Dagblaðið Vísir - DV - 04.01.2013, Blaðsíða 19

Erlent 19Helgarblað 4.–6. janúar 2013
Bílaverkstæði
Varahlutaverslun
Smurstöð
Dekkjaverkstæði
Bremsur,
spindilkúlur,
stýrisendar,
o.fl., o.fl.
Allar gerðir
bætiefna fyrir
vél, drif
og gírkassa
www.bilaattan.is
Allt á einum stað
Gjafmildir auðmenn
n Warren Buffett gefur mest til góðgerðamála n Ekki verið meira gefið síðan árið 2008
B
andarískir milljarðamær-
ingar voru duglegri árið 2012
en mörg undanfarin ár við
að gefa fé til góðgerðamála.
Bandaríska blaðið Forbes
fjallaði um gjafir auðmanna til góð-
gerðamála á liðnu ári á dögunum en
upplýsingarnar voru teknar saman af
bandaríska tímaritinu The Chronicle
of Philanthropy. Samanlögð upphæð
fimmtán stærstu einstöku gjafanna í
fyrra nam 3,09 milljörðum dala, upp-
hæð sem samsvarar 392 milljörðum
króna á núverandi gengi. Samanlögð
upphæð fimmtán stærstu gjafanna
hefur ekki verið hærri síðan árið 2008
þegar upphæðin nam átta milljörðum
dala, eða rétt rúmlega þúsund millj-
örðum króna á núverandi gengi.
Buffet gefur mest
Auðjöfurinn Warren Buffett, sem
var þriðji ríkasti maður heims á lista
Forbes í fyrra, er duglegastur allra við
að gefa fé til góðgerðamála. Í ágúst síð-
astliðnum, sama dag og hann fagnaði
82 ára afmæli sínu, hét hann því að
leggja 3,09 milljarða dala í þrjá góð-
gerðasjóði sem eru í eigu fjölskyldu
hans. Í viðtali við Forbes bendir Stacy
Palmer, ritstjóri The Chronicle of
Philanthropy, réttilega á að heildar-
upphæðin væri mun minni ef ekki
væri fyrir gjafmildi Buffetts. „Ef þú
tækir frá upphæðina sem Buffett gaf
er heildarupphæðin minni en í fyrra,“
segir Palmer en heildarupphæðin árið
2011 nam 2,6 milljörðum dala, eða 330
milljörðum króna.
Milljarðar í rannsóknir
Fleiri þekktir auðmenn gáfu rausnar-
lega til góðgerðamála á liðnu ári. Mark
Zuckerberg, stofnandi Facebook,
lét 500 milljónir dala, 63,5 milljarða
króna, renna í Silicon Valley Comm-
unity-góðgerðasjóðinn á nýliðnu ári
en óvíst er hvernig sjóðurinn mun nota
upphæðina. Þá lét fasteignamógúllinn
Mortimer Zuckerman 200 milljón-
ir dala renna í sjóð Columbia-háskól-
ans sem notaður er í heilarannsóknir.
Annar aðili sem lætur sig rannsókn-
ir á mannsheilanum varða er Íslands-
vinurinn og meðstofnandi Microsoft,
Paul Allen, sem lét 300 milljónir dala
renna í heilarannsóknarsjóð sem
hann stofnaði í eigin nafni. n
1 Warren BuffettUpphæð: 3,09 milljarðar
dala, 392 milljarðar króna
Peningarnir runnu í þrjá góðgerðasjóði í eigu
fjölskyldu Buffetts.
2 Mark ZuckerbergUpphæð: 498 milljónir
dala, 63,5 milljarðar króna
Peningarnir fóru í Silicon Valley
Community-sjóðinn sem ætlaður er í
mennta- og heilbrigðiskerfið.
3 Paul AllenUpphæð: 300 milljónir
dala, 38 milljarðar króna
Peningarnir renna í sjóð til rann-
sókna á mannsheilanum, Allen Institute for
Brain Science.
4 Mortimer ZuckermanUpphæð: 200 milljónir
dala, 25,4 milljarðar króna
Runnu í sjóð til rannsókna á mannsheil-
anum, Columbia University's Mind Brain
Behaviour Institute.
5 Fred FieldsUpphæð: 150 milljónir
dala, 19 milljarðar króna
Peningarnir runnu í Oregon Communty-
sjóðinn sem ætlaður er til að auka veg
menntunar og lista.
6 Carl IcahnUpphæð: 150 milljónir
dala, 19 milljarðar króna
Peningarnir runnu til læknadeildar Mount
Sinai-skólans og eru ætlaðir til rannsókna.
7 David GundlachUpphæð: 140 milljónir
dala, 17,7 milljarðar króna
Peningarnir runnu í Elkhart County-sam-
félagssjóðinn.
8 Phil KnightUpphæð: 125 milljónir
dala, 15,8 milljarðar króna
Peningarnir runnu í Heilsu- og vísinda-
háskólann í Oregon og eru ætlaðir til
hjartarannsókna.
9 Michael Moritz og Harriet Heyman
Upphæð: 116,4 milljónir dala,
14,8 milljarðar króna
Peningarnir runnu til Oxford-háskóla og
fara í styrki fyrir afreksnemendur.
10 David GeffenUpphæð: 100 milljónir
dala, 12,7 milljarðar króna
Peningarnir runnu til læknadeildar
Kaliforníu-háskóla og fara í styrki fyrir
nemendur.
10 stærstu gjafirnarEinar Þór Sigurðssonblaðamaður skrifar einar@dv.is
„Ef þú
tækir frá
upphæðina sem
Buffett gaf er
heildarupphæðin
minni en í fyrra