Dagblaðið Vísir - DV - 05.03.2008, Side 38

38 MIÐVIKUDAGUR 5. MARS 2008
Noröurland DV
»
MINNAST
Benedikt Björgvinsson vinnur að upp-
setningu jarðskjálftaseturs á Kópaskeri.
STORA SKJALFTANS
„Hugmyndin byggist aðallega á
því að fyrir 30 árum var mikil skjáfta-
hrina á Kópaskeri," segir Benedikt
Björgvinsson, forstöðumaður jarð-
skjálftaseturs á Kópaskeri. „Skjálft-
arnir hófust í árslok 1975 og náðu
hámarki þegar skjálfti af stærðinni
6,2 á Richter reið yfir svæðið," segir
Benedikt en skjálftinn lifir enn sterkt
í manna minnum svæðinu.
Benediktsegirmarkmiðsetursinsað
tengja upplifim þeirra sem á svæðinu
voru og þær orsakir sem liggja að baki
honum. „Stór hluti bæjarbúa þurfti
að flytjast á brott um tíma," en sjálfur
fluttist Benedikt ekki á Kópasker fyrr
en tíu árum eftir skjálftann. „Ástæða
þessa mikla skjálfta er að ísland er á
mörkum Norður-Ameríkuflekans og
Evrasíuflekans."
Benedikt segir þó að setrið sé enn
á byrjunarstigi. „Við erum rétt að fara
af stað með þetta. Við ætlum að setja
á laggimar fyrstu sýninguna í sumar
í gnmnskólanum," en eins og gefur
að skilja stendur hún bara þangað til
nemendur snúa aftur úr sumarfríi.
„Draumurinn er auðvitað að kaupa eða
byggja húsnæði undir setrið en þetta
er ágætisbyrjun," segir Benedikt sem
þegar hefur fengið mikið af sögum og
myndum frá þessum tíma.
Tilraunahola Holan sem nú erverið að
bora mun ná niður á tveggja kllómetra dýpri.
Hverfell sést (bakgrunni.
„Holan er orðin þrjú hundruð metra djúp nú
þegar," segir Bjarni Pálsson hjá Landsvirkjun
um nýja borholu sem fyrirtækið Jarðboran-
ir vinnur nú að fyrir Landsvirkjun. „Núna er
verið að steypa stálfóðringu." Aðeins er um
hálfur mánuður síðan vinna hófst við nýju
holuna í Bjarnarflagi.
Orkuna úr borholunni á að nýta til nýrrar
virkjunar sem líta mun dagsins ljós innan
tíðar. Eldri virkjun í Bjarnarflagi er orðin
nánast úreit og segir Bjarni að aukin eftirspurn
eftir raforku sé fyrirsjáanleg, einkum ef álver
verði reist á Bakka við Húsavík. Nýja borholan
í Bjarnarflagi er svokölluð tilraunahola. „Þetta
er heilmikil vinna á bak við sem er unnin
markvisst. Það er gert ákveðið hugmyndalíkan
af svæðinu og eldri holurnar eru á afmörkuðu
svæði og í þessu tilviki viljum við kanna svæði
sem hefur ekki verið kannað áður," heldur
Bjarni áfram. Hann segir að holan sé boruð
með fláa, um 2.500 metra til norðausturs.
„Þetta gerum við til þess að lágmarka rask,
bæði á yfirborði og lögnum. Þarna var fyrst
boruð hola beint niður þannig að það er verið
að bora aftur en nú á ská út frá sama stað.
Við verðum komnir í lárétta færslu út, um
einn kílómetra og rúma tvo kílómetra niður
í jörðina þegar yfir lýkur." Háhitasvæðið í
Bjarnarflagi er, til þess að gera, lítið notað og
ókannað svæði. Þar leynist mikill jarðvarmi
sem hægt er að virkja.
Tilraunaboranir hafa einnig staðið yfir
á Þeistareykjum um nokkurt skeið. Þar er
um að ræða svokallaðar djúpboranir sem
ná niður á allt að fimm kílómetra dýpi.
Talið er að með slíkum djúpborunum megi
ná mun meiri afköstum úr hverri borholu.
Landsvirkjun áætlar að bora fimm nýjar
holur á Norðausturlandi á þessu ári. benn/@
dv.is