Feykir - 18.12.1991, Qupperneq 20

20/FEYKIR 45/1991
hagyrðingaþáttur nr. 110
Heilir og sælir lesendur
góðir. Þar sem nokkurt
kenderí virðist vera á einni
vísu Haraldar Hjálmarssonarí
síðasta þætti eins og hún
kemur lesendum fyrir sjónir
tel ég rétt að birta hana aftur
hér.
Enn ég bragða brennivín,
bestu heimsins gæði,
hiklaust þó að heilsan mín
hangi á veikum þræði.
Það er Ingvi Guðnason á
Skagaströnd sem sér okkur
fyrir næstu vísu.
Landið klæðist ljósum hjúp,
lifnar á græði alda.
Yfir hæðir, nes og núp
nóttin læðist kalda.
Þrátt fyrir að mörgum sé
vetrartíminn erfiður, eru til
margar góðar vísur sem
tengjast þeim árstíma. Hér
kemur önnur eftir Ingva.
Hér er orðið fátt til fanga,
faldar ljósu aldan há.
Yfir freðinn foldar vanga
fjúka dauð og visin strá.
Ennþá rennur tíminn sitt
skeið, og nú er að ljúka
svokölluðu rjúpnaveiðitíma-
bili. Þann veiðiskap stunda
fulltrúar frá ýmsum stéttum
þjóðfélagsins og verða þar
ólíklegustu menn veiðigleð-
inni að bráð. Næsta vísa er
ort um prest nokkurn sem
stundaði rjúpnaveiðar af
kappi. Höfundur er Vigfús
Pétursson.
Undan manni flýgur flest.
Fara skotin langt á mis,
því um leið og sérann sést
svífa þær til helvítis.
Annar rjúpnaveiðimaður
fékk þessa umsögn hjá
Vigfúsi.
Heyrist mikill hagladynur.
Höfðinginn er þannig gerður.
Sídritandi dýravinur
drepur allt sem fyrir verður.
Mörgum hagyrðingum er
án efa minnistætt þegar þau
ortust á í spurningaþætti
Ómars Ragnarssonar: Ragn-
heiður Sveinbjörnsdóttir og
Flosi Ólafsson. Um atburð
þennan orti Vigfús svo.
Illilega ýmsum brá,
aðrir fóru að brosa.
Hún lagði sína lipurtá
við lappirnar á Flosa.
Það á vel við nú í
skammdeginu að rifja upp
eftirfarandi vísu, sem ég man
því miður ekki eftir hvern er.
Bleikan lit á landið ber,
lífið brestur þróttinn.
Dauðafölur dagur hver,
dimm og þögul nóttin.
Margir þeir sem leiðir eru á
myrkratímanum, hughreysta
sjálfan sig með því að hugsa
um dásemdir vorsins þegar
það birtist aftur, eins og
Rúnar Kristjánsson á Skaga-
strönd orðar svo fallega í
næstu vísu.
Þó mér fylgi heim á hlað
húmsins skuggakraftur.
Veit ég samt með vissu að
vorið kemur aftur.
í kringum áramótin finnst
mörgum að fari að styttast í
birtuna, eins og fram kemur í
þessari vísu Ingibjargar Sig-
fúsdóttur.
Myrkrið flýja sjáum senn,
sólin skýin tefur.
Vonir hlýjar okkur enn
árið nýja gefur.
Misjafnt er hvernig hag-
yrðingar yrkja um áramót.
Ekki veit ég hver er höfundur
næstu vísu.
Liðna árið lágt með ris
loksins hylur gröfin köld,
það horfið er í helvítis
hítina sem kallast öld.
Annar sem ég kann ekki
heldur að nefna fagnar á
svofelldan hátt nýja árinu.
Afram dagsins annir líða,
örlaganna gatan hljóð.
Nýársdagsins birta og blíða
boðar farsæld vorri þjóð.
Geta lesendur sagt mér
hver er höfundur næstu vísu
og hvert tilefni hennar hefur
verið.
Fyrst mig vantar vísuna,
vel svo falli í smekkinn.
Best er að opna budduna
og borga fyrir hrekkinn.
Þar sem nú er að líða að
jólum koma hér nokkra vísur
í lokin sem tengjast þeim.
Magnús Jósefsson í Borgar-
nesi yrkir svo til kunningja.
Jólahald hjá Birni er breytt,
í bernsku gjafir þráði.
Núna er það yfirleitt
eins og steikin ráði.
Þrátt fyrir jólin halda lífið
og dauðinn sínu striki og
nýjar manneskjur fæðast og
aðrar deyja. Sigurður7’Þor-
finnsson á Skeggjastöðum
orti svo við andlát Stefáns
Eyjólfssonar frá Kálfárdal.
Nú er Stefáns sigin sól,
svo hún rann án tafar.
Hann mun sæll um heilögjól
hinum megin grafar.
