Tölvumál - 01.11.2015, Blaðsíða 21

21
Það getur borgað sig að staldra við og líta á val á upplýsingakerfi sem
sérstakt verkefni þar sem ríkir samkeppni milli birgja, það er gerður
staðlaður samanburður milli lausna og staðlaðir samningar eru notaðir.
Til dæmis ERP12 samningurinn, sem hefur verið notaður í hundruðum
verkefnissamninga á Norðurlöndum, eða afbrigði af K01, 02 eða 03
gætu bætt samninga milli verksala og verkkaupa til muna.
Nokkur góð ráð í samningagerð um kaup og innleiðingu á samþættum
upplýsingakerfum:
1. Settu upp stöðluð útboðsgögn.
2. Láttu fleiri en einn birgja bjóða í verkefnið.
3. Notaðu staðlaða aðferð til að bera saman birgja og lausnir.
4. Tryggðu að samningsformið sem notað er sé jafn hliðhollt
fyrirtæki og birgja.
5. Notaðu sérfræðing til að aðstoða þig í samningagerðinni.
6. Tryggðu að samningurinn taki á öllum þeim atriðum sem taka
þurfi á m.t.t. innleiðingar á þessari tegund upplýsingakerfa.
7. Tryggðu að ábyrgðar- og prófunar ákvæði séu skýr og sýni hvað
það er sem birgi á að skila af sér og hvað það er sem kerfið á að
geta eftir skiladag.
8. Tryggðu að verðákvæði séu skilgreind sem markverð og það
séu ákvæði um hvað eigi að gerast ef birgir fer frem úr áætlun.
9. Hafðu í huga þær forsendur sem liggja að baki því verði sem
gefið er upp í tilboðinu.
10. Notaðu samninginn í innleiðingarferlinu til að vaka yfir skilum,
hegðun og frammistöðu birgja.
Í október 2015 var send út könnun á félagsmenn Ský um viðhorf þeirra
til tækninnar og starfsemi Ský. Hvaða tækifæri sjá félagsmenn og hvaða
ógnir eru mögulega aðsteðjandi. Hversu duglegir eru félagsmenn að
lesa Tölvumál og taka þátt í viðburðum.
Ágæt þátttaka var í könnuninni en alls bárust 131 svör á þeim fáu
dögum sem könnunin stóð yfir. Þetta var ekki hávísindaleg könnun
heldur fyrst og fremst gerð til gamans. Helstu niðurstöður fara hér á eftir.
UM ÞÁTTTAKENDUR
Þrír fjórðu þátttakenda voru karlar og 59% svarenda var á aldrinum 31
til 50 ára en aðeins um 3% voru yngri en 30 ára. Tæp 43% þátttakenda
er með BA/BS próf og yfir 40% með meistaragráðu eða meira. Alls
svöruðu sex doktorar könnuninni.
Spurt var um sérsvið og starfsheiti þátttakenda. Þar var nánast öll flóran
nefnd frá því að vera með sérsviðið „allt mögulegt” yfir í útstöðvar og
miðlarar. Starfsheitin sérfræðingur og verkefnastjóri voru algeng auk
hefðbundinna starfsheita eins og forritari, deildarstjóri, vefstjóri og
framkvæmdastjóri.
INTERNET HLUTANNA ER MEST SPENNANDI
Þegar spurt var út í viðhorf til tækni framtíðarinn sögðust 54%
þátttakenda vera spenntir og 42% bjartsýnir. Enginn bölmóður á ferð
því enginn sagðist vera svartsýnn og aðeins 3% kvíðinn.
Það er ljóst að margir líta til þess sem hefur verið kallað internet hlutanna
(e. internet of things), sjálfkeyrandi bíla, aukna sjálfvirkni hvers konar,
gervigreind, raddstýringar og frekari skýjaþróun. Og einn nefndi fljúgandi
bíla áreiðanlega til heiðurs myndinni Back to the Future sem átti 30 ára
afmæli nýlega!
Spurt var út í óæskilegar nýjungar í framtíðinni og þar var þátttakendum
helst tíðrætt um áhyggjur af öryggi upplýsinga, misnotkun persónu-
upplýsinga, minni persónuvernd og margir hafa áhyggjur af því sem svo
margir eru einmitt spenntir fyrir þ.e. internet hlutanna og aukin sjálfvirkni.
Um helmingur þátttakenda sagði að tölvunörd væri besta lýsingin á sér
og um 83% sögðust vera nýjungagjarnir notendur, en hægt var að
merkja við fleira en eitt svar.
MEIRIHLUTI LES TÖLVUMÁL
Spurt var út í notkun og lestur á Tölvumálum, bæði vefútgáfunni og
prentaðri. Prentuðu útgáfuna segjast um 56% notenda lesa í heild eða
hluta. Rúmlega 9% fá blaðið en lesa það ekki og um þriðjungur segist
aldrei sjá blaðið.
Um 28% segjast lesa reglulega vikulegu pistla Tölvumála á netinu, um
35% les þá sjaldan, liðlega 20% les þá ekki og 16% vissu ekki af
greinunum.
Loks var spurt út þátttöku félagsmanna í viðburðum á vegum Ský.
Enginn sagðist fara á alla viðburði sem kom ekki á óvart enda fjölbreytt
flóra viðburða og mismunandi áhugasvið. Um 26% segjast fara á
nokkra viðburði á ári, 55% fara sjaldan, tæplega 17% aldrei en aðeins
um 2% vissi ekki af viðburðum.
VIÐHORF TIL TÆKNIMÁLA
FRAMTÍÐARINNAR
Sigurjón Ólafsson, Fúnksjón vefráðgjöf