Vestfirska fréttablaðið - 20.12.1994, Síða 5
VESTFIRSKA
Þriðjudagur 20. desember 1994
^ FKÉTTABLAnm | - ------------- -----
Ný bók eftir Þorstein Antonsson rithöfurad:
Uppnjör við menningarástand
Út er komin ný bók eftir
Þorstein Antonsson rithöf-
und á Isafirði, sem ber heitið
„í faðmi fjallkonunnar“. Út-
gefandi er bókmenntafélagið
Hringskuggar í Reykjavík.
Undirtitill er „Uppgjör við
menningarástand“. — Hvers
konar uppgjör er þetta og við
hvaða menningarástand?
Höfundurinn svarar:
Hugtakið „menningarástand"
er viðamikið, en í þessari bók
takmarkast það samt að mestu
við okkar þjóðfélag og þjóð-
lífsástandið á íslandi. Þegar
litið er eins almennt á hlutina
og ég geri, þá má kannski segja
að ég sé í þeim sporum sem
hver maður er h verja stund, þ.e.
að varpa fram spurningum sem
maður sennilega býr einhvers
staðar með sjálfum sér yfir
svörum við. Eg leitaðist
reyndar við að fá svolítið víðari
sýn og einkanlega að ná sam-
hengi, því að mér hefur fundist
og finnst enn að íslensk þjóð-
menning sé ákaflega rík af
mótsögnum, þverstæðum. Eitt
rekur sig á annars horn, ein
fullyrðing stangast á við aðra.
Þess utan eru ýmisleg ein-
kennilegheit sem ég eins og
aðrir Islendingar hef orðið að
lifa við, eins og t.d. hvers
vegna við erum „fáir, fátækir
og smáir“, en þurfum engu að
síður helst að vita alla hluti
hver fyrir sig, gera allt og reyna
allt. Það virðist ástríða íslend-
Þorsteinn Antonsson.
ingsins að komast . yfir sem
mest, flökkueðlið, ekki bara frá
einum stað til annars, heldur
einnig t' andanum.
Ég dró þetta saman í greinar
og reyndi að ftnna einhverja
heildarmynd. Útkoman varð
þessi bók, sem ég lít á sem eina
ritgerð. Ég skipti bókinni í
fimm deildir, sem ég kalla svo.
Hver deild skiptist svo í kapít-
ula. Ég reyndi að vinna efnið
þannig að það gæti verið að-
gengilegt og læsilegt fyrir aðra
og gerði mér far um að rök-
styðja allar fullyrðingar og allt
sem fram er sett. Einkanlega
reyni ég að gera aðgengileg mál
sem a.m.k. í fljótu bragði virð-
ast flókin, með því að hugsa
efnið til enda og hnitmiða
setningarnar. Að auki að byrja
á þvt að taka fyrir efni sem eru
mikið í umræðu. Til dæmis
fjalla ég um kvennamál,
kvennabaráttu og kvennasögu.
Ein deildin er eingöngu um
slíkt. Ég reyndi að fá það ekki
á mig að ég væri neikvæður,
eins og þeim er hættast við sem
taka sér fyrir hendur skrifa
svona rit (þeir eru nú fáir í
seinni tíð, þeim fer fækkandi,
skrifum af þessum tagi). Þeim
hættir til að benda einungis á
annmarka en koma ekki með
neitt jákvætt í staðinn.
Ég byrja bókina þess vegna
á umfjöllun um það gildi sem
jákvæðast er í mannlífi og við
flest höfum einhverja trú á, þ.e.
ástina, í þeim mörgu myndum
sem hún birtist okkur — sem
draumsýn eða beinlínis sem
reynsla, fyrir þá sem eru svo
heppnir. Ég reyni að fjalla um
þetta efni af einhverju viti, og
síðan kvennamálin. Eins og
eðlilegt er koma þau þarna í
beinu framhaldi. A.m.k. finnst
mér það eðlilegt.
Svo kemur það efni sem Is-
lendingum hættir til að byrja og
enda á þegar þeir ætla sér að
gerast víðsýnir, en það er
skáldskapurinn. Menn festast
oft í umræðu um skáldskap.
Hann er vissulega stór hluti af
okkar menningu og þjóðlífí, en
hann er ekki allt. Ég tók fyrir í
einni deild stöðu skáldskapar-
ins eins og hann horfir við mér
þessi árin. Ég reyndi að rekja
mig aftur að rótunum og draga
upp einhverja mynd af stöðu
bókmennta í þjóðlífinu í dag og
sýna fram á einhverja þróun.
I einni deildinni er fjallað um
borgaramenninguna, sem mér
sýnist vera mikið til að ná und-
irtökunum og gera mannlífið
ansi einlitt. Mér finnst að í hana
vanti ýmsar réttlætingar þess,
ef svo má komast að orði, að
eitthvað geti kallast menning.
Síðan læt ég það eftir mér í
lokin að draga fram ýmis atriði
sem ég átti í vandræðum með
þegar ég var í skóla og mér
sýnist að ekki hafi verið mikið
fjallað um enn. Þar er um að
ræða ákveðin atriði í þjóðarsál
okkar — jafnvel fræg atvik,
sem eru jafnan skoðuð í ein-
hvers konar goðsagnakenndum
ljóma og fjallað um þau með
svipuðu orðalagi æ ofan í æ,
jafnvel í nýjum sagnfræðirit-
um.
Ég lét eftir mér að láta
brjóstvitið svolítið ráða og
reyndi líka að leita fyrir mér í
heimildum og fjalla um nokkur
atriði sem mér hafa fundist að
hafi ekki verið nægilega gegn-
umlýst. Kannski má segja að
þar hafi ég snúið hlutunum við
að einhverju leyti, en þar gildir
það sama og annars staðar í
bókinni, að ég tel mig færa rök
fyrir mínu máli.
