Húnavaka - 01.05.2009, Síða 163

H Ú N A V A K A 161
Sólfell ehf. Einnig var hann formaður Vinnueftirlits ríkisins árin 1997-2003.
Hann var einn af stofnendum og sat í stjórn Bílaleigu Blönduóss, krana-
fyrirtækisins Átaks, Steypustöðvar Blönduóss og stofnaði Glaðheima hf. er
reka sumarhús í Brautarhvammi við bakka Blöndu.
Hann var einnig um langt árabil í hreppsnefnd Blönduóss og oddviti
hennar og fyrsti forseti bæjarstjórnar Blönduóss. Auk þess var hann í fleiri
félögum, nefndum og ráðum.
Hilmar unni fjölskyldu sinni og heimili. Heimabæ sínum vann hann vel
enda alltaf umhugað um veg sinnar heimabyggðar og héraðs.
Hann andaðist á Heilbrigðisstofnuninni á Blönduósi og var útför hans gerð
frá Blönduósskirkju 12. janúar.
Sr. Sveinbjörn Einarsson.
Björn Eiríksson,
Blönduósi
Fæddur 24. maí 1927 – Dáinn 4. janúar 2008
Björn var fæddur að Meðalheimi á Ásum. Foreldrar hans voru Vigdís
Björnsdóttir frá Grímstungu í Vatnsdal og Eiríkur Halldórsson frá Sneis á
Laxárdal. Þau eignuðust tvö börn, Ingibjörgu Theódóru og Björn. Ingibjörg
Theódóra dó aðeins nokkurra mánaða gömul.
Hann ólst upp með foreldrum sínum, faðir
hans var bóndi og seinna verkamaður á Blönduósi
en móðir hans var kennari. Fyrstu tvö ár Björns
bjuggu þau að Meðalheimi en fluttu þaðan að
Hólabaki í Þingi og síðan í Skólahúsið í sömu
sveit. Þá var Björn tíu ára gamall og þar átti hann
heima allt til þess að hann flutti að heiman.
Skólagangan var hefðbundið barnaskólanám þess
tíma en auk þess var hann í unglinganámi í
Steinnesi hjá séra Þorsteini B. Gíslasyni.
Björn sinnti þeim verkum sem börn geta gert í
sveit og var svo í vegavinnu á sumrum en um
tvítugt hóf hann vinnu á Bílaverkstæði P.
Stefánssonar í Reykjavík. Hann stundaði síðan vörubílaakstur um tveggja ára
skeið en árið 1950 réði hann sig í vinnu hjá Vélsmiðjunni Vísi á Blönduósi.
Nær alla sína starfstíð vann Björn við málmsmíðar og bílaviðgerðir, prófið í
bifvélavirkjun tók hann árið 1969. Síðustu starfsárin vann hann fyrir Vélsmiðju
Húnvetninga og nokkur ár eftir sjötugt í Árvirkni. Hann var vandvirkur
fagmaður og með mikla starfsreynslu.
Björn kvæntist, 31. desember 1950, eftirlifandi eiginkonu sinni, Öldu
Sigurlaugu Theódórsdóttur. Þau byrjuðu að búa í húsi sem kallað var Bjarg en
núna er Blöndubyggð 8. Þar bjuggu þau í um 20 ár.