Tímarit hjúkrunarfræðinga - 01.04.2012, Page 38

Tímarit hjúkrunarfræðinga – 2. tbl. 88. árg. 201234
Gamlar perlur
Sumarhúsið
Nú þegar orlofssjóður Félags íslenskra hjúkrunarfræðinga byggir nýjan
sumarbústað, hinn fimmta í röðinni, er gaman að rifja upp sögur um fyrsta
orlofshús félagsins. Það hét Kvennabrekka og var vígt 1937. Húsið var
selt 2005 en stendur enn þá í Mosfellsbæ nálægt Reykjalundi. Hér er
fjallað um viðgerðir sem fóru fram á húsinu 1957 en greinin birtist í 2. tbl.
Hjúkrunarkvennablaðsins 1958.
Það var fámennur hópur sem lagði af
stað upp í „kofa“, eins og við vinir
sumarhússins köllum það stundum, síðla
kvölds síðastliðið sumar. Ástæðan fyrir
þessu ferðalagi var sú að nú átti „kofinn“
12.000 kr. á borðinu, já, þvílíkt ríkidæmi,
og nú í nokkur ár hafði viðgerð á húsinu
verið stórt áhyggjuefni.
Við höfðum með okkkur bygginga-
sérfræðing til þess að kenna okkur
hvernig við ættum að koma fyrir í
endur bótum öllum þessum þúsundum.
Byggingasérfræðingurinn skoðaði húsið
utan og innan af mikilli nákvæmni. Hann
hristi rúðurnar í gluggunum. Hér þarf
að taka úr og kítta allar rúður. Og við
litum hvert á annað þegar hann rak
fingur í gegnum einn gluggapóstinn ...
Næst var að klifra upp á þakið. En hvað
var nú þetta? Upp þaut máríuerla með
miklum látum og í kring flaug húsbóndinn
öskureiður yfir þessum mannskepnum,
sem voru að spilla heimilisfriðnum.
Á þakinu vantaði eina plötu og það var
svo freistandi að búa sér ból í skjólinu
og hlýindunum niðri í þakinu. Þakið þurfti
viðgerðar með, það var augljóst mál, en
nákvæm skoðun gat ekki farið fram að
þessu sinni, það leyfðu þau ekki, litlu
hjónin. Við lofuðum þeim því líka, að
ekkert skyldi gert á þakinu fyrr en börnin
voru komin á legg.
Ekki tók betra við þegar inn kom.
Byggingasérfræðingurinn kippti í lausan