Húnavaka - 01.05.2008, Page 224

H Ú N A V A K A 222
endurnýjaður og hægt að fá þar net-
aðgang.
Skráð aðföng til safnsins voru sem
hér segir:
2007 2006
Barnabækur ............ 50 40
Flokkabækur ........... 91 80
Skáldsögur .............. 85 67
Erlendar kiljur ........ 0 30
Samtals: ........ 226 217
Einnig kaupir safnið fjölbreytt úrval
af tímaritum og kiljur eru keyptar eins
og verið hefur. Safninu hafa borist
góðar bókagjafir á árinu og eru þær
íslensku m.a. notaðar til að endurnýja
eldri og lúnari bækur en einnig hafa
verið gefnar bæði danskar, þýskar og
enskar bækur og eiga gefendur þakkir
skildar fyrir.
Stefanía A. Garðarsdóttir.
LANDBÚNAÐARFRÉTTIR 2007
Árið 2007 var fyrsta starfsár sameinaðs
Búnaðarsambands Húnaþings og
Stranda en það sinnir leiðbeiningum
til bænda í Húnavatnssýslunum báð-
um auk Strandasýslu. Við höldum þó
í þá hefð að birta hér í Húnavöku
fréttir af landbúnaði í Austur-
Húnavatnssýslu einni og sér.
Nautgriparækt.
Alls héldu 29 bændur í sýslunni
afurðaskýrslur yfir kýr sínar árið 2007
eða sami fjöldi og árið áður. Árskýrin
skilaði 5.164 kg af mjólk á árinu sem
er aukning um 258 kg frá fyrra ári.
Meðalbústærð jókst úr 26,8 upp í 28
árskýr. Árskýrin fékk 1.252 kg af
kjarnfóðri sem er 58 kg meira en árið
áður.
Mestar afurðir eftir árskúna, ef
raðað er eftir mjólkurmagni, voru hjá
Gróu og Sigurði, Brúsastöðum í
Vatnsdal en þar skilaði árskýrin 6.613
kg mjólkur. Steingrímur og Elín Anna
í Hlíð verma annað sætið með 6.156
kg mjólkur og í þriðja sæti voru Ólafur
og Aldís á Höskuldsstöðum með 6.014
kg mjólkur.
Nythæsta kýr í héraðinu árið 2007
var Sóley nr. 149 hjá þeim Kristjáni
og Lindu á Steinnýjarstöðum en hún
skilaði alls 10.956 kg mjólkur á árinu.
Í öðru sæti er Heiðbrá nr. 140 hjá
Magnúsi og Önnu á Hnjúki en hún
gaf af sér 9.460 kg mjólkur. Þriðja
sætið vermir síðan Villa nr. 250 á
Auðólfsstaðabúinu en hún mjólkaði
9.353 kg á árinu.
Sauðfjárrækt.
Þátttaka í sauðfjársæðingum er
orð in mjög mikil og almenn og eykst
heldur ár frá ári enda áhugi á rækt-
unarstarfi alltaf að aukast í sýslunni.
Alls voru sæddar 1.966 ær á 46 bæjum.
Til samanburðar er rétt að geta þess
að árið 2006 voru sæddar 1.737 ær.
Alls skiluðu um 90 bændur inn
sauðfjárskýrslum á árinu. Þegar þessi
orð eru rituð, er ekki komið loka-
uppgjör frá Bændasamtökum Íslands,
en meirihluti niðurstaðna liggur þó
fyrir.
Úr þeim niðurstöðutölum sem
komnar eru í hús má lesa að mestar
afurðir eftir hverja vetrarfóðraða á
eru 37,7 kg hjá þeim Pétri og Sigur-
laugu á Tjörn en þau eiga reyndar
aðeins 9 ær. Í öðru sæti er Guðrún
Sigurjónsdóttir á Auðkúlu 2 með 29,5
kg eftir hverja vetrarfóðraða á og í
þriðja sæti með 28,7 kg eftir vetrar-
fóðraða á eru Pétur og Þorbjörg í
Hólabæ. Eru þetta allt rótgróin
afurða bú.