Húnavaka - 01.05.2009, Side 190

H Ú N A V A K A 188
þurfi ekki að hörfa aftur. Ellefta apríl
er þrösturinn kominn. En norðangjólan
var helköld um kvöldið. Dagana 12.-
14. stilltir svalir dagar. Þann 15. komst
hiti í 9 stig. Gæsirnar komnar. Vorblíðir
dagar 16.-17. Þann 17. apríl heyrði ég
hér heima á Kagaðarhóli í lóunni.
Áfram vorblíða 18.-19. og í stelknum
heyrði ég þann 19. og hrossagauknum
þann 20. Aðfaranótt 21. frysti og rak
inn þoku að kvöldi 22. Suddaþoka
heim að bæ 23. Sá mest 6 stiga hita og
suddaði úr þokunni. Glaðasólskin að
morgni þess 24. Laxárvatn enn ísilagt
en stafaði í suðurhluta Hafratjarnar
sem auður var orðinn. Skaflinn hér
heima á hólnum hvarf 23. Kafskýjað,
logn en fremur svalt þann 25.
Dapurlega næðingssamt og kalt 26.
Frost 4 stig að morgni 27. en lygnara.
„Nokkur sýnishorn af veðri í dag“ hef
ég skrifað 28. Norðannepja þann 29.
Grátt í rót 30. Tók þó upp föl
næturinnar. En kalt var og næð-
ingssamt, sá mest tveggja stiga hita.
Maí.
Glaðasólskin að morgni fyrsta en
svöl var norðangolan. Hámarkshiti
dagsins 6 stig. Frostnótt, mildara 2.
Dýrðar góðviðrisdagur sá þriðji. Hiti
18 stig. Maríuerlan kom. Mildur
regndagur og sunnangola þann fjórða.
Laxárvatn orðið autt. Glaðasólskin og
skyggni gott á Vatnsnes og Strandir
þann fimmta. Góðviðri, rigndi drjúgt
síðdegis sjötta, hiti 9 stig. Sunnangola,
hlýtt og skyggni gott á Strandir þann
sjöunda. Krían kom. Enn góðviðri
áttunda. Gróðri fór vel fram. Kólnaði
um kvöldið. Svalara þann níunda,
gránað hafði í fjöll um nóttina. Hvítt
út að líta að morgni tíunda. Vatnsnes
hvítt til sjávar. En ég sá steindepilinn.
Logn og þoka heim að bæ um kvöldið.
Hámarkshiti dagsins 7 stig. Hiti komst
í 9 stig þann ellefta, þó ekki sæi til
sólar og rigndi. Ljúfir vordagar 12.-
15. Hiti komst í 19 stig þann 13. Milt
gróðrarveður 16.-18. Rigning nær
allan daginn þann 19. og 10 stiga hiti.
Bjart til Stranda. Lognvært kvöld.
Algjör sveppur. Ljósm.: Páll Ingþór.