Málfregnir - 01.04.1989, Qupperneq 21

til einhvers þröngs og afmarkaðs sviðs
heldur umlykur í raun og veru alla þætti
máls og málbeitingar. Sumir hafa jafnvel
skilgreint stíl á enn víðtækari hátt.
Þeirra á meðal var stílsnillingurinn Þór-
bergur Þórðarson sem koinst eitt sinn
svo að orði: „En hvað er rithátturinn
annað en maðurinn sjálfur?"
Mikilvægt er að þeir sem vinna við
íslenska stílfræði njóti stuðnings þeirra
sem áhuga hafa á efninu, hvort heldur
þeir vilja leggja eitthvað til málanna eða
fræðast um verkið. Þannig eru allar
ábendingar og fyrirspurnir vel þegnar.
Þeim má koma á framfæri við þann sem
þetta skrifar. Utanáskrift er Háskóli
íslands (Sumarhöll), 101 Reykjavík, en
sími 69 43 13.
21