Morgunblaðið - 29.07.2015, Qupperneq 9

BAKSVIÐ
Viðar Guðjónsson
vidar@mbl.is
„Við erum búin að bæta við eftir-
litsmyndavélum og lýsingu á und-
anförnum árum, það ferli heldur
áfram núna í ár,“ segir Dóra
Björg Gunnarsdóttir, fram-
kvæmdastjóri ÍBV, sem auk þess
á sæti í Þjóðhátíðarnefnd. Húkk-
araballið hefst á morgun og að
sögn Dóru er verið að leggja loka-
hönd á skipulagningu hátíðar-
innar. Öryggismyndavélar voru
fyrst settar upp fyrir þremur ár-
um og hafa þær gefið góða raun. Í
ár verða 13 myndavélar í Herjólfs-
dal en 11 myndavélar voru settar
upp í fyrsta skipti árið 2012.
Héldu opinn fund
Að sögn Dóru hefur forvarnar-
starf gegn nauðgunum skilað góð-
um árangri og í fyrra kom ekki
fram nein kæra að lokinni hátíð-
inni svo vitað sé og að sjálfsögðu
vilja forsvarsmenn hátíðarinnar
sem og aðrir endurtaka þann ár-
angur. Samhliða því sem lýsing
verður bætt mun forvarnarhópur
ÍBV, Bleiki fíllinn, vera á svæðinu.
„Gæslan verður dreifð um svæð-
ið. Við erum að bæta gæsluna og
búin að kortleggja dalinn og vitum
hvar þessi helstu mál hafa komið
upp í gegnum tíðina,“ segir Dóra.
Gæslan samanstendur af lög-
reglumönnum, björgunarsveitar-
mönnum og foreldrum. Að sögn
Dóru var haldinn opinn fundur
eftir Þjóðhátíð í fyrra þar sem
fólk gat komið ábendingum á
framfæri. Í framhaldinu var m.a.
bætt við lýsingu á myrkum svæð-
um.
Nálgast tug þúsunda
Dóra vildi ekki gefa upp hversu
marga miða búið væri að selja á
Þjóðhátíð að öðru leyti en að
miðasala í forsölu gengi vel. Tvö
flugfélög fljúga með gesti á
Þjóðhátíð. Það eru flugfélagið
Ernir og Flugfélag Íslands. Sam-
kvæmt upplýsingum frá Erni og
FÍ eru um 500 manns með bókað
flug frá Vestmannaeyjum á mánu-
dag.
Samkvæmt upplýsingum frá
miðapöntunum í Herjólf hafa 7.900
manns bókað far frá Vestmanna-
eyjum á mánudag og þriðjudag,
eða 5.300 á mánudeginum og 2.600
á þriðjudag. Að auki eru ferðir
með Viking tours á milli lands og
Eyja. Getur ferja fyrirtækisins
flutt um 60 manns í einu.
Ekki fengust upplýsingar um
það hversu marga miða var búið
að selja á mánudag og þriðjudag
en gera má ráð fyrir því að búið
sé að selja hátt í tug þúsunda far-
miða frá Eyjum á mánudag og
þriðjudag.
Búin að kortleggja staði þar
sem mál hafa komið upp
 Tæp átta þúsund hafa keypt miða með Herjólfi á mánudag og þriðjudag
Morgunblaðið/GSH
Þjóðhátíð Brekkan er gjarnan þéttskipuð á Þjóðhátíð á sunnudagskvöldinu. Búast má við því að þúsundir manna
muni fylla hana í ár sem önnur ár. Búið var að selja tæplega átta þúsund miða í Herjólf á mánudag og þriðjudag.
Laugavegi 63 • S: 551 4422
SUMARBUXUR
Á STÓRÚTSÖLU
FRÉTTIR 9Innlent
MORGUNBLAÐIÐ MIÐVIKUDAGUR 29. JÚLÍ 2015
Ólafur Ragnar Grímsson lá undir
talsverðri gagnrýni í kjölfar athafn-
ar sem haldin var til heiðurs Vigdísi
Finnbogadóttur í tilefni af því að 35
ár voru liðin frá
kosningu hennar
til forseta. Vigdís
var kosin til
embættis hinn
29. júní 1980.
