Öldrun - 01.02.2003, Qupperneq 28

28 ÖLDRUN – 21. ÁRG. 1. TBL. 2003
Það geta komi upp aðstæður sem vekja upp sárar
og erfiðar minningar og er því nauðsynlegt að starfs-
maðurinn sé viðbúinn að bregðast við slíku.
Hann þarf einnig að hafa hæfni til að stjórna
hópnum og gæta þess að allir fái tækifæri til að tjá sig.
Minninga-
kveikjur
Eins og við vitum geta ýmsir hlutir og fyrirbæri úr
fortíðinni kallað fram gamlar minningar. Algengast er
að fram komi góðar og jákvæðar minningar, þótt hið
gagnstæða geti gerst.
Myndir, tónlist, lykt og ýmsir hlutir sem tengjast
tímabilum fyrr á ævinni vekja tilfinningar. Ólíkir hlutir
eins og mjólkurflöskur, hannyrðir, skóhlífar og mat-
reiðslubækur Helgu Sigurðar geta orðið uppspretta
mikilla og ákafra umræðna um liðna tíma.
Stundum er umfjöllunarefnið almenns eðlis t.d. lífs-
hættir fólks á fyrri hluta síðustu aldar; húsnæði, fatn-
aður, mataræði og kjör mismunandi þjóðfélagshópa á
ýmsum stöðum á landinu. Slíkar umræður geta verið
bæði fróðlegar og líflegar og leitt til ýmissa óvæntra
uppgötvana innan hópsins.
Stundum eru umfjöllunarefnin persónulegri, geta
snúist um uppvaxtarár, skólagöngu, fjölskylduhagi eða
merkileg tímamót á lífsferlinu.
Tilgangurinn
Minningahópar hafa reynst gagnlegir og gefandi
fyrir starfsfólk. Þeir auðvelda starfsmanninum að sjá
hinn aldraða sem einstakling sem á sína sögu, kynna
sér áhugamál hans og venjur og greina styrkleika
hans.
Þetta á við flesta og ekki síst þá sem eru með heila-
bilun. Algengt er að leitað sé til aðstandenda þeirra til
þess að fá upplýsingar. Það getur einnig verið gagnlegt
að vera vakandi gagnvart viðbrögðum sjúklinga með
heilabilun við ákveðnu áreiti eða aðstæðum t.a.m.
ýmsum „minningakveikjum“, þannig má fá vitneskju
um hvað hrærist innra með þeim. Þetta á ekki síst við
þegar sjúklingurinn getur ekki lengur tjáð sig með
orðum. Samskipti eru svo miklu meira en orð.
Tónlist
Gömul póstkort
Gamlar myndir
Gamlar fréttamyndir /myndbönd
Annálabækur
Föt
Lykt (t.d. eplalykt)
o.m.fl.
„Minningakveikjur“:
Auka sjálfsvirðingu
Efla sjálfsmynd
Bæta félagslega færni
Bæta samskipti
Bæta líðan
Helsti tilgangur er að: