Fréttablaðið - 20.12.2014, Qupperneq 104

20. desember 2014 LAUGARDAGUR| HELGIN TÆKNI | 76
FLIPBOARD
Ég les helst erlendar fréttir í þessu frábæra
forriti. Byrja alla daga á að renna í gegnum
samantekt viðskiptafrétta úr hinum ýmsu
áttum.
LEGGJA.IS
App sem auðveldar mér lífið og minnkar vesen.
Engar fleiri sektir!
ÍSLANDSBANKAAPPIÐ
Nú eru verðbréfayfirlit komin inn í appið og
vonandi styttist í að við getum átt þar viðskipti.
Er alveg hættur að nota heimabanka.
ÜBER
Über mun vonandi taka við af leigubílum
hér á Íslandi, eins og það hefur gert í
borgum á borð við San Francisco. Hef
appið klárt þegar þar að kemur.
Björn Berg
Gunnarsson
deildarstjóri
fræðslu- og
viðskipta-
þróunar VÍB
WHITE NOICE BABY
Draumur nýbakaðra foreldra. Hljóðin úr
appinu hafa mjög róandi áhrif á organdi
börn. Hef ekki prófað það á fullorðna.
PLEX
Með Plex get ég horft á efni úr tölvunni
minni í símanum, á spjaldtölvunni og í
sjónvörpunum á heimilinu. Verður spenn-
andi að sjá hvort það rati á Google glass.
SPOTIFY
Eina áskriftin mín fyrir utan internet og
RÚV. Nota heima, í bílnum og í vinnunni.
SOUNDHOUND
Forrit sem svarar spurningunum „hvað
heitir þetta lag aftur?“ og „hver á aftur
þetta lag?“. Hef ratað á fjölda góðra diska
og hljómsveita með notkun forritsins.
10 ÓRÍON
NASA skaut nýju farartæki út í geim,
í fyrsta skipti í 33 ár. Tilraunaflug
Óríon er neistinn sem mun vekja
geimferðaáætlun Bandaríkjanna úr
dvala. Óríón náði 5.790 km hæð og
fór tvívegis umhverfis jörðina. Hylkið
braut sér leið í gegnum lofthjúpinn
á 32 þúsund km/klst. og allt fór vel.
Óríon er lykillinn að mönnuðum
ferðum til Mars.
9 LOFTSLAGSBREYTINGAR
Milliríkjanefnd SÞ um lofts-
lagsbreytingar batt endahnút
á yfirlit sitt yfir stöðu loftslags-
breytinga. Niðurstaðan: Við
berum sökina og vandamálið er
að versna. Samningur Banda-
ríkjanna og Kína um að draga úr
losun gróðurhúsalofttegunda er
umhverfisfrétt ársins þar sem
löndin skuldbinda sig til draga úr
losun um tugi prósenta á næstu
30 árum.
8 VATN Á ENCELADUS
Vísindamenn tilkynntu að vatn í
vökvaformi væri að finna undir
íshellunni á tunglinu Enceladus
sem er á braut um Satúrnus.
Með uppgötvun yfir eitt þúsund
fjarreikistjarna í hundraða
ljósára fjarlægð verða líkurnar
á að líf leynist víðar sífellt betri.
Uppgötvunin á Enceladus gæti
þýtt að við þyrftum ekki að
ferðast órafjarlægðir til að finna
nágranna okkar, mögulega eru
þeir í bakgarði okkar.
7 HOLUHRAUN
Eldgosið í Holuhrauni er einstakt
á heimsvísu. Svo mikið af hrauni
hefur ekki komið upp í 230 ár og
gosið er í raun það stærsta sem
sést hefur síðan á 18. öld. Eld-
fjallafræðingar segja að eldvirknin
við eldfjallið sé óþekkt í vísinda-
sögunni og það mun taka næstu
ár að vinna úr þeim gögnum sem
vísindamenn hafa safnað.
6 GEIMKÚREKAR Í
VANDRÆÐUM
Einkaaðilar í geimgeiranum
áttu erfitt ár. Mannlaus eldflaug
Orbital Sciences sprakk í tætlur
stuttu eftir flugtak og í október
lést flugmaður Virgin Galactic
þegar tilraunaferja fyrirtækisins
hrapaði í flugi yfir Mojave-eyði-
mörkinni. Þetta er fyrirsjáanlegur
fórnarkostnaður geimkönnunar.
Vonandi verða fjárfestar skiln-
ingsríkari en eldflaugafræðin.
5 DREADNOUGHTUS
Vísindamenn í Argentínu fundu
steingerðar leifar risaeðlu sem
er talin vera stærsta landdýr
jarðar. Risaeðlan var nefnd
Dreadnoughtus. Hún var 65 tonn
(12 afríkufílar) og 26 metrar að
lengd. Dreadnoughtus var uppi
fyrir 77 milljónum ára, át gras og
óttaðist ekkert.
