Lögmannablaðið - 01.12.2005, Blaðsíða 26

26 < LÖGMANNABLAÐIÐ – 4 / 2005
LÖGMANNABLAÐIÐ ER 10 ára um
þessar mundir. Af því tilefni hefur
verið ráðist í að breyta útliti blaðsins,
gera það stærra og enn glæsilegra.
Blaðið gegnir mikilvægu hlutverki
meðal lögmanna. Það þjónar í raun
þrenns konar tilgangi: Vera upp-
lýsingamiðill til lögmanna um mál-
efni sem þeim tengjast, sinnir fræði-
legu hlutverki og hefur skemmtigildi.
Það hefur nokkuð borið á því að
lögmenn séu tregir til að koma með
efni í blaðið. Eflaust má þar um
kenna hinni margnotuðu afsökun,
annríki eða jafnvel ímynduðu annríki
sem er enn verri tegund af afsökun,
en þó meira notuð en hin fyrrnefnda.
Ég tel að það sem þó helst haldi
aftur af mönnum í þessu sambandi
sé að þeir telji sig ekki búa yfir nógu
fræðilegu eða merkilegu efni til að
birta í slíku fagtímariti. Ef þetta er
ástæðan fyrir ritleti lögmanna þá er
hún byggð á miklum misskilningi um
tilgang blaðsins. Blaðið er og á að
vera léttara lesefni en t.d. Tímarit
lögfræðinga, Lögrétta og Úlfljótur
sem öll eru hefðbundin fræðitímarit
á sviði lögfræði. Greinar sem birtast
í blaðinu eru ekki fræðigreinar í þeim
skilningi auk þess sem mikilvægt er
að í blaðinu sé efni sem einmitt er
ekki djúpar fræðilegar pælingar
heldur t.d. umfjöllun um áhugamál
þess er ritar, ferðalögur, aðrar lífs-
reynslusögur eða hreinn skáld-
skapur. Með því verður blaðið enn
skemmtilegra lesefni án þess að
glata mikilvægi sínu sem fagtímarit
fyrir lögmenn.
Ég hef lengi haft þá skoðun að
fleiri en lögmenn eigi að vera mjög
metnaðarfullir í þessari útgáfu sinni.
Auka tíðnina á útkomu blaðsins og
fiska eftir efni frá lögfræðingum í
öðrum starfsstéttum til birtingar í
blaðinu. Starf lögmanna tengist
oftar en ekki störfum lögfræðinga
sem starfa hjá hinum ýmsu stofn-
unum ríkisins, ráðuneytum o.fl. Efni
frá þessu fólki á fullt erindi í Lög-
mannablaðið og er til þess fallið að
gera blaðið gagnlegra fyrir lögmenn.
Ég hvet lögmenn til að stíga upp
úr ímyndaða annríkinu eða hinu
raunverulega og vera ófeimna við að
senda blaðinu efni eða gera tillögur
til ritnefndar um efni sem getur gert
blaðið enn gagnlegra og skemmti-
legra rit. Þar liggja hagsmunir okkar
allra.
Pistill formanns
Helgi Jóhannesson hrl.