Dagblaðið Vísir - DV - 14.11.2007, Qupperneq 17

DV Sport
MIÐVIKUDAGUR 14. NÓVEMBER 2007 17
í banni gegn Belgum 20. nóvember
sem er keppnisleikur.
Eggert Gunnþór Jónsson:
EINTÓM GLEÐI
Eggert Gunnþór Jónsson er nítján
ára leikmaður skoska liðsins Hearts.
Hann hefur spilað níu af þrettán
leikjum liðsins á tímabilinu, þar af
byrjað inn á í sjö þeirra.
Eggert Gunnþór sagði í samtali
við DV í gær að valið hefði komið sér
skemmtilega á óvart, þrátt fyrir að
hann hefði alltaf stefnt að þessu.
„Þetta er eintóm gleði og kom
bara skemmtilega á óvart. Ég var svo
sem ekkert að spá í þetta, þannig
séð. Að sjálfsögðu stefnir maður
alltaf á þetta. Ég hef verið að spila
mjög vel og kannski er það bara að
skila sér" sagði Eggert Gunnþór,
sem er ánægður með tímabilið hjá
Hearts hingað til.
„Ég get ekki annað en verið
ánægður. Ég virðist vera að festa
mig almennilega í sessi og það er
fínt," sagði Eggert Gunnþór og bætti
við að hann liti á landsliðssætið
sem góða reynslu og að hann
myndi reyna að sanna sig fyrir nýj-
um þjálfara.
„Þetta er í fyrsta skipti sem ég er
valinn í A-landslið, þannig að það
er ágætlega stórt skref í sjálfu sér.
Svo reynir maður bara að sanna
sig líka ef maður fær einhvern séns.
Maður verður bara að reyna að nýta
það þá," sagði Eggert Gunnþór, sem
hlakkar mikið til að æfa með A-
landsliðinu í fyrsta skipti.
„Ég get ekki beðið. Ég spila leik
Efnilegur EggertGunnþórJónsson
hefurfengið mikið hrós fyrir
ffammistöðu með Hearts á tímabilinu.
með undir 21 árs landsliðinu á
föstudaginn og hitti svo landsliðið.
Það er fínt að fá að spila þennan 21
árs landsleik og ég hlakka að sjálf-
sögðu til," sagði Eggert Gunnþór að
lokum.
Bjarni Þór Viðarsson:
HLÝT AÐ VERA AÐ GERA EITTHVAÐ RÉTT
Bjarni Þór Viðarsson hefur leikið
vel með varaliði Everton í vetur
og hefur verið að banka á dyrnar
hjá aðalliðinu að undanförnu.
Hann sagði að það væri mikill
heiður fyrir sig að vera valinn í
landsliðshópinn.
„Auðvitað kom þetta mér á
óvart. Ég er bara rosalega ánægður
með þetta. Ég erhiminlifandi. Þetta
er rosalega mikill heiður," sagði
Bjarni Þór og bætti við að kallið
hefði komið fyrr en hann hefði gert
sér vonir um.
„Ég átti kannski ekki von á þessu
strax en það er mjög skemmtilegt
að vera valinn. Sérstaklega í leik
á móti Dönum. Þannig að það er
bara gottsagði Bjarni Þór.
„Maður veit ekkert hvað gerist
en maður reynir bara að standa
Á eldri bróður í hópnum BjarniÞór
Viðarsson hittir fyrir bróður sinn,
Arnar Þór, í landsliðshópnum.
sig og sjá til hvað gerist. Vonandi
fær maður einhverjar nokkrar
mínútur," sagði Bjarni Þór, sem
hittir fyrir bróður sinn, Arnar
Þór, í landsliðshópnum, en þriðji
bróðirinn, Davíð Þór, var ekki
valinn í hópinn að þessu sinni.
„Hann á örugglega eftir að að-
stoða mig eitthvað. Það er vonandi.
Það er mjög gaman að hafa Arn-
ar þarna. Ég hef spilað með Davíð
áður í undir 21 árs landsliðinu. Það
væri gaman að spila með Arnari
líka," sagði Bjarni Þór, sem er sátt-
ur við leik sinn með varaliði Evert-
on í vetur.
„Það hefur gengið mjög vel. Ég
hef ekki fengið að spila neitt með
aðalliðinu. Ég vil auðvitað fá að
spila, þannig að ég verð að sjá til
hvað ég geri á nýju ári. Það þýðir
ekkert að hanga endalaust í vara-
liðinu.
Það er nóg af leikjum í desem-
ber og það er spurning hvað ger-
ist. Ég vonast bara til að fá einhver
tækifæri. En ég hlýt að vera að gera
eitthvað rétt," sagði Bjarni Þór.
