Víkurfréttir - 15.12.2011, Blaðsíða 12

12 FIMMTudagurInn 15. dESEMbEr 2011 • VÍKURFRÉTTIR
JÓLA HVAÐ?
vf.is
Fyrstu jólaminningarnar?
Ég fékk töluvert af jólapökkum
þegar ég var lítil og ein jólin man
ég eftir að frændi minn kom með
töluvert „stóran pakka“, ég byrja
á því að taka hann upp og það
er pappír og pappír og svo koma
hvatningarorð t.d. „Leitið og þér
munuð finna“ og ég var orðin
mjög vonsvikin og svolítið súr
víst, en hélt áfram og á endanum
kom gjöfin, fallegir fingravett-
lingar og lítil falleg næla.
Jólahefðir hjá þér?
Ég er mikið jólabarn og hefðirnar
hafa alltaf verið miklar hjá okkur
en hafa aðeins breyst í tímanna
rás, fyrst voru þær tengdar mínum
foreldrum og tengdaforeldrum, en
undanfarin 20 ár, þá byrjar þetta
hjá fjölskyldunni með jólaföndri
í endann nóvember (alltaf sem
næst afmæli húsmóðurinnar!). Á
Þorláksmessu koma allir í skötu til
mín. Síðustu ár höfum við borðað
með fjölskyldu dóttur okkar og
ég geri það áfram. Seinna á að-
fangadagskvöld er farið til fjöl-
skyldu sonanna sem búa hér á
Suðurnesjum, á jóladag er farið
til fjölskyldunnar á Seltjarnar-
nesi. Annan jóladag koma börn,
tengdabörn og barnabörn til mín.
Á gamlársdag kemur svo stór-
fjölskyldan saman hjá mér, við
kveðjum árið og fögnum nýju með
mat og drykk, hópumst saman
fyrir framan sjónvarpið og horfum
á Áramótaskaupið og skjótum
svo upp flugeldum sem keyptir
eru hjá Björgunarsveitunum.
Ertu dugleg í eldhúsinu
yfir hátíðirnar?
Já ég myndi segja það og ég hef
gaman af að fá fólk í mat. Spenn-
andi að lokka fram girnilega rétti.
Uppáhalds jólamyndin?
Ég fer mjög lítið í bíó, en það
myndband sem er í uppáhaldi
hjá mér og var mikið spilað hér
á árum áður og sat ég oft með
barnabörnunum og horfði á,
er Jólaósk Önnu Bellu, klass-
ísk jólamynd um ósíngjarna
gjafmildi og sanna vináttu.
Uppáhalds jólatónlistin?
Ég spila mikið jólalög, íslensk
og erlend allt í bland og á mikið
af jóldiskum, undanfarin ár hef
ég farið mikið á tónleika eins
og Frostrósir, Björgvin Hall-
dórsson og á tónleika hjá KK og
Ellen. Í ár verður farið á afmælis-
tónleika Frostrósa í Hörpu og
Klassík Frostrósa og jólatónleika
Baggalúts, hlakka mikið til.
Hvar verslarðu jólagjafirnar?
Ég reyni að versla sem
mest hér heima.
Gefurðu mikið af jólagjöfum?
Ég gef stórfjölskyldunni
minni jólagjafir, börnum,
tengdabörnum, barnabörnum
og barnabarnabörnum en
þetta telur um 25 manns.
Ertu vanaföst um jólin, eitt-
hvað sem þú gerir alltaf?
Já svona frekar vanaföst en samt
hef ég góða aðlögunarfærni, það
er nú bara þannig að það er ekki
hægt að hafa allt eins og var og þá
þarf maður að hafa þá hæfni að
aðlaga sig breyttum aðstæðum.
En eitt hefur ekki breyst frá því
ég fór að búa fyrir 50 árum að ég
bý alltaf til sítrónubúðing sem
er eftirréttur og var alltaf á að-
fangadag en er núna á gamlársdag.
Besta jólagjöf sem þú
hefur fengið?
Þegar dóttir mín var skiptinemi í
Bandaríkjunum ein jólin þá sendi
hún okkur kasettu þar sem hún
hafði spilað á píanó lagið hans
Stevie Wonder, I just called to
say I love you, hugljúft lag sem
fengu tárin til að brjótast fram.
Hvað langar þig í jólagjöf?
Mig vantar nú ekki neitt, á svo
mikið. En að sjá fjölskylduna
sína glaða, ánægða og heilbrigða
það er svo dýrmætt og að fá gott
faðmlag, bros og vingjarnleg
orð það er besta jólagjöfin.
Hvað er í matinn á aðfangadag?
Það verður humar í forrétt,
og lambakjöt í aðalrétt og svo
er eftirréttur en ekki alltaf sá
sami en ég verð hjá fjölskyldu
dóttur minnar á aðfangadag.
Eftirminnilegustu jólin?
Þegar ég var 14 ára þá kom
rafmagn að Ásgarði, rétt fyrir
jólin 1957 þar sem ég bjó með
foreldrum mínum og föðurfor-
eldrum, og þá í fyrsta sinn var
keypt gervijólatré og rafmagns-
kertasería, þetta tré og þessi sería
fylgdi foreldrum mínum til fjölda
ára og alltaf gaman að rifja þetta
upp. En ég man hvað allt var mikið
bjart eftir að rafmagnið kom en
áður var bara lýst upp með olíu-
lömpum og varð frekar að spara
þessa lýsingu og ég man hvað
sótaði oft með þessum lömpum.
Soffía Ólafsdóttir, Reykjanesbæ
Að sjá fjölskylduna sína glaða, ánægða
og heilbrigða, það er svo dýrmætt
„Ég er mikið jólabarn og hefðirnar hafa alltaf verið miklar hjá okkur en hafa aðeins breyst í tímanna rás,
fyrst voru þær tengdar mínum foreldrum og tengdaforeldrum, en undanfarin 20 ár, þá byrjar þetta hjá fjöl-
skyldunni með jólaföndri í endann nóvember,“ segir Soffía Ólafsdóttir. Hún er fædd og uppalin í Garðinum
þar sem hún ól einnig upp stóran barnahóp með eiginmanni sínum, Sæmundi heitnum Klemenssyni. Fyrir
nokkrum árum flutti Soffía til Reykjanesbæjar þar sem hún ætlar að fá fjölskylduna til sín á Þorláksmessu í
árlega skötu.
Síðasta blað fyrir jól hjá Víkurfréttum kemur út nk. miðvikudag, 21. desember.
Skilafrestur auglýsinga er á mánudaginn, 19. desember.
Sími auglýsingadeildar er 421 0001
og póstfangið er gunnar@vf.is
Flott jólasýning hjá Sossu
Myndlistarkonan Sossa var með árlega jólasýningu í vinnustofu sinni í Keflavík um síðustu helgi. Þar sýndi hún nýjar myndir en
Sossa hefur verið með jólasýningu mörg undanfarin ár.
Árið hefur verið viðburðaríkt hjá
myndlistarkonunni en hún hefur
einnig haft vinnustofu í Kaup-
mannahöfn. Hún sýndi m.a. á
menningarnótt í Kaupmannahöfn
sl. haust.
Tónlistarmaðurinn og söngvarinn
Svavar Knútur tók lagið á sýning-
unni hjá Sossu og gerði það lista vel.
Fjöldi Suðurnesjamanna heimsóttu
Sossu um helgina og ljósmyndari
VF var einn þeirra og tók þessar
myndir við það tækifæri.