Fréttablaðið - 06.11.2014, Side 76

6. nóvember 2014 FIMMTUDAGUR| LÍFIÐ | 60
„Já, við völdum þessa dagsetningu því hún er svo
töff,“ segir leikstjórinn Silja Hauksdóttir á léttum
nótum. Hún leikstýrir Áramóta skaupinu í ár en tökur
á því hefjast þann 11. nóvember næstkomandi, eða
11.11. Silja segir að tökur standi yfir í rétt rúmlega
þrjár vikur.
„Svo eigum við inni viðbragðstíma þegar nær dregur
ef eitthvað svakalegt gerist,“ segir hún og bætir við að
tökur fari mest megnis fram á höfuðborgarsvæðinu.
Byrjað er að auglýsa eftir aukaleikurum í skaup-
ið og geta þeir sem hafa áhuga haft samband við
umboðsskrifstofuna Snyrtilegur klæðnaður. Óskað
er eftir fólki á öllum aldri og er tímakaupið fimmtán
hundruð krónur. Tökudagar fyrir aukaleikara í skaup-
inu geta orðið allt að sjö klukkustunda langir, sem
þýðir 10.500 krónur í dagslaun. Er það talsvert hærra
en gengur og gerist fyrir aukaleikara sem fá vanalega
í kringum fimm þúsund krónur fyrir daginn.
Silja segir að talsverðan fjölda aukaleikara þurfi í
stöku senur í skaupinu en um aðalleikarana getur hún
lítið sagt.„Þetta er stór og föngulegur hópur gaman-
leikara sem hefur getið sér gott orð í gamanleik og er
í þekktari kantinum, með mikla reynslu. Þetta verður
kynngimagnað skaup.“ - lkg
Aukaleikarar græða á skaupinu
Tökur á Áramótaskaupinu hefj ast 11. nóvember. Auglýst er eft ir aukaleikurum.
ÞÖGUL SEM GRÖFIN Silja getur lítið sagt um skaupið.
FRÉTTABLAÐIÐ/ANTON
prósentum
landsmanna
fannst skaupið í fyrra
gott.
81,3 prósentum landsmanna
fannst það slakt.
* Tölur úr könnun MMR
9
„Mér þykir rosa vænt um eina mynd
sem heitir Limelight eftir Charlie
Chaplin.“
Alma Mjöll Ólafsdóttir skáld.
BÍÓMYNDIN
„Framsóknarmenn eru mér
mikið hugleiknir,“ segir Snorri
Ásmundsson myndlistarmað-
ur sem opnar sýninguna Fram-
sóknarmaðurinn í Betra veður
Window Gallery á Laugavegi 41
á morgun.
Snorri opnar sýninguna með
gjörningi klukkan 17 en hann vill
ekki gefa of mikið upp um inni-
haldið. „Mér finnst áhugavert
hversu margir kusu þá en þeir
eru alltaf einhvers staðar í leyni,
því ég veit ekki um neinn nema
þennan Óla Palla [Ólaf Pál Gunn-
arsson] sem hefur kosið Fram-
sókn,“ segir Snorri, sem stofnaði
flokkinn Vinstri hægri snú fyrir
borgarstjórnarkosningarnar
2002 og bauð sig fram í embætti
til forseta 2004.
„Ég man þegar ég bauð mig
fram í seinni kosningunum, þá
var ég svolítið að leggja Fram-
sókn í einelti en það er rosalega
erfitt að gera það ekki. Það er
einhver satanísk orka í kringum
þá. Þetta er ekkert rosalega kær-
leiksrík orka, meira svona gjör-
spillt, eins og sjúkdómur.“
Hann opnar síðan aðra mynd-
listarsýningu í dag klukkan 17.30
í Galleríi Bakaríi, sem nefnist
Gyðjurnar. „Þetta eru glæný mál-
verk af rómverskum og norræn-
um gyðjum en fyrirmyndirnar
eru þokkadísir úr íslenskum og
amerískum afþreyingarveru-
leika,“ segir Snorri, sem heldur
til Los Angeles eftir helgi þar
sem hann mun vinna að listinni
í nokkra mánuði. - þij
„Satanísk orka í kringum Framsókn“
Snorri Ásmundsson opnar tvær myndlistarsýningar í dag. Heldur síðan til LA.
SNORRI ÁSMUNDSSON Þekkir engan
nema Óla Palla sem kaus Framsókn.
FRÉTTABLAÐIÐ/ERNIR
Sigríður Eir Zophoníasdóttir,
söngkona og gítarleikari, hefur
í nægu að snúast þessa dagana
því auk tónleikahalds gengur
hún með sitt fyrsta barn og er
komin rúma 8 mánuði á leið.
Sigríður Eir skipar ásamt
Völu Höskuldsdóttur Hljóm-
sveitina Evu sem spilar á þrem-
ur utandagskrár-viðburðum á
Airwaves-hátíðinni sem fram
fer í vikunni og gaf á dögunum
út sína fyrstu plötu, „Nóg til
frammi“.
Hljómsveitin Eva stefnir á að
halda jólatónleika í Fríkirkjunni
viku fyrir settan dag. „Stúlkan
sem ég geng með er rosa glöð
með þetta
og sparkar
alveg á fullu
þegar ég er
að spila. Það
myndast ein-
hver titring-
ur í legvatn-
inu þegar ég
spila á gítar-
inn. Ég hef
ákveðið að
túlka spörkin
sem ánægju frekar en mót-
mæli,“ segir Sigríður Eir hress
í bragði en hún hefur þurft að
laga spilamennskuna að auknu
umfangi óléttubumbunnar og
spilar því með gítarinn aðeins
út á hlið. Sigríður Eir segir lítið
stress fylgja tónleikunum þrátt
fyrir að þeir séu á dagskrá svo
stuttu fyrir settan dag: „Það
munu allir skilja það ef tón-
leikarnir frestast vegna barns-
burðar. Ég vona bara að ég verði
ekki alveg að springa þegar það
kemur að þessu. Við seljum enga
miða í forsölu svo það verður
enginn fyrir brjáluðum von-
brigðum.“ gydaloa@frettabladid.is
Túlkar hvert spark úr
bumbu sem ánægju
Spilar með gítarinn út á hlið og stefnir á jólatónleika viku fyrir settan dag.
ENGIR MIÐAR Í FORSÖLU Sigríður Eir segir að allir muni skilja ef tónleikarnir
frestast vegna barnsburðar.
Hljómsveitin Eva gaf á dögunum út sína fyrstu plötu, „Nóg til frammi“, og
heldur af því tilefni útgáfutónleika 13. nóvember á Café Rósenberg. Platan
var tekin upp í Berufirði á bænum Karlsstöðum en fjármögnun hennar fór
að miklu leyti fram í gegnum hópfjármögnunarsíðuna Karolina Fund.
Tók plötuna upp í Berufirði
Það
myndast
einhver
titringur í
legvatninu
þegar ég
spila á
gítarinn.