Húnavaka - 01.05.2008, Qupperneq 200

H Ú N A V A K A 198
km hlaup. Alls tóku um 50 manns
þátt. Svo var farið í ratleik, boðhlaup,
reiptog og hlaupið í skarðið. Það var
því þreytt en ánægt fólk sem rölti í
grillmatinn sem Húnaver bauð upp á
að dagskrá lokinni.
Innanfélagsmót var svo haldið 23.
ágúst þar sem keppt var í 60 m hlaupi
og langstökki.
Uppskeruhátíð félagsins var 7.
desember, þar var snætt lambakjöt og
ís, spilað bingó og farið í limbó. Hulda
Margrét Birkisdóttir og Haraldur Páll
Þórsson voru útnefnd íþróttastelpa og
strákur félagsins 2007 og hvatningar-
verðlaun fengu „stubbarnir“ þ.e.a.s
yngstu meðlimir félagsins.
Í stjórn félagsins 2007 voru Sigríður
S. Þorleifsdóttir formaður, Fanney
Magnúsdóttir gjaldkeri og Rúnar
Aðalbjörn Pétursson ritari.
Sigríður S. Þorleifsdóttir.
SAH AFURÐIR EHF.
Starfsemi SAH Afurða
ehf. gekk með ágætum á
liðnu ári. Félagið hélt
áfram að vaxa og fóru
tekj ur þess yfir einn milljarð króna í
fyrsta skipti. Reksturinn gekk í sam-
ræmi við áætlanir og skilar hagnaði.
Starfsmenn félagsins eru tæplega
50 talsins, auk þeirra sem starfa hjá
félaginu í sauðfjárslátrun á haustin en
þá fjölgar starfsmönnum um tæplega
70.
Slátrun í öllum tegundum hélt
áfram að aukast. Sauðfjárslátrun nam
tæplega 93.000 fjár, mikil aukning
varð í slátrun folalda og hrossa og
nautgripaslátrun er á svipuðu róli og
undanfarin ár.
Miklar framkvæmdir voru á vegum
félagsins á liðnu ári. Nýtt þak var sett
á sauðfjárrétt og skrifstofuhús og
keyptur var búnaður til að tæta vambir
og garnir svo minnka megi umfang
sláturúrgangs. Auk þess var gert átak í
málun húsa og uppskar félagið
umhverfisverðlaun frá Blönduósbæ
fyrir vikið.
Sem fyrr er megináherslan lögð á
slátrun og grófvinnslu afurða. Að
leggja áherslu á þessa þætti hefur
skilað félaginu örum vexti og viðunandi
afkomu. Kaupendur afurða eru fáir
en traustir og því lögð áhersla á að
rækta þau viðskiptasambönd með sem
bestum hætti með góðri og sveigjanlegri
þjónustu.
Á yfirstandandi ári verður haldið
áfram að vinna að því að nýta auka-
afurðir frá slátrun með markvissari
hætti og reyna með öllum tiltækum og
hag kvæmum ráðum að draga úr urð-
un sláturúrgangs. Búið er að setja
reglugerð sem takmarkar mjög heim-
Hulda Margrét Birkisdóttir.