Tölvumál - 01.11.2015, Blaðsíða 40

40
Háskólinn í Reykjavík (HR) hefur tekið þátt í mörgum Evrópuverkefnum
sem tengjast kennslu í tölvunarfræði. Markmið verkefnanna hafa verið
háleit og í kringum þau skapast samvinna milli stærri og smærri hópa
og vinátta orðið til sem nær langt út fyrir verkefnin. Hér langar mig að
segja stuttlega frá þessum verkefnum og hvernig hefur verið að taka
þátt í þeim.
ECET
Fyrsta verkefnið sem við tókum þátt í var European Computing
Education and Training (ECET) á árunum 2002 til 2004. Þetta verkefni
fólst í að byggja líkan fyrir Virtual European Department of Computing
(VEDoC) og skapa Virtual Recommended Professional Standards in
Computing. Einnig að móta kennsluskrá fyrir kennslu á netinu og þróa
rafræn námskeið á netinu og bókasafn. Auk þess að hanna og útbúa
efni þá var markmiðið einnig að þróa notkun á stöðlum og gæðakerfi
(System for Quality Control (SQC)). Þátttakendur í verkefninu voru 71
háskóli og stofnanir í 30 Evrópulöndum. Afrakstur verkefnisins má sjá
hér: http://ecet.ecs.uni-ruse.bg/vedoc/.
ETN DEC
Næsta verkefni var European Thematic Network for Doctoral Education
in Computing (ETN DEC) á árunum 2005 til 2007. Megin markmið
þessa verkefnis var að stuðla að því að doktorsnám yrði viðurkennt sem
„the third cycle“ í menntun, að skilgreina leiðir til að auka gæði doktors-
náms í tölvunarfræði og til að þróa tæki og aðferðir til að meta, staðfesta
þekkingu og færni doktorsnema. Þátttakendur voru frá 69 háskólum og
stofnunum í 30 Evrópulöndum og afraksturinn má sjá hér: http://ecet.
ecs.ru.acad.bg/etndec/.
ETN TRICE
Þriðja verkefnið var Teaching, Research and Innovation in Computing
Educaiton, (ETN TRICE) á árunum 2008 til 2011. Þátttakendur voru frá
70 háskólum og stofnunum í 31 Evrópulandi. Markmiðið þessa
verkefnis var að kynna rannsóknir og nýjungar í tölvunarfræðikennslu.
Þetta var gert með því að greina stöðuna, skiptast á reynslu, kynna það
sem vel hafði gengið til þess að efla gæði kennslu og náms og stuðla
að nýtingu nýrrar tækni við kennslu. Nýta átti reynsluna úr verkefnunum
tveim á undan og stuðla að því að koma henni í framfæri. Þátttakendur
voru frá 69 háskólum og stofnunum í 30 Evrópulöndum og afraksturinn
má sjá hér: http://trice.ecs.uni-ruse.bg/index.php?cmd=gsIndex.
FETCH
Fjórða og nýjasta verkefnið er New European Thematic Network „Future
Education and Training in Computing: How to support learning at
anytime anywhere (FETCH) sem hófst 2013 og stendur til 2016. Í þessu
verkefni er ætlunin að þróa European Strategic Framework for
Computing Education and Training 2020 (ECFCET-2020) og European
Evaluation Framework in Computing Education and Training 2020
(EEFCET-2020). Einnig er unnið að tillögum um kennsluskrá fyrir nám
og þjálfun í tölvunarfræði á netinu og að móta kennsluaðferðir og líkön
til að nota netmiðla og samfélagsmiðla, í menntun. Þátttakendur eru frá
67 háskólum og stofnunum í 35 Evrópulöndum og afraksturinn má sjá
hér: http://fetch.ecs.uni-ruse.bg/index.php?cmd=gsIndex.
MÍN REYNSLA
Verkefnunum hefur verið stýrt frá Háskólanum í Russe í Búlgaríu og því
hafa margir fundir í verið haldnir Búlgaríu, í Soffíu eða í Russe (Ruse,
Rouse, Rustchuk/Ruschuk). Ferð til Russe tók lengi vel langan tíma.
Fyrst þurfti að fljúga til Soffíu og síðan tók við um fimm tíma rútuferð til
Russe og tók ferðin stundum næstum tvo heila daga. Ekki var hægt að
ferðast í gegnum Búkarest í Rúmeníu á þessum tíma þar sem landa-
mærin voru lokuð. Russe er falleg borg við Dónárbakka og oft kölluð
litla Vín og þekkt fyrir fallegan arkitektúr frá Neo-Baroque og Neo-
Rococois tímabilinu á 18 og 19 öld. Auk reglulegra funda í Búlgaríu hafa
fundir einnig verið haldnir í Þýskalandi, Portúgal, Írlandi, Lettlandi,
Tyrklandi, Spáni, Belgíu og Rúmeníu.
Þegar ég kom á fyrstu fundina var mér brugðið, aðstæður í Búlgaríu
voru ekki góðar, sýnilega mikil fátækt bæði í Soffíu og út á landi. Þegar
keyrt var um landið mátti sjá mikið af hrörlegum byggingum og stórum
matjurtargörðum við hvert hús ásamt háum viðarstöflum og gjarnan
einni geit. Vegakerfið var nokkuð gott, líklega gert á sínum tíma til að
hernaðartæki kæmust hratt yfir. Á þeim rúmum 12 árum sem liðin eru
síðan ég tók fyrst þátt hefur ýmislegt breyst í Búlgaríu, ástandið virðist
batna smásaman og nú er hægt að fljúga til Búkarest og keyra þaðan
til Russe yfir Dóná sem styttir ferðalagið mikið.
Fólkið sem tók og tekur þátt í þessum verkefnum er áhugasamt og vill
læra hvert af öður en greinilega hafa komið í ljós ólík sjónarmið austurs
og vesturs, t.d. varðandi hvað eigi að kenna og hvernig. Fjörugar
umræður skapast á fundum um þessi efni, sérstaklega í smærri hópum
en smám saman hefur tungumálaþekking skipt fólki í hópa þar sem
EVRÓPUVERKEFNI
TENGD KENNSLU
Í TÖLVUNARFRÆÐI
Dr. Ásrún Matthíasdóttir, lektor við Háskólann í Reykjavík