menntaskól-
ann á Akureyri. Stundaði í upphafi verslunarstörf á Blönduósi og vann við
húsamálun víða í Húnaþingi. Haustið 1947 hóf hann störf hjá Kaupfélagi
Húnvetninga á Blöndu ósi, lengst af sem aðalbókari og skrifstofustjóri. Sam -