Húnavaka - 01.05.2009, Qupperneq 9

Ávarp
Ágætu lesendur Húnavöku !
Húnavökuritið kemur nú út í 49. sinn. Að þessu sinni hefur sú breyting orðið að
vegna veikinda hefur Stefán Á. Jónsson, Kagaðarhóli, látið af störfum sem ritstjóri en
við tekið Ingibergur Guðmundsson, Skagaströnd. Stefán var einn af hvatamönnum að
stofnun ritsins og hefur staðið að útgáfu þess frá upphafi, lengst af sem ritstjóri. Eru hon-
um þökkuð mikil og fórnfús störf.
Efni þessa rits er fjölbreytt að vanda. Vel gekk að afla efnis enda á ritið marga vildar-
vini sem leggja því til greinar, frásagnir, kvæði og annan fróðleik. Fyrir það ber að þakka.
Þá er að venju minnst látinna samferðarmanna og að lokum eru almennar fréttir úr hér-
aði.
Ritstjóri og ritnefnd líta á útgáfu þessa rits fyrst og fremst sem framlag þeirra og
USAH til söfnunar og varðveislu heimilda um sögu lands og þjóðar að fornu og nýju.
Einnig er litið á Húnvökuna sem vettvang Austur-Húnvetninga til að koma á framfæri
fróð leik, kveðskap og smásögum og hugleiðingum um menn og málefni. Hins vegar er hið
almenna dægurþras skilið að mestu eftir handa öðrum fjölmiðlum.
Árið 2008 var Húnvetningum að mörgu leyti hagfellt bæði til lands og sjávar. Tíðar-
far var ágætt, grasspretta sæmileg, fiskveiði góð og atvinnuleysi lítið. Þó sáust þegar
snemma árs blikur á lofti í fjármálum og ört lækkandi gengi sem lauk með kollsteypunni
í byrjun október. En þar sem flestir heimamenn höfðu aðeins komist neðst í hlíðar þeirra
fjalla fjárfestinga og skuldbindinga sem sumir aðrir höfðu klifið þá var fall þeirra sem
betur fer ekki eins hátt. Samt er ljóst að næstu ár verða öllum landsmönnum erfið í barátt-
unni við skuldaklafann sem lagður hefur verið á herðar þeirra. Kannski lærist mannkyn-
inu einhvern tímann sú einfalda staðreynd að sjálfsagi og ábyrgð fylgir frelsi ef vel á að
fara.
Þegar þessi orð eru rituð, um miðjan maí 2009, er vor í lofti og framundan bíður
sumarið með fjölmörg skemmtileg og spennandi tækifæri. Að þessu sinni munu lands-