Tölvumál - 01.11.2015, Blaðsíða 2

RITSTJÓRNARPISTILL
Dr. Ásrún Matthíasdóttir, ritstjóri Tölvumála
Í ár koma Tölvumál út í fertugasta sinn með fjölbreyttu efni sem tengist upplýsinga- og
tölvutækni. Blaðið var fyrst gefið út árið 1976 og fram til 1990 var enginn titlaður ritstjóri
heldur ábyrgðarmaður skráður fyrir blaðinu. Fjöldi þeirra sem hafa verið í hlutverkum
ritstjóra og ábyrgðarmanna er 13, en þar af eru þrjár konur sem hafa séð um útgáfu
blaðsins í átta af þeim 40 árum sem blaðið hefur komið út. Sá sem lengst hefur stýrt
blaðinu er Óttar Kjartansson sem var ábyrgðarmaður frá 1976 til og með 1983, næstur
kemur Einar H. Reynis sem stýrði blaðinu frá 2000-2005. Þess ber að geta að
ábyrgðarmenn og ritstjórar hafa ekki staðið einir að útgáfu blaðsins, með þeim hefur
fjöldi ritnefndarmanna úr röðum félagsmanna Skýrslutæknifélagsins unnið óeigingjarnt
starf í sjálfboðavinnu öll þessi ár. Ég held ég tali fyrir hönd allra félagsmanna þegar ég
þakka þessu fólki fyrir að hafa séð til þess að koma þessu áhugaverðu tímariti út ár eftir
ár og ekki má gleyma þeim sem hafa skrifað í blaðið, þeim ber líka að þakka. Án þeirra
væri ekkert blað.
Þema blaðsins í ár er hönnun á hugbúnaði og fjalla greinarnar meðal annars um
hönnunarlýsingar, öryggi, uppbyggingu, prófanir, innleiðingu og friðhelgi persónu-
upplýsinga, en einnig eru greinar um annað efni, s.s. forritunarkennslu og neyðarhnapp
fyrir notendur tölvukerfa. Nokkur viðtöl eru í blaðinu og sú nýjung var tekin upp að gera
könnun meðal félagsmanna og þeirra sem eru á póstlista félagsins þar sem þemað var
viðhorf til tækninnar og framtíðarsýn. Niðurstöðurnar eru áhugaverðar og settar fram á
skemmtilegan hátt í blaðinu.
Framtíðin er óskrifað blað eins og fyrr, en margt er í gerjun og margir draumar sem erfitt
er að spá um hvort verði að veruleika. Þar sem Back to the Future-dagurinn 21. október
2015 er nýliðinn er ekki úr vegi að skoða aðeins hvað hefur ræst úr þessum bíómyndum.
Hér má nefna þunna flatskjái, fingrafaraskanna, sýndargleraugu, myndsímtöl (Skype),
bíla sem ganga fyrir rusli, sjálfreimandi skó og þótt hundagangari og svifbretti séu ekki í
almenningseigu þá er tæknin að verða tilbúin fyrir markaðssetningu. Hins vegar kannast
ég ekki við fljúgandi bíla, sjálfþurrkandi jakka og heilmynda auglýsingar þó þrívíddar-
kvikmyndir séu vissulega til. Það er alltaf erfitt að sjá fyrir sér framtíðna í tækniþróun og
þess vegna er áhugavert að horfa á kvikmyndir sem eiga að gerast í framtíðinni og
fylgjast með nýjungum.
Tímaritið Tölvumál
Fagtímarit um upplýsingatækni.
Tölvumál hafa verið gefin út frá
árinu 1976 af Skýrslutæknifélaginu.
Prentvinnsla
Litlaprent ehf.
Ritstjóri og ábyrgðarmaður
Ásrún Matthíasdóttir
Aðrir í ritstjórn
Ágúst Valgeirsson
Guðbjörg Guðmundsdóttir
Hrafnhildur Jóhannesdóttir
Margrét Rós Einarsdóttir
Sigurjón Ólafsson
Skýrslutæknifélag Íslands
Ský, er félag einstaklinga,
fyrirtækja og stofnana á sviði
upplýsingatækni.
Framkvæmdastjóri Ský
Arnheiður Guðmundsdóttir
Stjórn Ský
Guðjón Karl Arnarson, formaður
Sigrún Gunnarsdóttir
Guðmundur Arnar Þórðarson
Ólafur Tr. Þorsteinsson
Þorvarður Kári Ólafsson
Snæbjörn Ingi Ingólfsson
Helga Dögg Björgvinsdóttir
Aðsetur
Engjateigi 9
105 Reykjavík
Sími: 553 2460
www.sky.is
sky@sky.is
Óheimilt er að afrita á nokkurn
hátt efni blaðsins að hluta eða
í heild nema með leyfi viðkomandi
greinahöfunda og ritstjórnar.
Blaðið er gefið út í 1.200 eintökum.
Áskrift er innifalin í félagsaðild að Ský.
Pökkun blaðsins fer fram í vinnustofunni Ás.
Tölvumál eru skráð vörumerki hjá Einkaleyfastofu og eru
í eigu Skýrslutæknifélags Íslands. Öll notkun og vísun í
vörumerkin er óheimil án sérstaks leyfis eiganda.Í því
felst m.a. réttur sem settur er í vörumerkjalögum (sjá lög
m vörumerki nr. 45/1997 með síðari breytingum) gefur
eiganda vörumerkis einkarétt á að nota merkið hér á
landi og getur hann þá bannað öðrum að nota í
atvinnustarfsemi merki sem eru eins eða lík vörumerki
hans. Nánari uppl: http://www.els.is/merki/
vorumerki/
2