Víkurfréttir - 19.12.2013, Blaðsíða 2

fimmtudagurinn 19. desember 2013 • VÍKURFRÉTTIR2
Árni Sigfússon, bæjarstjóri o g o d d v i t i m e i r i h l u t a
Sjálfstæðismanna í bæjarstjórn
Reykjanesbæjar, ætlar að greina
frá ákvörðun sinni um áramótin,
hvort hann ætli að gefa kost á sér
áfram. Árni kom til Reykjanes-
bæjar árið 2000 og hefur verið
oddviti og bæjarstjóri í bráðum
þrjú kjörtímabil.
Vitað er að þrýstingur er á Árna
um halda áfram og klára eitt kjör-
tímabil í viðbót. Flestir bæjarfull-
trúar Sjálfstæðisflokksins hafa hug
á að bjóða fram krafta sína áfram
þó þeir hafi ekki allir ákveðið sig
endanlega. Ekki er vitað um mörg
ný nöfn nema Guðmund Péturs-
son sem m.a. hefur rekið fyrirtækið
ÍAV þjónustu. Mikil endurnýjun
varð á lista Sjálfstæðismanna við
síðustu kosningar þegar sjö af tíu
efstu á listanum voru nýir fulltrúar.
Nefnd á vegum Sjálfstæðisflokks-
ins hefur að undanförnu rætt við
bæjarfulltrúa. Á fundi fulltrúaráðs
16. jan. n.k. verður lagt fyrir fund-
inn hvort stilla eigi upp lista eða
efna til prófkjörs sem þá yrði haldið
í febrúar. Gefi Árni kost á sér áfram
og flestir núverandi bæjarfulltrúar
er jafnvel talið líklegt að stillt yrði
upp á lista. Samkvæmt skoðana-
könnun Morgunblaðsins í nóv-
ember myndi flokkurinn halda 6
mönnum af 7 og hreinum meiri-
hluta áfram í bæjarfélaginu, ef
kosið yrði í dag.
Barátta hjá Samfylkingu
Hjá Samfylkingunni hefur Friðjón
Einarsson gefið það út að hann ætli
að halda áfram en hann var efstur
á lista fyrir síðustu bæjarstjórnar-
kosningar. Heyrst hefur að Ey-
steinn Eyjólfsson sem skipað hefur
2. sæti flokksins í bæjarfélaginu
hafi áhuga á að bjóða sig í oddvita-
sætið. Hann sagði í samtali við VF
að hann væri ekki búinn að taka
ákvörðun en væri að velta því fyrir
sér. Þriðji bæjarfulltrúi flokksins,
Guðný Kristjánsdóttir er að hugsa
sinn gang.
Kristinn Jakobsson, oddviti og eini
bæjarfulltrúi Framsóknarflokksins,
mun líklega leiða listann áfram en
hann hefur óskað eftir því. Á fundi
Framsóknarfélags Reykjanesbæjar
í nóv. sl. var samþykkt að stilla upp
á lista.
Forráðamenn Vinstri Grænna
í Reykjanesbæ hafa sagt að þeir
muni ekki bjóða fram í vor. Ekki er
vitað um stöðu hjá Bjartri framtíð
og Pírötum sem fengu góða niður-
stöðu í skoðanakönnun nýlega en
hvorugt framboðið hefur boðið
áður fram í Reykjanesbæ.
-fréttir pósturu vf@vf.is
SÆLKERAVERZLUN
MEÐ KJÖT OG FISK
HÓLAGÖTU 15 // REYKJANESBÆ
WWW.SHIPOHOJ.IS
NÝ
VERZLUN
SKATAN ER KOMIN
990 KR/KG
n Bæjarstjórnarkosningar vorið 2014:
Árni undir feldi til áramóta
Bæjarstjórn Reykjanesbæjar samþykkti tillögu Umhverfis- og skipulagsráðs um
að gatnagerðargjöld verði lækkuð um 30%
á árinu 2014. Með lækkuninni verði stuðlað
að því að blása lífi í glæður byggingafram-
kvæmda í Reykjanesbæ á nýjan leik.