Að baki þessari bók liggur
mikil vinna, auk þess sem þar
er samandregin reynsla mín á
liðnum árum og áratugum.
Eínu mikilvægasta Iramfaramáli
UestfiPöinga hreyft á Alþingi
5
Til sölu
Á SUÐUREYRI:
Um 130 m2 steinhús að Rómarstíg 8
(Skólastíg 13). Húsið, sem er á einni
hæð, var byggt sem vörugeymsluhús
um 1940, en síðar notað undir harð-
fiskverkun og sem fiskvinnsluhús.
Á TÁLKNAFIRÐI:
Steyptur húsgrunnur, um 250 m2, í
landi Þinghóls á Tálknafirði, ásamt
heimtaug fyrir rafmagn, frárennslis- og
vatnslögn. Á grunninum stóð fisk-
vinnsluhús, svokallað „íshaf“, sem
brann fyrir nokkrum árum. Um var að
ræða „Héðins“- stálgrindarhús.
Tilboð í ofangreindar eignir óskast
send fyrir 6. janúar 1995, til undirritaðs,
sem veitir jafnframt nánari upplýsing-
ar.
Jón Sigfús Sigurjónsson hdl. .
Laugavegi 18A, box 263, 121 Reykjavík.
Símar: 91-11003 & 91-623757. Fax: 91-15466.
Orðsending
til handverksfólks
Fyrirhuguð er á næsta vori sýning á íslensku handverki og
hugviti er nefnist ÍÐIR. Undirbúningur er í fullum gangi.
Handverks-, Iistiðnaðar- og hugvitsfólk um land allt, sem
hefur áhuga á því að taka þátt í sýningunni, er beðið að hafa
samband við mig fyrir jól.
Rósa Ingólfsdóttir
sími 91-672282/693864
fax 91-693988
- Össur Guðbjartsson á Láganúpi skrifar
Pétur Bjamason þingmaður
Framsóknarflokksins á Vest-
fjörðum hefur lagt fram á Al-
þingi þingsályktunartillögu
þess efnis, að Vegagerð ríkis-
ins láti fara fram athugun á því
á hvern hátt verði á sem hag-
kvæmastan hátt tengd saman
suður- og norðursvæði Vest-
fjarða með heiisárssamgöngum
á landi.
Vil ég með þessum línum
vekja athygli Vestfirðinga á
mikilvægi þessa máls. Það er
skoðun mín, og að ég hygg
flestra Vestfirðinga, að brýna
nauðsyn beri til að tengja þessi
svæði betur saman með sam-
göngum allt árið.
Margar þjónustumiðstöðvar,
■ sem er ætlað að þjóna öllum
Vestfjörðum, eru staðsettar á
Isafirði. Má það teljast að ýmsu
leyti æskilegt. I því sambandi
má nefna Framhaldsskóla,
Orkubú, Vegagerð, Póst og
síma, Fræðsluskrifstofu o.fl.
Til þess að þessar þjónustu-
miðstöðvar geti þjónað öllum
Vestfjörðum er nauðsynlegt að
öllum samgöngum sé á þann
veg háttað, að allir Vestfirð-
ingar eigi aðgang að þeim allt
árið.
Margt mætti um þetta mál
segja og nauðsyn þess fyrir
Vestfirðinga, að athugun á því
fari fram sem fyrst. Ég læt þó
nægja að vísa til tillögu þessar-
ar með greinargerð, en hún er
birt í Vestfirska fréttablaðinu
þann 30. nóv. síðastliðinn.
Að síðustu vil ég leggja á-
herslu á það, hversu miklu
sterkari félagsleg heild Vest-
firðir yrðu þegar sú samgöngu-
bót er orðin að veruleika, sem
í tillögunum er rætt um.
Eins og ástandið er núna, þá
er erfíðara að nýta áðurnefndar
þjónustumiðstöðvar á Isafirði
en þó þær væru staðsettar í
Reykjavík.
Össur Guðbjartsson,
Láganúpi.
Óskum viðskiptavinum okkar
og starfsfólki gleðilegra jóla
og farsœldar á komandi ári.
Landsbanki
íslands
Banki allra landsmanna
ísafirði - Patreksfirði - Bíldudal
Við óskum starfsfólki okkar
og öðrum Vestfirðingum gleðilegra
jóla og farsœldar á komandi ári.
.iSHÚSFÉLAG
ISFIRÐINGA HF.
Jólakort og jólasælgæti
til styrktar kirkju-
byggingunni á ísafirði
Einstaklingar og fyrirtæki, athugið.
Fjáröflunarnefnd ísafjarðarkirkju hefur látið
prenta ný jólakort með mynd af nýju kirkjunni,
til styrktar byggingunni.
Kortin eru seld í Bókhlöðunni
og hjá eftirtöldum nefndarmönnum:
Ásthildur, s. 3703 Halla, s. 4388
Hansína, s. 3558 Hlynur, s. 3217
Óli, s. 3406 Ölöf, s. 3192
Þorgerður, s. 3107
Eins og í fyrra ætlar fjáröflunarnefndin
að pakka jólasælgæti í gjafakörfur til
jólagjafa. Fyrirtæki og aðrir sem vilja kaupa
slíkar körfur geta haft samband við ofantalda
nefndarmenn.
Gistiheimilið Flokagata nr. 1
á horni Snorrabrautar
Notaleg gisting á lágu verði miðsvæðis í Reykjavík.
Eins til fjögurra manna herbergi m/handlaug, ísskáp,
síma og sjónvarpi. Eldunaraðstaða.
Verið velkomin!
Svanfríður Jónsdóttir
sími 91-21155 og 24647, fax 620355