Sverrir Garöarsson:
ÓLIVEIT FYRIR HVAÐ ÉG STEND
Landsliðsvalið alltaf umdeilt
íslenska liðið heldur út laugardag-
inn 17. nóvember. Liðið mun æfa
einu sinni á laugardeginum, tvisvar á
sunnudeginum og mánudeginum og
síðan ná einni æfingu á Parken dag-
inn fyrir leik.
„Við munum leggja áherslu á að
verjast vel. Leggja áherslu á það.
En það sem við munum líka leggja
áherslu á er að menn leggi sig fram,
hafi gaman af því sem þeir eru að
gera. Eiður Smári verður áfram fyrir-
liði liðsins. Hann er fyrirliði þessa liðs
og verður það áfram.
Auðvitað er og verður landslið-
sval alltaf umdeilt. Auðvitað er betra
ef menn spila en ég vel þá menn sem
ég tel hæfasta í hvert og eitt hlutverk.
Það er ekkert flóknara en það."
Vamartröllið Sverrir Garðarsson er
annar af tveimur leikmönnum sem
leika hér á landi sem vom valdir í
landsliðshóp Ólafs Jóhannessonar.
Hinn er Daði Lámsson, samherji
Sverris hjá FH.
„Ég valdi Sverri Garðarsson
sem er eini heimamaðurinn ásamt
Daða Lámssyni. Sverrir hefur verið
til reynslu víða og er í finni æflngu,"
sagði landsliðsþjálfarinn þegar
hann tilkynnti val sitt.
Sverrir segir að val Ólafs hafl
komið sér á óvart. „Þetta kom mér
pínu á óvart en ég hef æft vel og hef
í raun ekki tekið mér neitt frí síðan
tímabilinu lauk hér heima. Ég lít
bara á þetta sem jákvæðan hlut og
viðurkenningu fyrir það sem ég
gerði í sumar. Það er gaman að vera
í fyrsta landsliðshópi Óla en ef það
er einhver þjálfari sem hefur verið
gagnrýninn á mig og sagt mér til er
það Ólafur Jóhannesson. Ef hann
ákveður að nota mig veit hann
fyrir hvað ég stend." Sverrir var til
reynslu hjá Viking í Noregi og gamla
fslendingaliðinu Stoke eftir að
tímabilinu lauk hér á landi. Viking
vildi semja við hann og Stoke sýndi
mikinn áhuga.
„Mér leist vel á Stoke, þetta er
klúbbur með ágætis sögu og hefð.
Ég fann engan gríðarlega mildnn
mun á þessum félögum, munurinn
liggur kannski aðeins í kúlturnum.
Annars vom liðin með bolta, takka-
skó, grasvelli, keilur og mörkþannig
Harðjaxl SverrirGarðarsson hefur
einu sinni áður verið valinn í
landsliðshópinn en á enn eftir að spila
landsleik.
að munurinn var ekki svo mikill,"
sagði Sverrir.
Næstu leikir Barcelona munu skera úr um það hvort Frank Rijkaard heldur starfinu:
MOURINHO BARCELONA TIL BJARGAR?
Jose Mourinho er sterklega orð-
aður við þjálfarastarf hjá Barcelona
eftir að stuðningsmenn liðsins
komust að þeirri niðurstöðu með
miklum meirihluta í óformlegri
kosningu að Frank Rijkaard væri
ekki rétti maðurinn til þess að
stýra liðinu áfram. Jafnframt kom
fram sú ályktun að Mourinho væri
rétti maðurinn til þess að taka við
liðinu. 66 prósent stuðningsmanna
liðsins telja að Rijkaard sé ekki rétti
maðurinn til þess að breyta gengi
liðsins. Það er nokkuð athyglisvert
þar sem Mourinho var talinn
helsti óvinur Börsunga þegar
hann stýrði Chelsea gegn þeim í
Meistaradeildinni fyrir tveimur
árum.
Stuðningsmennirnir hafa
miklar áhyggjur af liðinu þar sem
Rijkaard virðist ekki geta náð upp
stemningu í leikmannahópnum
fyrir leiki liðsins. Sérstaklega veld-
ur útivallarformið áhyggjum því
Barcelona-menn hafaeinungis náð
6 stigum af 18 mögulegum það sem
af er leilctíðar og brátt koma erfiðir
leikir á útivelli gegn grönnunum í
Espanyol auk Valencia.
Hefð er fyrir því í Barcelona
að stuðningsmenn hafi mikið að
segja um það hver stýri liðinu
enda eru það stuðningsmennirnir
sem kjósa forseta félagsins.
í staðarblaðinu E1 Mundo Dep-
ortivo birtist í fyrirsögn: Semjum
við Mourinho og látum hin lið-
in í deildinni hræðast okkur á ný.
Sérstaklega er Rijkaard gagnrýnd-
ur fyrir að ná ekki nægilega góð-
um leik út úr Messi, Ronaldinho
og Henry sem margir telja með-
al allra bestu leikmanna í heimi. í
Þú ert að gera þetta allt vitlaust!
