Húnavaka - 01.05.2009, Side 67

H Ú N A V A K A 65
Sirion en það síðast nefnda er alveg
máð úr minni mínu.
Það er alveg ógleymanleg stund
að kasta á vaðandi síld í blíð-
skaparveðri og háfa fullt skip af
spriklandi síld. Síldarhreistrið sveif
um loftið og fyllti öll vit og þá var
nú gaman að lifa, lagsmaður.
Að eins nokkrar skipslengdir í
næsta flutningaskip og man ég að
við lönduðum þrisvar sama sólar-
hringinn, 15. október, samtals 310
tonnum.
En það var ekki alltaf jafn gam-
an og gat það gránað þegar að
þurfti að sigla með fullfermi nokk-
ur hundruð mílur til lands. Þá var
eins gott að ekki hreyfði vind. Þeir
sem sváfu frammí urðu fljótt varir
við ef eitthvað kaldaði því sjórinn, sem safnaðist undir hvalbakinn vegna þess
að hann var svo óþéttur, komst ekki út um götin sem áttu að sjá um það
hlutverk enda voru þau komin langt undir sjávarmál. Það varð því að sæta
sjávarföllum til að komast upp undir hvalbak en stundum dugði það ekki til og
menn fengu óvelkomna sturtu því þetta var jú eina leiðin út fyrir sjóinn niður
uppganginn og niður í kjalsog.
Fyrsta brælustig var að hleypa úr fremstu stíum á dekki og svo koll af kolli
þar til allt var farið af dekkinu. Þetta gat tekið nokkra stund því svokölluð lensport
á ganneringu voru með tein í gegnum lunningu og úr honum spotti upp fyrir
merar og stundum upp á bátadekk. Með þessu var hægt að losa nokkrar
hliðarstíur fljótt en úr hinum varð að lempa og ganga frá yfirbreiðslu.
Ekki var um neitt að ræða annað en að halda sjó á meðan þessi losun stóð
yfir og ef veður herti því bátur
sem er dauðhlaðinn og hættir að
lyfta sé á báru er orðinn hættulegur.
Því þurfti að fara með gát þó
aðeins væri eftir lestarfarmur.
Margt getur gerst á sæ. Einu
sinni vorum við að sigla til lands
og Helgan galtóm, aldrei þessu
vant, nema í tveimur stíum á dekki
var síld. Við vorum á lensi, það
var logn en gríðarlega mikill sjór.
Við vorum þrír í brúnni, ég, Biggi
Júl og Jói Ingabjörns. Ekki man ég
hver okkar stóð við stýrið en
Á síldveiðum 1966.
Assi og ég í forlúkarnum á Helgunni
með 75% vodka.