Frá því að ný gjaldskrá gatnagerðargjalda tók
gildi í Reykjanesbæ árið 2007 hefur byggingar-
vísitala hækkað um 61,5%. Gjöldin séu því orðin
verulega hár kostnaðarliður við nýbyggingu
húsa og íbúða og einn af ráðandi þáttum þegar
húsbyggjendur taka ákvörðun um staðsetningu.
Frá hruni hefur lítið gerst í nýbyggingu húsa
og íbúða en merki eru um betri horfur í þeim
efnum á næstunnni.
Lækkun gatnagerðargjalda mun ekki hafa áhrif
á fjárhagsáætlun Reykjanesbæjar fyrir árið 2014
að öðru leyti en því að auknar framkvæmdir
gætu skilað auknum tekjum fyrir bæjarfélagið.
-verður barátta um oddvitasæti Samfylkingarinnar?
Árni
Sigfússon
Friðjón
Einarsson
Eysteinn
Eyjólfsson
Kristinn
Jakobsson
Vilja blása lífi í byggingafram-
kvæmdir í Reykjanesbæ
ÞAKKIR TIL SNJÓ-
MOKTURSMANNA
Kona úr Innri-Njarðvík hringdi og vildi koma á framfæri þakklæti til aðila
sem sinnti snjómokstri í síðustu viku við
Akurbraut. Þegar snjóruðningstækin fara
um Akurbrautina lokast oft innkeyrslan
hjá konunni en þessi góði maður kom
aukaferð og hreinsaði frá innkeyrslunni.
Bæjarstjórn Reykjanesbæjar sam-þykkti á fundi sínum í vikunni að
selja 15% hlut bæjarins í HS Veitum
að verðmæti um 1,5 milljarð króna.
Fulltrúar Samfylkingarinnar greiddu
atkvæði á móti. Fulltrúi Framsóknar
greiddi atkvæði með ti l lögunni.
Reykjanesbær á 51% í HS Veitum eftir
þessa sölu.
Árni Sigfússon, bæjarstjóri sagði að þessir
peningar yrðu notaðir til að greiða niður
skuldir. Salan væri hagstæð fyrir Reykja-
nesbæ því áfram héldi hann meirihluta í
félaginu sem væri mikilvægt. Kaupandi
er fjárfestingafélagið Úrsus.
Fulltrúar Samfylkingar voru ósáttir við
þennan gjörning og bókuðu á bæjar-
stjórnarfundi s.l. þriðjudag að með söl-
unni á hlutnum fylgi hluthafasamkomu-
lag sem takmarka muni meirihlutavald
Reykjanesbæjar verulega. „Á undan-
förnum árum hefur hlutur Reykjanes-
bæjar í fyrirtækjunum HS-veitum og HS-
orku, fyrrum Hitaveitu Suðurnesja, farið
síminnkandi vegna sölustefnu meirihluta
sjálfstæðismanna í Reykjanesbæ. Mark-
visst hefur verið unnið að því að færa
þessi mikilvægu undirstöðufyrirtæki úr
almannaeigu í einkaeign.
Við erum nú, sem fyrr, mótfallin sölu
hlutar Reykjanesbæjar í HS-veitum og
greiðum atkvæði gegn fyrirliggjandi
kaupsamningi,“ segir í bókuninni.
Nokkur umræða varð á bæjarstjórnar-
fundinum um þetta mál þar sem fulltrúar
Samfylkingar fóru nokkuð mikinn í því
að bæjarfélagið myndi ekki halda sömu
völdum með þessari sölu því vald stjórnar
HS Veitna myndi færast yfir til hluthafa-
fundar. Böðvar Jónsson, forseti bæjar-
stjórnar, sagði þessa breytingu litlu skipta
og alls ekki vera takmörkun á valdi.
-heldur áfram 51% hlut í félaginu.
Minnihluti Samfylkingar á móti sölunni.
Segir söluna takmarka meirihlutavald bæjarins.
Reykjanesbær fær
1,5 milljarð fyrir sölu
á 15% hlut í HS Veitum
Frá bæjarstjórnarfundi í Reykjanesbæ á dögunum.
Blása á lífi í byggingaframkvæmdir með lækkun gatnagerðargjalda um 30% á árinu 2014.
Næsta blað fimmtudaginn 2. janúar 2014