4 METAN OG VATN Á MARS
Könnunarfarið Curiosity sem nú
rúntar um á Mars fann ævafornt
vatn í berglögum rauðu plánet-
unnar ásamt metani og flóknum
lífrænum sameindum. Þar með
hefur verið staðfest að Mars
hefur að geyma þrjár forsendur
lífs: orkugjafa, vatn og lífræn
efni. Áfram Curiosity!
3 ÓÐAÞENSLA, EÐA HVAÐ?
Þetta átti að vera merkilegasta
uppgötvun vísindasögunnar.
Vísindamenn að störfum á
Suðurpólnum tilkynntu kaldir
að þyngdarbylgjur sem mynduð-
ust örfáum sekúndum eftir
Miklahvell hefðu loks fundist.
Óðaþensluskeiðið var staðreynd
— þangað til að vísindamenn
fóru að rýna í gögnin. Eitthvað
vantaði og við höfum ekki
enn fengið botn í málið. Hin
vísindalega aðferð að verki.
2 EBÓLA
Ónæmiskerfi mannsins hefur
ekki roð við ebólu. Faraldurinn
hefur kostað tæplega 7 þúsund
manns lífið. Veirufræðingar hafa
lagt allt kapp á þróa bóluefni. Við
höfum svipt hulunni af stórkost-
legum líffræðilegum eiginleikum
veirunnar. Núna getum við loks
boðið smituðum upp á sérsniðna
meðferð, hingað til höfum við
í raun ekki getað boðið upp á
annað en sýklalyfjakokteil.
1 STEFNUMÓT ALDARINNAR
Í nóvember rann stóra stundin
upp þegar könnunarfarið Philae
lenti á yfirborði halastjörn-
unnar 67P eftir 6,4 milljarða km
ferðalag. Verkefnið er flóknasta
geimævintýri mannkyns en
farinu var skotið á loft fyrir ára-
tug. Philae, sem nú sefur værum
blundi á 67P, náði að senda gögn
til jarðar. Núna vitum við að
flókin lífræn efni er að finna á
halastjörnum ásamt vatni. Hver
veit nema halastjörnur hafi sáð
fræjum lífs hér á jörðinni.
UPPÁHALDS
ÖPPIN8
Kjartan Hreinn Njálsson
kjartanh@365.is
3G 9:41 AM
Airwatch SCL Instagram
Leggja.is Flipboard White noice baby Plex
FlipboardSpotify
GTA V ★★★★★
XBOX ONE SPENNA
GTA V var líklega besti leikur
síðustu kynslóðar leikjatölva og
sá vinsælasti. Uppfærð útgáfa af
leiknum fyrir Xbox One og PS4 er
einfaldlega flottari, betri í alla staði.
Þetta er þrekvirki framleiðandans
Rockstar sem virðist ekki geta tekið
rangar ákvarðanir.
Söguheimurinn er stórborgin Los
Santos, einskonar skuggaútgáfa
Los Angeles, þar sem spilarinn
leiðir söguhetjurnar þrjár í gegnum
hrottalega undirheima þar sem
markmiðið er að tryggja sér næsta
stóra rán.
Grafíkin hefur nánast verið
uppfærð frá grunni og munurinn á
gömlu og nýju útgáfunni er gríðar-
legur. Aukaefnið frá fyrri kynslóð
fylgir með leiknum og spilarar sem
snúa aftur fá sitthvað fyrir sinn
snúð.
Útgáfan leyfir spilurum einnig
að takast á við handahófskenndan
og blóðugan heim Los Santos í 1.
persónu. Þetta er stórkostleg upp-
lifun en vinnur á köflum gegn því
sem GTA V snýst um. Sjónarhornið
er takmarkandi og persónurnar
verða ekki jafn áberandi. Þetta er
minniháttar vandamál.
Netspilunin hefur einnig verið
tekin í gegn og virkar afar vel. Bólar
ekkert á Heist-fídusnum reyndar.
Í heild sinni er GTA V fyrir nýju
kynslóðina glæsilegt afrek. Eitthvað
sem verður líklega aldrei endur-
tekið. - khn
Kynslóðabilið brúað
AFREK GTA V er líklega besti leikur
síðustu kynslóðar leikjatölva og sá
vinsælasti.
2014 ÁRIÐ Í VÍSINDUM
Afrek vísindamanna voru fjölbreytt á árinu. Á ýmsum sviðum tóku þeir höndum saman, á öðrum
tókust þeir á. 2014 var ár framfara en við sáum vísindamenn einnig gera það sem þeir gera svo
vel, að horfast í augu við óvæntar breytur og vonbrigði. Hér er það helsta í vísindum á árinu.
ÁRIÐ 2014 Í VÍSINDUM Geimfar lenti á halastjörnu í nóvember sem var flóknasta geimævintýri mannkyns. Nú er vitað að
flókin lífræn efni er að finna á halastjörnum ásamt vatni í föstu formi.