Húnavaka - 01.05.2009, Qupperneq 86

H Ú N A V A K A 84
átti svo að hitta nýja bekkinn
minn.
Þegar ég gekk inn í skólastofuna
sátu þar litlu flissandi pollarnir,
verðandi bekkjarfélagar mínir.
Það kom í ljós að bekkjarfélagar
mínir voru 13 og 14 ára og náðu
mér rétt upp að bringu eða svo,
líkt og buxurnar sem fylgdu
skólabúningnum. Auk buxnanna
samanstóð skólafatnaðurinn af
hvítum póló bol sem þurfti að
gyrða vandlega ofan í buxurnar
og klæðast rosa ,,smart“ skóm við.
Á leiðinni heim spurði ég af
einskærri forvitni hvort ekki væri
hægt að setja mig í bekk með
jafnöldrum mínum, 17 ára, en þá
kom í ljós að krakkar eldri en 14
ára ganga vanalega ekki í skóla
hérna í þorpinu vegna fátæktar.
Eftir skólagöngu vinna þau heima-
við eða gifta sig hreinlega og fara
að huga að barneignum. Sam-
komu lagið var samt þannig að ég
gengi í skólann til þess eins að vera með innfæddum og kynnast skóla-
menningunni.
Allir skóladagar byrjuðu þannig að við mynduðum raðir fyrir utan
skólahliðið og gengum svo framhjá skólastýrunni og öðrum kennurum sem
gættu þess að við værum öll snyrtileg og aðallega vel gyrt. Síðan mynduðum
við raðir eftir bekkjum inni á skólalóðinni og fórum með bænir. Suma dagana
voru neglur og tennur skoðaðar og ef einhver var ekki nógu snyrtilegur að
mati skólastýrunnar var sá hinn sami sendur heim með miða og mátti ekki
koma aftur í skólann fyrr en að foreldrar eða forráðamenn voru búnir að skrifa
undir miðann. Reyndar var möguleiki á að fá slíkan miða við hin ýmsu
tækifæri, t.a.m. ef maður lenti í rigningunni, sem verður alveg rosaleg stundum
og einnig ef manni varð á að mæta ekki í hvítum sokkum. Á fimmtudögum
voru íþróttatímar og þá áttum við að mæta í stuttbuxum og stuttermabol sem
var rosalegur léttir fyrir mig enda 30-35°C stiga hiti á daginn.
Skóladvöl mín stóð yfir í einn og hálfan mánuð en þetta var alveg frábær
reynsla sem reyndi mikið á mig, sérstaklega þar sem að ég átti erfitt með að tjá
mig á spænsku á þeim tíma og enginn talaði ensku nema enskukennarinn auk
þriggja krakka sem urðu síðan ágætis vinir mínir. Ég fékk líka yfirþyrmandi
athygli frá öllum og allir vildu vera vinir mínir sem að leiddi oft til rifrilda. Ég
fékk að upplifa það að vera 14 ára aftur hvað varðar dramað. Svo fékk ég haug
Vel gyrt á leið í skólann.