Húnavaka - 01.05.2008, Síða 253

251H Ú N A V A K A
Starfsemi á hald a hússins var með
svipuðu sniði og annaðist það þjónustu
og um hirðu í bænum. Lögð var
áhersla á að merkja götur og var þeim
merk ingum fjölg að talsvert á ár inu.
Þá voru tekin ný svæði undir gróð-
ursetningar á trjáplöntum í skjólbelti.
Plantað var í svæði fyrir ofan Boga-
braut og svæði á Karls minn is túni.
Haldið var áfram gerð jarðvegsmana
og settar manir ofan við Ránarbraut.
Það er mat starfsmanna að manirnar
dragi verulega úr snjósöfnun í byggð-
inni.
Unnið var að gerð bílastæðis og
ristarhliða í aðkomu að kirkjugarðinum
við Spákonufell. Er endurbótum á
kirkjugarðinum að ljúka en þær hafa
staðið yfir síðustu 3 ár. Búið er að
leggja stíga og bæta allt aðgengi að
garðinum ásamt því að verja hann
bet ur fyrir ágangi búfjár.
Í samvinnu við Landsvirkjun var
unnið að stígagerð á Spákonufellshöfða.
Var verkefnið styrkt af Landsvirkjun
undir kjörorðinu „Margar hendur
vinna létt verk“ og kom vinnuflokkur
í nokkra daga frá Landsvirkjun og
lagði út timburkurl í stígana. Tókst
verk efnið vel og er gönguleið um
Höfð ann að komast í mun betra horf
en áður var.
Sveitarfélagið er einn af eigendum
Hafnarlóðar 6 sem er stóra mjöl-
skemman á hafnarsvæðinu. Eigendur
hennar létu skipta um klæðningu á
húsinu og var það klætt að utan með
bárujárnsklæðningu og skipt um
glugga og hurðir.
Sveitarfélagið átti gott samstarf við
Ungmennafélagið Fram um rekstur
starfsvallar fyrir börn á aldrinum 6 til
13 ára. Var þetta annað árið sem
verkefnið var unnið með þessum hætti
og byggðist á því að flétta saman
íþróttastarfi, leikj um, kofasmíði og
garðrækt. Verkefni starfsvallarins stóð
yfir frá miðjum júní og fram í miðjan
ágúst. Þátttaka barn anna var góð og
mikil ánægja með hvernig til tókst.
Bílastæðið sunnan við kirkjuna var malbikað. Ljósm.: Ágúst Þór.