Trúlega hafa orðið ansi
miklar breytingar á jólahald-
inu, eins og fram kemur í
næstu vísu Gunnars Eggerts-
sonar.
Gott er að muna gömul jól,
guð var þá á sveimi.
Nú er horfið heims um ból
hugans íagurdreymi.
Um höfund lokavísunnar
að þessu sinni veit ég því
miður ekki.
Hver sem veitir hrjáðum hér
hjálp af ljúfu geði
skapar með því sjálfum sér
sanna jólagleði.
Ég vil að lokum óska
öllum lesendum þáttarins
gleðilegra jóla og þakka fyrir
samstarfið á árinu og góðar
óskir til þáttarins, og bið
ykkur þar með að vera sæl að
sinni.
Guðmundur Valtýsson
Eiríksstöðum
541 Blönduósi
s: 95-27154
Enginn miskunn í Stóragarði
Norðurland vestra:
Feröamálasamtök stofnuö
Eyjólfur Sverrisson fékk að
kynnast því vel um helgina að
líf atvinnuknattspyrnumanns-
ins er enginn dans á rósum.
Hann fékk skurð á augabrún í
einu af mörgum skallaeinvígum,
var kippt útfyrir hliðarlínuna
og skurðurinn saumaður saman
í skyndingu án þess að deyfa.
Stráksi síðan sendur inn á að
nýju, en fljótlega myndaðist
blóðpoki sem skyggði á
augað. Aftur var gert að
auganu við hliðarlínu og síðan
fór Jolli beint í leikinn að nýju.
Eyjólfur sagði að það hefði
ekki verið neitt sérstakt
þegar augabrúnin var saumuð
án deyfingar. Honum gekk
ágætlega í leiknum sem var
gegn Verder Bremen og
endaði með jafntefli 1:1.
Stuttgart er nú í þriðja sæti
deildarinnar rétt á eftir
toppliðinu Dortmund. Von
var á Eyjólfi til landsins í
gær, en hann mun dvelja í
föðurgarði á Króknum þangað
til haldið verður í baráttuna á
ný í byrjun nýs árs.
Viðbrögð forráðamanna
og lækna Stuttgarts við
hliðarlínuna um helginasýna
líklega betur en nokkuð
annað hversu mikilvægur
hann er talinn liðinu um
þessar mundir. Þess má geta
að Eyjólfur var nýlega valinn
knattspyrnumaður ársins hér
á landi.
Stofnfundur Ferðamálasam-
taka Norðurlands vestra var
haldinn nýlega á Hótel
Blönduósi. Aðild að samtök-
unum eiga ferðamálafélög á
svæðinu. Fyrsti formaður
samtakanna var kosin Her-
björt Pétursdóttir á Melstað,
Erlendur Eysteinsson á Stóru-
Giljá verður gjaldkeri og
Einar Steinsson á Sauðár-
króki ritari.
Hlutverk samtakanna er
samkvæmt lögum þess: að
vinna að hagsmunamálum
ferðaþjónustu og eflingu
hennar sem atvinnugreinar.
Þátttaka í starfi ferðamála-
samtaka landshluta og starf-
semi ferðamálaráðs og stuðla
að samstarfi um ferðamál á
svæðinu. Samtökin munu
fjármagna starf sitt með
föstu árgjaldi ferðamála-
félaganna á svæðinu, ásamt
öðrum fjáröflunarleiðum.
Auk fulltrúa ferðamála-
félaga voru á fundinum
Vigfús Vigfússon ferðamála-
fulltrúi og Elísa Guðmunds-
dóttir hótelstjóri á Blönduósi.
MYNDLISTARSÝNING
GUNNAR FRIÐRIKSSON OPNAÐI
SÝNINGU í VINNUSTOFUNNI
AÐALGÖTU 16 SAUÐÁRKRÓKI
LAUGARDAGINN 14. DESEMBER
SÝNINGIN VERÐUROPIN
TIL22. DESEMBER
FRÁ KL. 15.00 TILKL. 22.00
VERIÐ VELKOMIN
Ferðamálafélag Skagafjarðar:
Sendir borgarstjórn
Reykjavíkur áskorun
Ferðamálafélag Skagafjarðar
og Siglufjarðar harmar þá
afstöðu Reykjavíkurborgar
að draga sig út úr rekstri
Upplýsingamiðstöðvar ferða-
mála í Reykjavík, er leiða
mun til þess að henni verði
lokaðfrá ogmeð l.júní 1992.
Félagið telur að af þessu bíði
ferðaþjónusta óbætanlegt tjón:
ekki aðeins á landsbyggðinni,
heldur og í höfuðborg okkar
allra. Skorar Ferðamála-
félagið hér með eindregið á
borgarstjórn Reykjavíkur að
endurskoða strax afstöðu
sína í þessu máli.