Húnavaka - 01.05.2009, Page 90

H Ú N A V A K A 88
hjá var trúlaust. Ég fann samt mikið fyrir trúariðkun þegar ég bjó hjá vinafólki
í höfuðborginni í tæpa tvo mánuði. Þau voru strangtrúaðir kaþólikkar, mættu
reglulega í messu, bænastundir og aðra fundi sem tilheyrðu kirkjunni og
auðvitað fylgdi ég með. Hjá þeim fékk ég líka að kynnast borgarlífinu, fór í
háskólann með stelpunum á heimilinu sem voru á mínum aldri. Í Guatemalaborg
kynntist ég frábæru fólki, eignaðist nýja vini og enn aðra fjölskyldu.
Hættur á hverju horni
Guatemala er ótrúlega fallegt land en hér eru hættur á hverju horni. Ég las í
dagblaðinu að það séu að meðaltali 15 manneskjur beittar ofbeldi á einhvern
hátt dag hvern. Kona sem átti hús í nágrenninu, áttræð pía sem klæddi sig eins
og hún væri tvítug og með andlitið fullt af bótoxefnum, kom í heimsókn einn
daginn og sagði okkur frá því að dóttur hennar hefði verið rænt af
garðyrkjumanninum
sem hafði unnið hjá
þeim í mörg ár. Það
tók langan tíma að
endurheimta dótturina
og kostaði fjölskylduna
mikla peninga. Flestir
vinir mínir og vanda-
menn hérna lumuðu á
álíka sögum. Ég var
því mikið vernduð og
kann nú heldur bet ur
að meta frelsið sem
ungt fólk hefur á Ís -
landi.
Samt lenti ég í því eitt kvöldið er ég var á leiðinni út á lífið í góðra vina hópi
að það kom maður upp að bílnum okkar þar sem við höfðum lagt á bíla stæði
við verslunar mið stöð og bað okkur um að skutla sér á hótel stutt frá því að
hann hefði verið að sleppa úr fangelsi klukkutíma áður. Hann var með aðra
hendina í vasanum allan tímann eins og hann væri vopnaður. Við gáfum
honum smá pening og flýttum okkur í burtu hið snarasta.
En það eru ekki einungis glæpir sem gátu stofnað manni í hættu hérna í
þriðja heiminum heldur eru margir sjúkdómar sem auðvelt er að næla sér í ef
maður passar ekki vel upp á það sem að maður borðar. Þekking á hreinlæti í
matargerð er ekki alltaf uppá marga fiska og mér tókst að næla mér í nokkra
svona magasjúkdóma. Einn daginn vaknaði ég ælandi eftir lítinn svefn og var
send beint upp á sjúkrahús í blóðprufu. Í ljós kom að ég væri með veiki sem
kallast Typhoid fever sem er einhvers konar afbrigði af salmónellu. Ég fékk
toppmeðhöndlun hjá læknunum og var orðin góð næsta dag eftir nokkr ar
pillur en mikið af fólki lætur lífið af þessum sjúkdómi vegna þess að það hef ur
Maria Isabel, „mamma mín“, að undirbúa jólamatinn.