Málfregnir - 01.12.2003, Síða 40

Málræktarþing og hátíðardagskrá
á degi íslenskrar tungu 2003
Hátíðardagskrá á vegum menntamálaráðuneytis á degi íslenskrar tungu var að þessu sinni
felld að málræktarþingi Islenskrar málnefndar og Mjólkursamsölunnar svo að úr varð sam-
felld dagskrá sem um 140 manns sóttu. Dagskráin var haldin í hátíðasal Háskóla íslands.
Aðalefni málræktarþingsins í ár var íslenskt íðorðastarf og orðabanki íslenskrar mál-
stöðvar. Erindi af þinginu eru birt í þessu hefti Málfregna.
Jafnframt voru á málræktarþinginu afhent í fyrsta sinn verðlaun íslenskrar málnefndar
og Nafnfræðifélagsins fyrir vel heppnað nafn á fyrirtæki. Smágröfuleigan Grafgötur varð
fyrir valinu.
Enn fremur var afhentur námsstyrkur Mjólkursamsölunnar. Styrkinn hlaut að þessu
sinni Margrét Pálsdóttir sem vinnur að lokaverkefni sem hún nefnir „Svo er Gunnars saga
- greining á flutningi Gunnarshólma“.
Tómas Ingi Olrich menntamálaráðherra veitti Jóni S. Guðmundssyni Verðlaun Jónasar
Hallgrímssonar. Jón hóf íslenskukennslu við Menntaskólann í Reykjavík árið 1943 og
kenndi þar í hálfa öld. Fjöldamargir árgangar nemenda nutu leiðsagnar hans og átti hann
ríkan þátt í að móta málsmekk þeirra og var ætíð óþreytandi í viðleitni sinni til að skerpa
mál og stíl nemenda í ræðu og riti. „Það er hverri þjóð ómetanlegt að eiga lærimeistara
sem stunda málrækt af slíkri alúð,“ segir m.a. í rökstuðningi ráðgjafamefndar. Þá veitti
menntamálaráðherra tvær sérstakar viðurkenningar fyrir stuðning við íslenska tungu. Önn-
ur var veitt Lesbók Morgunblaðsins og hin Spaugstofúnni. í ávarpi sínu benti menntamála-
ráðherra m.a. á hversu góðri fótfestu dagur íslenskrar tungu hefði náð í þjóðlífinu og ráð-
herra nefhdi dæmi um hina margvíslegu viðburði sem efnt er til víða í samfélaginu í til-
efni dagsins.
Útgefandi Málfregna: íslensk málnefnd
Ritstjóri: Ari Páll Kristinsson
Ritstjóm og afgreiðsla: íslensk málstöð,
Neshaga 16, ÍS-107 Reykjavík
Sími: 552-8530. Bréfasími: 562-2699
Veffang: http://www.ismal.hi.is/
Netfang ritstjóra: aripk@ismal.hi.is
Askriftarverð: 895 kr. (m.vsk.) á ári
Gutenberg
ISSN 1011-5889
ÍSLENSK MÁLNEFND