Peningamál - 01.02.2001, Side 56

PENINGAMÁL 2001/1 55
Janúar 2000
Hinn 1. janúar tóku gildi nýjar reglur um verðtrygg-
ingu sparifjár og lánsfjár o.fl. Breytingar voru gerðar
á ákvæði um jöfnuð verðtryggðra eigna og skulda
lánastofnana. Leyfileg mörk misvægis voru aukin úr
20% í 30% af eigin fé. Ekki voru gerðar breytingar á
heimildum til verðtryggingar sparifjár og lánsfjár
eins og stefnt hafði verið að samkvæmt reglum
bankans frá júní 1995. Lágmarksbinditími verð-
tryggðra innlána verður áfram 3 ár og lágmarksbindi-
tími verðtryggðra lána 5 ár.
Hinn 1. janúar tók gildi breyting á lögum nr. 36/1986
um Seðlabanka Íslands og fluttist yfirstjórn bankans
frá viðskiptaráðherra til forsætisráðherra.
Hinn 1. janúar fékk Greiðslumiðlun hf. Visa Ísland
starfsleyfi sem lánastofnun.
Hinn 12. janúar hækkaði Seðlabanki Íslands vexti
sína um 0,8 prósentustig.
Hinn 24. janúar birti Seðlabanki Íslands verðbólgu-
spá sem gerði ráð fyrir að meðalhækkun verðlags
yrði 5% milli áranna 1999 og 2000 en hækkun frá
upphafi til loka árs 2000 yrði 3,8%. Spáð var að
verðlag á fyrsta ársfjórðungi myndi hækka um 0,9%
eða 3,7% á ársgrundvelli.
Febrúar 2000
Hinn 1. febrúar tóku gildi nýjar reglur á millibanka-
markaði með krónur. Helstu breytingar eru þær að
framvegis skuldbinda markaðsaðilar sig til þess að
gera tilboð í tilteknum fjárhæðum með lánstíma til 9
og 12 mánaða. Seðlabanki Íslands mun reikna út og
birta REIBOR og REIBID til 9 og 12 mánaða.
Hinn 1. febrúar tóku gildi nýjar reglur um viðskipti
Seðlabanka Íslands við bindiskyldar lánastofnanir.
Meginbreytingar voru að gildandi ákvæði um leið-
réttingar á færslumistökum voru felld inn í reglurnar
og að tilkynningar um uppboð endurhverfra við-
skipta verða birtar vikulega á mánudagsmorgni í stað
föstudagskvölds. Þá bættist við nýr skuldabréfa-
flokkur SLST023/2 sem er hæfur í viðskiptum við
Seðlabankann.
Hinn 3. febrúar veitti alþjóðlega matsfyrirtækið Fitch
IBCA íslenska ríkinu lánshæfismatið AA- fyrir lang-
tímaskuldbindingar í erlendri mynt, fyrir skamm-
tímaskuldbindingar í erlendri mynt F1+ og fyrir
skuldbindingar í innlendri mynt fékk ríkið AAA sem
eru hæstu einkunnir sem fyrirtækið gefur.
Hinn 11. febrúar tilkynnti Seðlabanki Íslands hækk-
un vaxta sinna um 0,3 prósentustig og um víkkun
vikmarka gengisstefnunnar úr ±6% í ±9%.
Mars 2000
Hinn 21. mars tóku gildi nýjar reglur um viðskipti á
millibankamarkaði í íslenskum krónum. Meginbreyt-
ingin á reglunum er sú að sett hefur verið hámarks-
vaxtabil milli inn- og útlána í tilboðum þátttakenda
til eins mánaðar og lengri tíma. Hámarkið er 25
punktar. Ekkert hámarksvaxtabil er skilgreint fyrir
viðskipti til skemmri tíma.
Hinn 30. mars veitti viðskiptaráðherra FBA starfs-
leyfi sem viðskiptabanka skv. 4. gr. laga nr. 113/1996
um viðskiptabanka og sparisjóði.
Apríl 2000
Hinn 10. apríl var undirrituð samrunaáætlun Íslands-
banka hf. og FBA hf. sem leiddi til stofnunar nýs fé-
lags undir nafninu Íslandsbanki-FBA hf.
Maí 2000
Seðlabanki Íslands birti verðbólguspá sem gerði ráð
fyrir að meðalhækkun verðlags yrði 5,5% milli ár-
anna 1999 og 2000, en hækkun frá upphafi til loka
árs 2000 yrði 5,0%. Spáð var að verðlag á öðrum árs-
fjórðungi myndi hækka um 1,4% eða 5,7% á árs-
grundvelli.
Annáll fjármálamarkaða
Janúar 2000 – janúar 2001