Húnavaka - 01.05.2008, Side 180

H Ú N A V A K A 178
Aðalbjörg ólst upp með foreldrum sínum og systkinum við almenn sveita-
störf. Lífið og sveita störfin áttu vel við hana og ánægjulegar minningar voru
bundnar æskuheimilinu. Á sumrin unnu allir við búskapinn sem vettlingi gátu
valdið og nóg að gera á mannmörgu sveitaheimili.
Eftir barna- og unglinganám fór hún í Kvenna skólann á Blönduósi veturinn
1937-38 og var síðan í vetrarvist hjá prestshjónunum á Æsustöðum. Veturinn
1940 fór hún til Reykjavíkur að læra kjólasaum.
Það gerði hún eftir að hafa unnið á vegum
Kvenfélagsins í Bólstaðarhlíðarhreppi við
saumaskap fyrir fólk í sveitinni. Eftir tvo vetur í
saumanámi kom hún aftur norður og vann fyrir
sér með saumaskap og stóð fyrir námskeiðum í
fatasaumi.
Þann 14. júní 1947 giftist hún Pálma Ólafssyni
frá Mörk á Laxárdal. Það sama ár keyptu þau
jörðina Holt á Ásum og hófu þar búskap. Þangað
fluttu þau ásamt foreldum Pálma. Aðalbjörg og
Pálmi byggðu upp húsakost og gerðu jarðarbætur
að Holti. Þau eignuðust sjö börn í þessari
aldursröð: Elst er Jósefína Hrafnhildur, Vilhjálmur,
Guðrún Sigríður, Þorgrímur, Ólöf, Elísabet Hrönn og yngst er Bryndís Lára.
Öll eru þau fjölskyldufólk.
Fjölskyldan, heimilið og búið var líf Aðalbjargar. Í mörg horn var að líta í
Holti, mörg börn og yfirleitt sumardvalarbörn. Hún vann að búinu þegar hún
hafði tíma aflögu og naut þeirra starfa. Heimili hennar var alltaf gestkvæmt
enda hafði Aðalbjörg ánægju af samskiptum við fólk. Hún var í stjórn Kven-
félags Torfalækjarhrepps og þar formaður í mörg ár og vann einnig ýmis trún-
aðarstöf fyrir Kvenfélagasamband austur-húnvetnskra kvenna. Þegar Aðal björg
og Pálmi hættu búskap árið 1991 og fluttu til Blönduóss létu þau jörðina í
hendur barna sinna.
Á Blönduósi bjuggu þau að Flúðabakka 1. Mann sinn missti Aðalbjörg í
desember 2005.
Aðalbjörg andaðist á Heilbrigðisstofnuninni á Blönduósi en þar hafði hún
dvalið síðustu árin. Útför hennar var gerð frá Blönduósskirkju þann 1. desem-
ber.
Sr. Sveinbjörn Einarsson.
Helena Martha Ottósdóttir
frá Skagaströnd
Fædd 14. september 1923 – Dáin 22. nóvember 2007
Helena var fædd í Pirna í austurhluta Þýskalands. Foreldrar hennar voru
Martha Anna og Karl Otto Heckel járnbrautarstarfsmaður. Þau eignuðust