Fréttablaðið - 05.03.2016, Blaðsíða 118

Við ætlum að töfra fram yfir-náttúrulegar verur á borð við álfa, tröll, skrímsli, vatnaverur og drauga með
tali og seiðandi tónum við kertaljós
í eins konar baðstofustemningu.“
Þannig lýsir Erla Björg Káradóttir
söngtónleikum sem hún og systir
hennar, Rannveig, halda í Vídalíns-
kirkju í Garðabæ á morgun, sunnu-
dag, klukkan 17. Þar ætla þær að flytja
lög eftir Sigvalda Kaldalóns, Sigurð
Þórðarson, Jón Ásgeirsson, Jórunni
Viðar, Clöru og Róbert Schumann,
Grieg, Duparc, Menotti, Gounod og
fleiri. Hrönn Þráinsdóttur leikur með
þeim á píanó.
„Við ákváðum að syngja eitthvað
sem okkur þætti skemmtilegt og
vorum búnar að velja óskalög, hvor
fyrir sig,“ segir Erla. „Ég veit ekki
hvernig það gerðist en allt í einu
vorum við komnar á kaf í bakgrunn-
inn á þessum lögum, sérstaklega systir
mín sem býr í London. Hún fann fal-
legar náttúrumyndir til að varpa upp
á vegg meðan við syngjum og segjum
sögur, enda tengist trúin á óræð öfl
yfirleitt náttúrunni.“
Auk þess að syngja um íslenska
álfa bregða þær systur sér til Svart-
fjallalands þar sem veiðimaður sér
undurfagra álfamey koma út úr kletti
og verður aldrei samur. Þær túlka sög-
una af Pétri Gaut eftir Ibsen sem bæði
Grieg og Hjálmar H. Ragnarsson hafa
gert tónlist við. Vatnaverur á borð
við Lórelei koma við sögu og meira
að segja Kölski. Erla kveðst ætla að
flytja aríu Steinunnar út Galdra-Lofti
eftir Jón Ásgeirsson sem mjög sjaldan
heyrist. Hún hlær að spurningunni
um hvort séra Jóna Hrönn viti af þessu
kölskadæmi. „Nei, þá hefðum við
örugglega ekki fengið inni í safnaðar-
heimilinu, þó við séum báðar fyrr-
verandi sunnudagaskólakennarar!“
Eftir að hafa útskrifast úr söng hér
heima segir Erla þær systur báðar
hafa haldið út í heim í framhalds-
nám, hún til Salzburg í Austurríki
og Rannveig til Ítalíu. „Ég er komin
heim og er virk í Íslensku óperunni
en Rannveig lauk MA-námi í London
og býr þar núna. Hún er bara í stuttu
stoppi hér heima, búin að krækja sér
í tenór þarna úti svo hún fer víst fljót-
lega aftur! En við erum sópransystur
og búnar að syngja saman frá því við
vorum litlar.“
Syngja um huldar verur við kertaljós
Söngysturnar Erla Björg og Rannveig Káradætur ásamt Hrönn Þráinsdóttur píanóleikara verða með
myndskreytta baðstofutónleika í safnaðarheimili Vídalínskirkju í Garðabæ á morgun.
Gunnþóra
Gunnarsdóttir
gun@frettabladid.is
Rannveig, Erla og Hrönn
hlakka til tónleikanna.
FRéttablaðið/ERniR
KviKmyndir
Son og Saul
HHHHH
leikstjóri: Lázló Nemés
Handrit: Lázló Nemés og Clara Royer
aðalhlutverk: Geza Röhrig, Levente
Molnár, Urs Rechn
Framandgerving er hugtak sem felst
í því að taka eitthvað hversdagslegt
eða kunnuglegt og gera það fram-
andi, sumir segja að í því felist eðli
listarinnar. Þ.e.a.s. að gera eitthvað
kunnuglegt framandi fái mann til
skilja það upp á nýtt og sjá það með
nýjum augum. Flestir hafa séð þó
nokkrar helfararmyndir og þykjast
eflaust vita allt um hana en núna er
komin ný mynd um helförina, Son
of Saul, sem tekst að setja nýjan
vinkil á helförina sem ekki hefur
beint sést áður.
Son of Saul segir frá manni að
nafni Saul (Geza Röhrig), ungversk-
um gyðingi í Auschwitz árið 1944.
Hann er einn af hinum svokölluðu
„Sonderkommandos“ sem voru
gyðingar, oftast sterkir karlmenn,
sem nasistarnir fengu til að sjá um
að reka fólkið inn í gasklefana og
sjá um líkin eftir á. Þeim var lofað
betri meðferð en voru auðvitað allir
drepnir á endanum. Við frágang á
líkum einn daginn tekur Sál eftir
ungum dreng sem hann telur vera
son sinn, og ákveður að sjá til þess
að hann fái almennilega greftrun að
gyðingasið. En það er auðvitað ekki
auðvelt að gera það í miðjum fanga-
búðum nasista.
Það sem gerir Son of Saul svona
sérstaka er sjónrænn stíll hennar
en í gegnum alla myndina fylgir
myndavélin Saul og eltir hann, flest
allt annað en allra nánasta umhverfi
hans er úr fókus og ramminn mjög
þröngur. Við sjáum Saul vel en fáum
frekar tilfinningu fyrir umhverfinu
en að sjá það. Öskur og köll heyr-
ast, byssuskot og fleira, en hörm-
ungarnar eru ekki sýndar beint. En
við heyrum nógu mikið til að vita
nákvæmlega hvað er í gangi.
Son of Saul er í flesta staði mögn-
uð mynd en það sem kemur í veg
fyrir að hún fái fullt hús stiga er
meginsagan sem drífur myndina.
Hugmyndin er áhugaverð og ekki
illa gerð en maður kaupir hana ein-
hvern veginn ekki alveg. Það er vilj-
andi gert svolítið óljóst hvað liggur
eiginlega að baki hvötum Sauls, af
hverju hann heldur að drengurinn
sé sonur hans og honum liggur svo
á að grafa hann að gyðingasið en
hegðun Sauls er ekki sérlega gáfu-
leg. Þarna finnur hann jú tilgang
í ömurleikanum því hann veit að
staða hans er vonlaus. En það er
samt eitthvað hæpið við þetta. Það
mætti líka segja að stíll myndarinn-
ar sé bæði kostur og galli við hana.
Að vera svona alveg ofan í einni
persónu í heila mynd tekur svolítið
á en vissulega á myndin að gera það.
Þetta er ekki skemmtiefni.
En að stærstu leyti er Son of Saul
afskaplega kraftmikil og hreinlega
mikilvæg mynd sem flestir ættu að
sjá. Kvikmyndagerðin er snilldar-
leg og hljóðvinnsla, sviðsetning,
leikur og leikstjórn gerast vart betri.
Myndin verður heldur aldrei lang-
dregin heldur er hún í fullri keyrslu
allan tímann, tökurnar eru langar og
maður tekur sjaldnast eftir því þegar
það er klippt. Myndin er hálfgerð
rússíbanareið en ansi óhugnanleg
sem slík. Það verður fróðlegt að
fylgjast með leikstjóranum Lazló
Nemes í framtíðinni.
atli Sigurjónsson
niðurStaða: Kraftmikil og mikilvæg
mynd sem sýnir helförina á nýjan hátt.
Meginsagan er ekki fullkomlega trú-
verðug en þetta er engu að síður afar
grípandi mynd og eiginlega skylduáhorf.
Rússíbanareið gegnum helförina
Úr kvikmyndinni Son og Saul eftir lázló
nemés en myndin er sýnd í bíó Paradís
um þessar mundir.
Hamraborg 6, 200 Kópavogi - s: 44 17 500
www.salurinn.is, salurinn@salurinn.is
Nýr tónleikasjóður Salarins auglýsir eftr umsóknum
fyrir veturinn 2016-17

