Iðjuþjálfinn - 01.12.1996, Blaðsíða 21

19
Starf iðjuþjálfans
Vegna framsýni þeirra sem vinna að undir-
búningi búsetudeildar var fengin heimild til
að ráða iðjuþjálfa til starfa 1. september sl.
Þá var iðjuþjálfi „á lausu" og það er ekki á
hverjum degi sem það gerist. Undirrituð er
því ráðin tímabundið til áramóta en þá er
gert ráð fyrir að auglýsa þessa nýju stöðu. í
þessu millibilsástandi heyrir starf iðjuþjálfa
undir öldrunardeild bæjarins og deildar-
stjóri öldrunardeildar er yfirmaður iðju-
þjálfa.
Hlutverk iðjuþjálfa skv.
starfslýsingu er eftirfarandi:
1. Iðjuþjálfi sinnir heimilisathugunum og
veitir faglega ráðgjöf um aðbúnað og
notkun hjálpartækja á heimilum neytenda
þjónustunnar.
2. Iðjuþjálfi kannar með hvaða hætti beita
má endurhæfingaraðferðum til að gera
neytendur þjónustunnar meira sjálfbjarga
við athafnir daglegs lífs og stuðlar að því
að þeim vinnuaðferðum verði beitt. Iðju-
þjálfi veitir þeim starfsmönnum Akureyr-
ar bæjar er sinna búsetuþjónustu faglega
ráðgjöf á þessu sviði.
3. Iðjuþjálfi heldur uppi tengslastarfi við
aðra þá sem sinna búsetuþjónustu á Ak-
ureyri svo sem heimahjúkrun, ráðgjafar-
deild og svæðisskrifstofu og stuðlar eftir
megni að samræmingu og samhæfingu
svo þjónustan komi neytendum að sem
mestu gagni.
4. Iðjuþjálfi skal að öðru leyti hafa frum-
kvæði að því að nýta sérþekkingu sína
eftir því sem kostur er á í þágu öldrunar-
þjónustunnar og viðskiptavina hennar.
Eðli málsins samkvæmt er starfið í mótun
og mun sjálfsagt verða það um nokkurt
skeið. Undanfarið hefur mikið af mínum
tíma farið í það að kynna mig og starfssvið
mitt fyrir væntanlegu samstarfsfólki. Mér
hefur verið mjög vel tekið og virðast flestir
hafa einhverja hugmynd um hvað iðjuþjálfi
getur gert. t>að þakka ég ekki síst því að Þór-
hildur Sveinsdóttir iðjuþjálfi starfaði hjá
öldrunardeildinni sumarið 1992 í tengslum
við tilraunaverkefni er laut að samvinnu
heimilisþjónustu og heimahjúkrunar. Hún
náði á þessum stutta tíma að sanna fyrir
mörgum mikilvægi iðjuþjálfa í þessari þjón-
ustu. Beiðnir eru farnar að berast frá ýmsum
aðilum, mest þó frá starfsfólki heimilisþjón-
ustu og heimahjúkrunar. Þetta eru beiðnir
um heimilisathuganir, mat á hjálpartækja-
þörf, leiðbeiningar um starfsstellingar og
notkun á hjálpartækjum við umönnun svo
og almennt mat á sjálfshjálpargetu og þjón-
ustuþörf.
Rétt kona á réttum stað
Eftir þennan stutta tíma í starfinu get ég
auðvitað ekki alhæft mikið. Samt sem áður
finnst mér augljóst að þetta er starfsvett-
vangur þar sem menntun iðjuþjálfa nýtist
alveg sérstaklega vel. Iðjuþjálfar hafa
menntun sem tengist bæði heilbrigðis- og
félagssviði og þurfa því ekki að skipa sér í
„lið". Auk þess geta iðjuþjálfar vandræðalít-
ið sett sig inn í málefni annarra stétta og rætt
málin án þess að viðkomandi þurfi að telja
sér ógnað. „Meðfædd" heildarsýn iðjuþjálfa
er grundvöllur góðrar heimaþjónustu og
því erum við upplagðir boðberar þeirrar
stefnu að efla heimaþjónustu og stuðla að
því að hún sé veitt á þann hátt að þegnamir
fái sem allra lengst að njóta sín í samfélag-
inu.