Ólafur svaraði
henni á þá leið í
viðtali við Sölva
Tryggvason á vef
sjónvarpsstöðv-
arinnar Hring-
brautar í gær að
hann hefði ekki viljað skyggja á
Vigdísi með komu sinni á atburð-
inn. Aðrir embættismenn þjóðar-
innar hefðu gert slíkt hið sama að
undanskildum forseta Alþingis sem
hefði gegnt ákveðnu hlutverki í at-
höfninni. „Þetta var ekki opinber
athöfn heldur viðburður til að
heiðra Vigdísi persónulega,“ sagði
Ólafur. Honum hefði fundist Vigdís
eiga að njóta stundarinnar með
fólkinu án þess að hann eða aðrir
kæmu þar að. Þá sagði hann skipu-
leggjendur viðburðarins ekki hafa
gert ráð fyrir sér.
Auður Hauksdóttir, forstöðumað-
ur Stofnunar Vigdísar Finnboga-
dóttur og einn skipuleggjenda við-
burðarins, staðfesti þetta í viðtali
við sjónvarpsstöðina.
Vildi ekki
skyggja á
Vigdísi
Ólafur Ragnar
Grímsson
Starfrækt hefur verið áfallateymi sem m.a. saman-
stendur af læknum, hjúkrunarfræðingum og sálfræð-
ingum. Hjalti Jónsson, sálfræðingur sem starfar í Dan-
mörku, stýrir áfallateyminu. Hjalti kom að starfinu árið
2012. „Við sjáum um að hjálpa fólki að hafa samband
við lögreglu, koma því undir læknishendur og meta
stöðuna með heilbrigðisfólki í kringum okkur. Ef um
kynferðisbrot er að ræða, þá sendum við fólk til Reykja-
víkur á neyðarmóttökuna. Mesta vinnan fer í praktíska
hluti, hafa samband við aðstandendur svo þolandinn sé
ekki sjálfur að standa í því. Meðferðin sjálf hefst ekki fyrr en seinna ef
þörf er á. Rannsóknir sýna að um helmingur glímir við áfallastreituröskun
síðar,“ segir Hjalti. Í fyrra var engin nauðgun kærð eftir Þjóðhátíð. „Bless-
unarlega var hátíðin í fyrra róleg og engin stórvægileg mál og við erum að
vonast til þess að þetta forvarnarstarf sé að skila sér. Forvarnarstarf fyrir
Þjóðhátíð er eitt, en þetta er þjóðfélagslegt verkefni,“ segir Hjalti.
Sjá um praktíska hluti
ÁFALLATEYMI ER STARFRÆKT Á ÞJÓÐHÁTÍÐ
Hjalti Jónsson
Kringlunni 4c – Sími 568 4900
VERÐHRUN
GÖTU
SALAN
HEFST
Í DAG
Spölur setti í byrjun sumars upp
vegslá við gjaldhlið Hvalfjarðar-
ganga, sem þverar áskriftarakrein
gjaldhliðsins norðan við þau. Gylfi
Þórðarson, framkvæmdastjóri Spal-
ar, segir tilganginn með vegslánni tví-
þættan.
„Sláin er bæði til þess að hemja þá
sem keyra í gegn án þess að borga.
Það hefur verið svolítið um það, ekki
síst hjá ferðamönnum sem þekkja
ekki annað en vegslár við gjaldskýli
erlendis,“ segir hann, en hin ástæðan
snýr að öryggi vegfarenda.
„Hitt markmiðið er að ná niður
hraðanum við gjaldskýlin. Hámarks-
hraðinn er 30 kílómetrar á klukku-
stund, en við höfum séð miklu hærri
tölur,“ segir Gylfi.
Erfitt að rukka ferðamennina
Eftirlitinu var áður sinnt með eftir-
litsmyndavélum sem tóku myndir af
þeim sem ekki borguðu í göngin.
„Það hefur gengið á ýmsu að inn-
heimta hjá þeim sem ekki borga. Til
dæmis er nánast ómögulegt að inn-
heimta gjaldið af ferðamönnum sem
borga ekki. Þeir eru á bílaleigubílum
og eru síðan horfnir úr landi þegar
innheimt er,“ segir Gylfi.
Gylfi segir það munu taka tíma að
venja ökumenn á nýja kerfið með
gjaldslánum. Aðspurður hvort eitt-
hvert tjón hafi orðið vegna slánna,
segir Gylfi að það hafi gerst í nokkur
skipti það sem af er sumri.
„Það sér nú ekki mikið á bílunum,
aðallega á slánum. Þetta hlýtur að
lagast. Það tekur tíma að hægja á
hraðanum,“ segir hann.
Vegslá Sett upp í byrjun sumars.
Vegslá við
gjaldhlið
ganganna