Markmið sjóðsins er að stuðla að nýjungum í tónlistarlífi,
efla tónleikahlad í Salnum og gefa tónlistarmönnum færi á
að koma fram í einum best tónleikasal landsins. Sóst er eftir
tónlistar viðburðum af öllum stærðum og gerðum, svo sem í
klassík, poppi, pönki, jazzi eða annarri tónlistarstefnu.

Eftirfarandi þarf að fylgja umsókninni:
▶ Lýsing á verkefni, markmiðum þess og áherslum
▶ Kostnaðaráætlun
▶ Óskatími flytjenda
▶ Ferilsskrá þátttakenda
Umsóknir sendist á aino@salurinn.is merkt UMSÓKN 2016-17.
Valið er úr umsóknum og verður öllum svarað að því loknu.
Umsóknarfrestur er til og með 1. apríl 2016.
Viltu halda tónleika í Salnum?
TÓNLEIKASJÓÐUR
SALARINS
5 . m a r S 2 0 1 6 L a u G a r d a G u r66 m e n n i n G ∙ F r É t t a B L a ð i ð
menning
0
5
-0
3
-2
0
1
6
0
4
:3
4
F
B
1
3
6
s
_
P
1
3
5
K
.p
1
.p
d
f
F
B
1
3
6
s
_
P
1
1
8
K
.p
1
.p
d
f
F
B
1
3
6
s
_
P
0
0
2
K
.p
1
.p
d
f
F
B
1
3
6
s
_
P
0
1
9
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
8
A
E
-3
C
3
8
1
8
A
E
-3
A
F
C
1
8
A
E
-3
9
C
0
1
8
A
E
-3
8
8
4
2
7
5
X
4
0
0
.0
0
1
1
B

F
B
1
3
6
s
_
4
_
3
_
2
0
1
6
C
M
Y
K