Mourinho er sterklega orðaður við
þjálfarastöðu Barcelona en Frank
Rijkaard þykir valtur í sessi.
síðasta leik gegn Getafer náðu þeir
félagar sín á milli aðeins einu skoti
á mark Getafe sem er ekki viðun-
andi að mati kröfuharðra stuðn-
ingsmanna. Messi og Ronaldhino
voru teknir af velli í síðari hálfleik
og Barcelona tapaði 0-2 sem þyk-
ir hin mesta hneisa á móti svo lágt
skrifuðum andstæðingum.
Margir telja að Mourinho sé til-
valinn sem eftirmaður Rijkaards,
agaður og skipulagður og ólíkur
núverandi þjálfara á flesta vegu.
Rijkaard finnur fyrir auknu álagi
og eftir síðasta leik gagnrýndi hann
leikmenn sína opinberlega í svo
til fyrsta skipti síðan hann kom til
liðsins. „Leikmenn sem eru fram-
arlega á vellinum hjá okkur þurfa
að vinna meira þegar við töpum
boltanum," segir Rijkaard.
vidar@dv.is
Barton segist saklaus
Villingurlnn og óþokkinn Joey Barton
segir engan ásetning hafa verið í
tæklingu sinni á Dickson Etuhu í
grannaslagnum
við Sunderland.
Enska
knattspyrnu-
sambandið
hefurákveðiðað
sleppa Barton
við refsingu sem
kemurtöluvertá
óvart enda
sparkaði Barton í
viðkvæman stað á Etuhu þegar boltinn
var viðs fjarri. Etuhu varð að vonum
brjálaður og elti Barton nánast alla leið
inn í klefa í hálfleik. Hins vegar segir
Barton að hann hafi einfaldlega verið
ryðgaður, þess vegna hafi hann ekki
hitt boltann og farið á heldur
viðkvæman stað.„Það varenginn ásetn-
ingur í þessu og alls ekki fyrirfram
ákveðið. Ef ég orsakaði einhver meiðsli
biðst ég afsökunar á því. Svona hlutir
gerast í grannaslögum. Þetta var aðeins
minn þriðji leikur og ég var pínu
ryðgaður."
Vefsíða tekur yfir
Ebbsfleet United hefur verið selt. Sú
fréttvekurkannski ekki mikla lukku en
kaupandinn er vefsíðan MyFoot-
ballClub.co.uk.
Þar með hefur
verið brotið blað
í fótboltaheimin-
um en í gegnum
þessa síðu hefur
almenningi verið
gefinn kosturá
að kaupa hlut í
fótboltaliði.
Tuttugu þúsund
manns hafa skráð sig á síðunni og hver
og einn borgað 35 pund til að taka þátt
í yfirtöku á fótboltaliði. Aðstandendur
síðunnar ákváðu síðan að það félag yrði
Ebbsfleet. Allir þeir sem skráðu sig
munu eiga jafnan hlut í félaginu.
Ebbsfleet er í níunda sæti í utandeild-
inni, sex stigum frá umspilssæti til að
komast í ensku deildarkeppnina.
Hughes fær nýjan samning
MarkHughes, stjóri Blackburn, skrifar
bráðlega undir nýjan samning. Einnig
munu helstu aðstoðarmenn hans fá
nýjan samning
semog
launahækkun.
Hughes mun
samkvæmtThe
Times fá hækkun
á laun sín sem
eru rétt undir
einni milljón
punda á ári upp í
1,5 milljónir
punda sem gerir hann að einum hæst
launaða stjóranum fyrir utan þá sem
stýra toppliðunum fjórum svokölluðu.
Hughes á tvö ár eftir af núverandi
samningi en ekki er langt síðan hann
varorðaður við stjórastöðu Newcastle.
Komnlr yfir Mourlnho
Joe Cole, leikmaður Chelsea, segir að
það spái enginn hjá félaginu lengur í
José Mourlnho. Hann sé farinn og nýr
stjóri tekinn við. Aðalatriðið sé að
einbeita sér að því sem fram undan er.
„Það er ekkert pláss fyrir viðkvæmni eða
tilfinningar um það sem var. Leikmenn
koma og fara og það gera stjórar og
þjálfarar líka. Menn verða bara að læra á
þetta og taka þessu. Aðalatriðið er að
halda sjálfum sér við efnið. Það er margt
búið að gerast hjá félaginu í ár. Fótbolti
er leikur sem aðeins horfir fram á við og
það skiptir máli. Enginn getur staðið
kyrr.Við höfum nýjan stjóra sem hefur
aðrar áherslur og við verðum að fara
eftir því. Ég er baráttumaður og vil
berjast fyrir mínu, fyrir mig og liðið. Fólk
hefur sagt við mig að ég spili vel og það
gleður mig," sagði Joe Cole.