Húnavaka - 01.05.2008, Qupperneq 240

H Ú N A V A K A 238
og lóðakostnaðurinn mun lægri hér
heima.
Stjórnendur Léttiækni finna mikla
hugarfarsbreytingu hjá fólki varðandi
léttitæki, fólk leggur meira upp úr því
að létta sér störfin með ýmsum tækjum
og tólum og það er auðvitað okkar
sérsvið.
Eins og sjá má er allt á fullri ferð
hjá Léttitækni og hvergi slegið slöku
við, verkefnastaðan góð og bjartir
tímar framundan.
Jakob Jónsson.
AÐ VEIÐA OG SLEPPA LAXI.
Laxveiði í húnvetnsku ánum var í
nokkuð góðu meðallagi á síðasta ári.
Flestar stærri ár héraðsins voru með
veiði yfir meðaltali síðustu 10 ára og í
heild var veiðin ekki ósvipuð og árið á
undan.
Helsta áhyggjuefni veiðiréttarhafa
er minnkandi ganga stórlaxa í árnar.
Á málþingi um stöðu stórlaxa, sem
haldið var í kjölfar ársfundar Veiði-
mála stofnunar 2007, kom fram að
bæði hagsmunaðilar og vísindamenn
eru sammála um að það sé uggvænleg
þróun hvað stórlaxi fer ört fækkandi. Í
sumum ám er stórlaxinn kominn und-
ir fimm prósent af laxastofni árinnar.
Fyrir nokkrum árum var ástandið
mun betra og dæmi voru um að í
þekkt um stórlaxaám, eins og Vatns-
dalsá og Víðidalsá, væri hlutfall stór-
laxa um 60%. Svörtustu spár sýna að
með sama áframhaldi kunni stórlaxinn
að hverfa úr íslenskum ám fyrir árið
2020. Sigurður Guðjónsson forstjóri
Veiðimálastofnunar hefur sagt að „ef
ekkert verður að gert þá er líklegt að
við töpum erfðaþættinum úr stofn-
inum“.
Í máli Sigurðar kom fram að eflaust
ættu breytt skilyrði í náttúrunni sinn
þátt í þessari þróun og það eina sem
hægt væri að gera væri að friða
stórlaxinn í von um batnandi skilyrði í
náttúrunni.
Á málþinginu kom fram að veiði-
aðferðin að “veiða og sleppa” hefur
átt vaxandi skilningi að mæta, þó sé
óásættanlegt að aðeins 41,6% veiddra
stórlaxa var sleppt sl. sumar. Í tengslum
við þessa umræðu horfa menn mjög
til Vatnsdalsár en þar hefur nær öllum
laxi verið sleppt undanfarin ár eða allt
frá árinu 1996. Hlutfall stórlaxa þar
hefur líka haldist hærra en víða annars
staðar.
Heildarveiði í húnvetnsku ánum
var sumarið 2007 eftirfarandi:
Hrútafjarðará og Síká ............. 431
Tjarnará á Vatnsnesi .............. 41
Hamarsá ................................. 6
Miðfjarðará ............................. 1.150
Víðidalsá og Fitjá .................... 728
Gljúfurá ................................... 118
Vatnsdalsá og Giljá .................. 848
Laxá á Ásum ........................... 536
Fremri-Laxá............................. 16
Blanda ..................................... 1.107
Svartá ...................................... 301
Laxá á Refasveit ...................... 208
Silungsveiði var betri í heild en árið
Stórlax úr Vatnsdalsá.